॥ Ganeshastavanam or Ganeshashtakam by Valmiki Bengali Lyrics ॥
॥ বাল্মীকিকৃতং শ্রীগণেশস্তবনম্ অথবা গণেশাষ্টকম্ ॥
চতুঃষষ্টিকোট্যাখ্যবিদ্যাপ্রদং ত্বাং সুরাচার্যবিদ্যাপ্রদানাপদানম্ ।
কঠাভীষ্টবিদ্যার্পকং দন্তয়ুগ্মং কবিং বুদ্ধিনাথং কবীনাং নমামি ॥ ১ ॥
স্বনাথং প্রধানং মহাবিঘ্ননাথং নিজেচ্ছাবিসৃষ্টাণ্ডবৃন্দেশনাথম্ ।
প্রভু দক্ষিণাস্যস্য বিদ্যাপ্রদং ত্বাং কবিং বুদ্ধিনাথং কবীনাং নমামি ॥ ২ ॥
বিভো ব্যাসশিষ্যাদিবিদ্যাবিশিষ্টপ্রিয়ানেকবিদ্যাপ্রদাতারমাদ্যম্ ।
মহাশাক্তদীক্ষাগুরুং শ্রেষ্ঠদং ত্বাং কবিং বুদ্ধিনাথং কবীনাং নমামি ॥ ৩ ॥
বিধাত্রে ত্রয়ীমুখ্যবেদাংশ্চ য়োগং মহাবিষ্ণবে চাগমাঞ্ শঙ্করায় ।
দিশন্তং চ সূর্যায় বিদ্যারহস্যং কবিং বুদ্ধিনাথং কবীনাং নমামি ॥ ৪ ॥
মহাবুদ্ধিপুত্রায় চৈকং পুরাণং দিশন্তং গজাস্যস্য মাহাত্ম্যয়ুক্তম্ ।
নিজজ্ঞানশক্ত্যা সমেতং পুরাণং কবিং বুদ্ধিনাথং কবীনাং নমামি ॥ ৫ ॥
ত্রয়ীশীর্ষসারং রুচানেকমারং রমাবুদ্ধিদারং পরং ব্রহ্মপারম্ ।
সুরস্তোমকায়ং গণৌঘাধিনাথং কবিং বুদ্ধিনাথং কবীনাং নমামি ॥ ৬ ॥
চিদানন্দরূপং মুনিধ্যেয়রূপং গুণাতীতমীশং সুরেশং গণেশম্ ।
ধরানন্দলোকাদিবাসপ্রিয়ং ত্বাং কবিং বুদ্ধিনাথং কবীনাং নমামি ॥ ৭ ॥
অনেকপ্রতারং সুরক্তাব্জহারং পরং নির্গুণং বিশ্বসদ্ব্রহ্মরূপম্ ।
মহাবাক্যসন্দোহতাত্পর্যমূর্তিং কবিং বুদ্ধিনাথং কবীনাং নমামি ॥ ৮ ॥
ইদং য়ে তু কব্যষ্টকং ভক্তিয়ুক্তাত্রিসন্ধ্যং পঠন্তে গজাস্যং স্মরন্তঃ ।
কবিত্বং সুবাক্যার্থমত্যদ্ভুতং তে লভন্তে প্রসাদাদ্ গণেশস্য মুক্তিম্ ॥ ৯ ॥
ইতি বাল্মীকিকৃতং গণেশস্তবনং সমাপ্তম্ ।
– Chant Stotra in Other Languages –
Sri Ganapathi Slokam » Ganeshastavanam or Ganeshashtakam by Valmiki Lyrics in Sanskrit » English » Gujarati » Kannada » Malayalam » Odia » Telugu » Tamil