॥ Durga Ashtottara Shatanama Stotram Kannada Lyrics ॥
॥ ದುರ್ಗಾಷ್ಟೋತ್ತರಶತನಾಮಸ್ತೋತ್ರಮ್ ( ವಿಶ್ವಸಾರತನ್ತ್ರ ) ॥
॥ ಓಂ ॥
॥ ಶ್ರೀ ದುರ್ಗಾಯೈ ನಮಃ ॥
॥ ಶ್ರೀ ದುರ್ಗಾಷ್ಟೋತ್ತರಶತನಾಮಸ್ತೋತ್ರಮ್ ॥
ಈಶ್ವರ ಉವಾಚ ।
ಶತನಾಮ ಪ್ರವಕ್ಷ್ಯಾಮಿ ಶೃಣುಷ್ವ ಕಮಲಾನನೇ ।
ಯಸ್ಯ ಪ್ರಸಾದಮಾತ್ರೇಣ ದುರ್ಗಾ ಪ್ರೀತಾ ಭವೇತ್ ಸತೀ ॥ 1 ॥
ಓಂ ಸತೀ ಸಾಧ್ವೀ ಭವಪ್ರೀತಾ ಭವಾನೀ ಭವಮೋಚನೀ ।
ಆರ್ಯಾ ದುರ್ಗಾ ಜಯಾ ಚಾದ್ಯಾ ತ್ರಿನೇತ್ರಾ ಶೂಲಧಾರಿಣೀ ॥ 2 ॥
ಪಿನಾಕಧಾರಿಣೀ ಚಿತ್ರಾ ಚಂಡಘಂಟಾ ಮಹಾತಪಾಃ ।
ಮನೋ ಬುದ್ಧಿರಹಂಕಾರಾ ಚಿತ್ತರೂಪಾ ಚಿತಾ ಚಿತಿಃ ॥ 3 ॥
ಸರ್ವಮನ್ತ್ರಮಯೀ ಸತ್ತಾ ಸತ್ಯಾನನ್ದಸ್ವರೂಪಿಣೀ ।
ಅನನ್ತಾ ಭಾವಿನೀ ಭಾವ್ಯಾ ಭವ್ಯಾಭವ್ಯಾ ಸದಾಗತಿಃ ॥ 4 ॥
ಶಾಮ್ಭವೀ ದೇವಮಾತಾ ಚ ಚಿನ್ತಾ ರತ್ನಪ್ರಿಯಾ ಸದಾ ।
ಸರ್ವವಿದ್ಯಾ ದಕ್ಷಕನ್ಯಾ ದಕ್ಷಯಜ್ಞವಿನಾಶಿನೀ ॥ 5 ॥
ಅಪರ್ಣಾನೇಕವರ್ಣಾ ಚ ಪಾಟಲಾ ಪಾಟಲಾವತೀ ।
ಪಟ್ಟಾಮ್ಬರ ಪರೀಧಾನಾ ಕಲಮಂಜೀರರಂಜಿನೀ ॥ 6 ॥
ಅಮೇಯವಿಕ್ರಮಾ ಕ್ರುರಾ ಸುನ್ದರೀ ಸುರಸುನ್ದರೀ ।
ವನದುರ್ಗಾ ಚ ಮಾತಂಗೀ ಮತಂಗಮುನಿಪೂಜಿತಾ ॥ 7 ॥
ಬ್ರಾಹ್ಮೀ ಮಾಹೇಶ್ವರೀ ಚೈನ್ದ್ರೀ ಕೌಮಾರೀ ವೈಷ್ಣವೀ ತಥಾ ।
ಚಾಮುಂಡಾ ಚೈವ ವಾರಾಹೀ ಲಕ್ಷ್ಮೀಶ್ಚ ಪುರುಷಾಕೃತಿಃ ॥ 8 ॥
ವಿಮಲೋತ್ಕರ್ಷಿಣೀ ಜ್ಞಾನಾ ಕ್ರಿಯಾ ನಿತ್ಯಾ ಚ ಬುದ್ಧಿದಾ ।
ಬಹುಲಾ ಬಹುಲಪ್ರೇಮಾ ಸರ್ವವಾಹನ ವಾಹನಾ ॥ 9 ॥
ನಿಶುಮ್ಭಶುಮ್ಭಹನನೀ ಮಹಿಷಾಸುರಮರ್ದಿನೀ ।
ಮಧುಕೈಟಭಹನ್ತ್ರೀ ಚ ಚಂಡಮುಂಡವಿನಾಶಿನೀ ॥ 10 ॥
ಸರ್ವಾಸುರವಿನಾಶಾ ಚ ಸರ್ವದಾನವಘಾತಿನೀ ।
ಸರ್ವಶಾಸ್ತ್ರಮಯೀ ಸತ್ಯಾ ಸರ್ವಾಸ್ತ್ರಧಾರಿಣೀ ತಥಾ ॥ 11 ॥
ಅನೇಕಶಸ್ತ್ರಹಸ್ತಾ ಚ ಅನೇಕಾಸ್ತ್ರಸ್ಯ ಧಾರಿಣೀ ।
ಕುಮಾರೀ ಚೈಕಕನ್ಯಾ ಚ ಕೈಶೋರೀ ಯುವತೀ ಯತಿಃ ॥ 12 ॥
ಅಪ್ರೌಢಾ ಚೈವ ಪ್ರೌಢಾ ಚ ವೃದ್ಧಮಾತಾ ಬಲಪ್ರದಾ ।
ಮಹೋದರೀ ಮುಕ್ತಕೇಶೀ ಘೋರರೂಪಾ ಮಹಾಬಲಾ ॥ 13 ॥
ಅಗ್ನಿಜ್ವಾಲಾ ರೌದ್ರಮುಖೀ ಕಾಲರಾತ್ರಿಸ್ತಪಸ್ವಿನೀ ।
ನಾರಾಯಣೀ ಭದ್ರಕಾಲೀ ವಿಷ್ಣುಮಾಯಾ ಜಲೋದರೀ ॥ 14 ॥
ಶಿವದೂತೀ ಕರಾಲೀ ಚ ಅನನ್ತಾ ಪರಮೇಶ್ವರೀ ।
ಕಾತ್ಯಾಯನೀ ಚ ಸಾವಿತ್ರೀ ಪ್ರತ್ಯಕ್ಷಾ ಬ್ರಹ್ಮವಾದಿನೀ ॥ 15 ॥
ಯ ಇದಂ ಪ್ರಪಠೇನ್ನಿತ್ಯಂ ದುರ್ಗಾನಾಮಶತಾಷ್ಟಕಮ್ ।
ನಾಸಾಧ್ಯಂ ವಿದ್ಯತೇ ದೇವಿ ತ್ರಿಷು ಲೋಕೇಷು ಪಾರ್ವತಿ ॥ 16 ॥
ಧನಂ ಧಾನ್ಯಂ ಸುತಂ ಜಾಯಾಂ ಹಯಂ ಹಸ್ತಿನಮೇವ ಚ ।
ಚತುರ್ವರ್ಗಂ ತಥಾ ಚಾನ್ತೇ ಲಭೇನ್ಮುಕ್ತಿಂ ಚ ಶಾಶ್ವತೀಮ್ ॥ 17 ॥
ಕುಮಾರೀಂ ಪೂಜಯಿತ್ವಾ ತು ಧ್ಯಾತ್ವಾ ದೇವೀಂ ಸುರೇಶ್ವರೀಮ್ ।
ಪೂಜಯೇತ್ ಪರಯಾ ಭಕ್ತ್ಯಾ ಪಠೇನ್ನಾಮಶತಾಷ್ಟಕಮ್ ॥ 18 ॥
ತಸ್ಯ ಸಿದ್ಧಿರ್ಭವೇದ್ ದೇವಿ ಸರ್ವೈಃ ಸುರವರೈರಪಿ ।
ರಾಜಾನೋ ದಾಸತಾಂ ಯಾನ್ತಿ ರಾಜ್ಯಶ್ರಿಯಮವಾಪ್ನುಯಾತ್ ॥ 19 ॥
ಗೋರೋಚನಾಲಕ್ತಕಕುಂಕುಮೇವ ಸಿನ್ಧೂರಕರ್ಪೂರಮಧುತ್ರಯೇಣ ।
ವಿಲಿಖ್ಯ ಯನ್ತ್ರಂ ವಿಧಿನಾ ವಿಧಿಜ್ಞೋ ಭವೇತ್ ಸದಾ ಧಾರಯತೇ ಪುರಾರಿಃ ॥ 20 ॥
ಭೌಮಾವಾಸ್ಯಾನಿಶಾಮಗ್ರೇ ಚನ್ದ್ರೇ ಶತಭಿಷಾಂ ಗತೇ ।
ವಿಲಿಖ್ಯ ಪ್ರಪಠೇತ್ ಸ್ತೋತ್ರಂ ಸ ಭವೇತ್ ಸಮ್ಪದಾಂ ಪದಮ್ ॥ 21 ॥
॥ ಇತಿ ಶ್ರೀ ವಿಶ್ವಸಾರತನ್ತ್ರೇ ದುರ್ಗಾಷ್ಟೋತ್ತರಶತನಾಮಸ್ತೋತ್ರಂ ಸಮಾಪ್ತಮ್ ॥
– Chant Stotra in Other Languages –
Vishwa Sara Tantra Slokam » Sri Durga Ashtottara Shatanama Stotram Lyrics in Sanskrit » English » Bengali » Gujarati » Malayalam » Odia » Telugu » Tamil