॥ Sri Dhanvantari Ashtottara Shatanama Stotram Telugu Lyrics ॥
॥ శ్రీధన్వన్తర్యష్టోత్తరశతనామస్తోత్రమ్॥
ధన్వన్తరిః సుధాపూర్ణకలశఢ్యకరో హరిః ।
జరామృతిత్రస్తదేవప్రార్థనాసాధకః ప్రభుః ॥ ౧ ॥
నిర్వికల్పో నిస్సమానో మన్దస్మితముఖామ్బుజః ।
ఆఞ్జనేయప్రాపితాద్రిః పార్శ్వస్థవినతాసుతః ॥ ౨ ॥
నిమగ్నమన్దరధరః కూర్మరూపీ బృహత్తనుః ।
నీలకుఞ్చితకేశాన్తః పరమాద్భుతరూపధృత్ ॥ ౩ ॥
కటాక్షవీక్షణాశ్వస్తవాసుకిః సింహవిక్రమః ।
స్మర్తృహృద్రోగహరణో మహావిష్ణ్వంశసమ్భవః ॥ ౪ ॥
ప్రేక్షణీయోత్పలశ్యామ ఆయుర్వేదాధిదైవతమ్ ।
భేషజగ్రహణానేహస్స్మరణీయపదామ్బుజః ॥ ౫ ॥
నవయౌవనసమ్పన్నః కిరీటాన్వితమస్తకః ।
నక్రకుణ్డలసంశోభిశ్రవణద్వయశష్కులిః ॥ ౬ ॥
దీర్ఘపీవరదోర్దణ్డః కమ్బుగ్రీవోఽమ్బుజేక్షణః ।
చతుర్భుజః శఙ్ఖధరశ్చక్రహస్తో వరప్రదః ॥ ౭ ॥
సుధాపాత్రోపరిలసదామ్రపత్రలసత్కరః ।
శతపద్యాఢ్యహస్తశ్చ కస్తూరీతిలకాఞ్చితః ॥ ౮ ॥
సుకపోలస్సునాసశ్చ సున్దరభ్రూలతాఞ్చితః ।
స్వఙ్గులీతలశోభాఢ్యో గూఢజత్రుర్మహాహనుః ॥ ౯ ॥
దివ్యాఙ్గదలసద్బాహుః కేయూరపరిశోభితః ।
విచిత్రరత్నఖచితవలయద్వయశోభితః ॥ ౧౦ ॥
సమోల్లసత్సుజాతాంసశ్చాఙ్గులీయవిభూషితః ।
సుధాఘన్ధరసాస్వాదమిలద్భృఙ్గమనోహరః ॥ ౧౧ ॥
లక్ష్మీసమర్పితోత్ఫుల్లకఞ్జమాలాలసద్గలః ।
లక్ష్మీశోభితవక్షస్కో వనమాలావిరాజితః ॥ ౧౨ ॥
నవరత్నమణీక్లృప్తహారశోభితకన్ధరః ।
హీరనక్షత్రమాలాదిశోభారఞ్జితదిఙ్ముఖః ॥ ౧౩ ॥
విరజోఽమ్బరసంవీతో విశాలోరాః పృథుశ్రవాః ।
నిమ్ననాభిః సూక్ష్మమధ్యః స్థూలజఙ్ఘో నిరఞ్జనః ॥ ౧౪ ॥
సులక్షణపదాఙ్గుష్ఠః సర్వసాముద్రికాన్వితః ।
అలక్తకారక్తపాదో మూర్తిమద్వాధిపూజితః ॥ ౧౫ ॥
సుధార్థాన్యోన్యసంయుధ్యద్దేవదైతేయసాన్త్వనః ।
కోటిమన్మథసఙ్కాశః సర్వావయవసున్దరః ॥ ౧౬ ॥
అమృతాస్వాదనోద్యుక్తదేవసఙ్ఘపరిష్టుతః ।
పుష్పవర్షణసంయుక్తగన్ధర్వకులసేవితః ॥ ౧౭ ॥
శఙ్ఖతూర్యమృదఙ్గాదిసువాదిత్రాప్సరోవృతః ।
విష్వక్సేనాదియుక్పార్శ్వః సనకాదిమునిస్తుతః ॥ ౧౮ ॥
సాశ్చర్యసస్మితచతుర్ముఖనేత్రసమీక్షితః ।
సాశఙ్కసమ్భ్రమదితిదనువంశ్యసమీడితః ॥ ౧౯ ॥
నమనోన్ముఖదేవాదిమౌలీరత్నలసత్పదః ।
దివ్యతేజఃపుఞ్జరూపః సర్వదేవహితోత్సుకః ॥ ౨౦ ॥
స్వనిర్గమక్షుబ్ధదుగ్ధవారాశిర్దున్దుభిస్వనః ।
గన్ధర్వగీతాపదానశ్రవణోత్కమహామనాః ॥ ౨౧ ॥
నిష్కిఞ్చనజనప్రీతో భవసమ్ప్రాప్తరోగహృత్ ।
అన్తర్హితసుధాపాత్రో మహాత్మా మాయికాగ్రణీః ॥ ౨౨ ॥
క్షణార్ధమోహినీరూపః సర్వస్త్రీశుభలక్షణః ।
మదమత్తేభగమనః సర్వలోకవిమోహనః ॥ ౨౩ ॥
స్రంసన్నీవీగ్రన్థిబన్ధాసక్తదివ్యకరాఙ్గులిః ।
రత్నదర్వీలసద్ధస్తో దేవదైత్యవిభాగకృత్ ॥ ౨౪ ॥
సఙ్ఖ్యాతదేవతాన్యాసో దైత్యదానవవఞ్చకః ।
దేవామృతప్రదాతా చ పరివేషణహృష్టధీః ॥ ౨౫ ॥
ఉన్ముఖోన్ముఖదైత్యేన్ద్రదన్తపఙ్కితవిభాజకః ।
పుష్పవత్సువినిర్దిష్టరాహురక్షఃశిరోహరః ॥ ౨౬ ॥
రాహుకేతుగ్రహస్థానపశ్చాద్గతివిధాయకః ।
అమృతాలాభనిర్విణ్ణయుధ్యద్దేవారిసూదనః ॥ ౨౭ ॥
గరుత్మద్వాహనారూఢః సర్వేశస్తోత్రసంయుతః ।
స్వస్వాధికారసన్తుష్టశక్రవహ్న్యాదిపూజితః ॥ ౨౮ ॥
మోహినీదర్శనాయాతస్థాణుచిత్తవిమోహకః ।
శచీస్వాహాదిదిక్పాలపత్నీమణ్డలసన్నుతః ॥ ౨౯ ॥
వేదాన్తవేద్యమహిమా సర్వలౌకైకరక్షకః ।
రాజరాజప్రపూజ్యాఙ్ఘ్రిః చిన్తితార్థప్రదాయకః ॥ ౩౦ ॥
ధన్వన్తరేర్భగవతో నామ్నామష్టోత్తరం శతమ్ ।
యః పఠేత్సతతం భక్త్యా నీరోగస్సుఖభాగ్భవేత్ ॥ ౩౧ ॥
ఇతి బృహద్బ్రహ్మానన్దోపనిషదాన్తర్గతం
శ్రీధన్వన్తర్యష్టోత్తరశతనామస్తోత్రం సమ్పూర్ణమ్ ।
– Chant Stotra in Other Languages –
Sri Dhanvantarya Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil