॥ Sri Gandharva Sampradan Ashtakam Gujarati Lyrics ॥
॥ શ્રીગાન્ધર્વાસંપ્રાર્થનાષ્ટકમ્ ॥
શ્રીગાન્ધર્વાસંપ્રાર્થનાષ્ટકમ્
શ્રીશ્રીગાન્ધર્વિકાયૈ નમઃ ।
વૃન્દાવને વિહરતોરિહ કિલેકુઞ્જે
મત્તદ્વિપપ્રવરકૌતુકવિભ્રમેણ ।
સન્દર્શયસ્વ યુવયોર્વદનારવિન્દ
દ્વન્દ્વં વિધેહિ મયિ દેવિ કૃપાં પ્રસીદ ॥ ૧ ॥
હા દેવિ કાકુભરગદ્ગદયાદ્ય વાચા
યાચે નિપત્ય ભુવિ દણ્ડવદુદ્ભટાર્તિઃ ।
અસ્ય પ્રસાદમબુધસ્ય જનસ્ય કૃત્વા
ગાન્ધર્વિકે નિજગણે ગણનાં વિધેહિ ॥ ૨ ॥
શ્યામે રમારમણસુન્દરતાવરિષ્ઠ
સૌન્દર્યમોહિતસમસ્તજગજ્જનસ્ય ।
શ્યામસ્ય વામભુજબદ્ધતનું કદાહં
ત્વામિન્દિરાવિરલરૂપભરાં ભજામિ ॥ ૩ ॥
ત્વાં પ્રચ્છદેન મુદિરચ્છવિના પિધાય
મઞ્જીરમુક્તચરણાં ચ વિધાય દેવિ ।
કુઞ્જે વ્રજેન્દ્રતનયેન વિરાજમાને
નક્તં કદા પ્રમુદિતામભિસારયિષ્યે ॥ ૪ ॥
કુઞ્જે પ્રસૂનકુલકલ્પિતકેલિતલ્પે
સંવિષ્ટયોર્મધુરનર્મવિલાસભાજોઃ ।
લોકત્રયાભરણયોશ્ચરણામ્બુજાનિ
સંવાહયિષ્યતિ કદા યુવયોર્જનોઽયમ્ ॥ ૫ ॥
ત્વત્કુણ્ડરોધસિ વિલાસપરિશ્રમેણ
સ્વેદામ્બુચુમ્બિવદનામ્બુરુહશ્રિયો વામ્ ।
વૃન્દાવનેશ્વરિ કદા તરુમૂલભાજો
સંવીજયામિ ચમરીચયચામરેણ ॥ ૬ ॥
લીનાં નિકુઞ્જકુહરે ભવતીં મુકુન્દે
ચિત્રૈવ સૂચિતવતીં રુચિરાક્ષિ નાહમ્ ।
ભુગ્નાં ભ્રુવં ન રચયેતિ મૃષારુષાં ત્વાં
અગ્રે વ્રજેન્દ્રતનયસ્ય કદા નુ નેષ્યે ॥ ૭ ॥
વાગ્યુદ્ધકેલિકુતુકે વ્રજરાજસૂનું
જિત્વોન્મદામધિકદર્પવિકાસિજલ્પામ્ ।
ફુલ્લાભિરાલિભિરનલ્પમુદીર્યમાણ
સ્તોત્રાં કદા નુ ભવતીમવલોકયિષ્યે ॥ ૮ ॥
યઃ કોઽપિ સુષ્ઠુ વૃષભાનુકુમારિકાયાઃ
સંપ્રાર્થનાષ્ટકમિદં પઠતિ પ્રપન્નઃ ।
સા પ્રેયસા સહ સમેત્ય ધૃતપ્રમોદા
તત્ર પ્રસાદલહરીમુરરીકરોતિ ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં
શ્રીગાન્ધર્વાસંપ્રાર્થનાષ્ટકં સમ્પૂર્ણમ્ ।
-Chant Stotra in Other Languages –
Sri Krishna Slokam » Sri Gandharvasamprarthanashtakam Lyrics in Sanskrit » English » Bengali » Kannada » Malayalam » Odia » Telugu » Tamil