Ganesha Namashtaka Stotram from Brahmanda Purana 2.42
॥ Sri Ganesha Namashtaka Stotram Gujarati Lyrics ॥
॥ શ્રીગણેશનામાષ્ટકસ્તોત્રં ॥
શ્રીકૃષ્ણ ઉવાચ –
શ્રુણુ દેવિ મહાભાગે વેદોક્તં વચનં મમ ।
યચ્છ્રુત્વા હર્ષિતા નૂનં ભવિષ્યસિ ન સંશયઃ ।
વિનાયકસ્તે તનયો મહાત્મા મહતાં મહાન્ ॥
યં કામઃ ક્રોધ ઉદ્વેગો ભયં નાવિશતે કદા ।
વેદસ્મૃતિપુરાણેષુ સંહિતાસુ ચ ભામિનિ ॥
નામાન્યસ્યોપદિષ્ટાનિ સુપુણ્યાનિ મહાત્મભિઃ ।
યાનિ તાનિ પ્રવક્ષ્યામિ નિખિલાઘહરાણિ ચ ॥
પ્રમથાનાં ગણા યૈ ચ નાનારૂપા મહાબલાઃ ।
તેષામીશસ્ત્વયં યસ્માદ્ગણેશસ્તેન કીર્ત્તિતઃ ॥ ૧ ॥ ગણેશઃ
ભૂતાનિ ચ ભવિષ્યાણિ વર્તમાનાનિ યાનિ ચ ।
બ્રહ્માણ્ડાન્યખિલાન્યેવ યસ્મિંલ્લમ્બોદરઃ સ તુ ॥ ૨ ॥ લમ્બોદરઃ
યઃ શિરો દેવયોગેન છિન્નં સંયોજિતં પુનઃ ।
ગજસ્ય શિરસા દેવિ તેન પ્રોક્તો ગજાનનઃ ॥ ૩ ॥ ગજાનન
ચતુર્થ્યામુદિતશ્ચન્દ્રો દર્ભિણા શપ્ત આતુરઃ ।
અનેન વિધૃતો ભાલે ભાલચન્દ્રસ્તતઃ સ્મૃતઃ ॥ ૪ ॥ તતોઽભવત્ ભાલચન્દ્રઃ
શપ્તઃ પુરા સપ્તભિસ્તુ મુનિભિઃ સઙ્ક્ષયં ગતઃ ।
જાતવેદા દીપિતોઽભૂદ્યેનાસૌ શૂર્પકર્ણકઃ ॥ ૫ ॥ શૂર્પકર્ણઃ
પુરા દેવાસુરે યુદ્ધે પૂજિતો દિવિષદ્ગણૈઃ ।
વિઘ્નં નિવારયામાસ વિઘ્નનાશસ્તતઃ સ્મૃતઃ ॥ ૬ ॥ વિઘ્નનાશઃ
અદ્યાયં દેવિ રામેણ કુઠારેણ નિપાત્ય ચ ।
દશનં દૈવતો ભદ્રે હ્યેકદન્તઃ કૃતોઽમુના ॥ ૭ ॥ એકદન્તઃ
ભવિષ્યત્યથ પર્યાયે બ્રહ્મણો હરવલ્લભઃ ।
વક્રીભવિષ્યત્તુણ્ડત્વાદ્વક્રતુણ્ડઃ સ્મૃતો બુધૈઃ ॥ ૮ ॥ વક્રતુણ્ડઃ
એવં તવાસ્ય પુત્રસ્ય સન્તિ નામાનિ પાર્વતી ।
સ્મરણાત્પાપહારીણિ ત્રિકાલાનુગતાન્યપિ ॥ ૯ ॥
અસ્માત્ત્રયોદશીકલ્પાત્પૂર્વસ્મિન્દશમીભવે ।
મયાસ્મૈ તુ વરો દત્તઃ સર્ગદેવાગ્રપૂજને ॥ ૧૦ ॥
જાતકર્માદિસંસ્કારે ગર્ભાધાનાદિકેઽપિ ચ ।
યાત્રાયાં ચ વણિજ્યાદૌ યુદ્ધે દેવાર્ચને શુભે ॥ ૧૧ ॥
સઙ્કષ્ટે કામ્યસિદ્ધ્યર્થં પૂજયેદ્યો ગજાનનમ્ ।
તસ્ય સર્વાણિ કાર્યાણિ સિદ્ધ્યન્ત્યેવ ન સંશયઃ ॥ ૧૨ ॥
ઇતિ શ્રીબ્રહ્માણ્ડે મહાપુરાણે વાયુપ્રોક્તે મધ્યભાગે તૃતીય
ઉપોદ્ધાતપાદે ભાર્ગવચરિતે દ્વિચત્વારિંશત્તમોઽધ્યાયાન્તર્ગતં
શ્રીકૃષ્ણપ્રોક્તં શ્રીગણેશનામાષ્ટકસ્તોત્રં સમ્પૂર્ણમ્ ॥ ૪૨ ॥
– Chant Stotra in Other Languages –
Sri Ganesha Stotram » Sri Ganesha Namashtaka Stotram in Sanskrit » English » Bengali » Kannada » Malayalam » Odia » Telugu » Tamil