॥ Sri Ganga Ashtottara Shatanama Stotram Malayalam Lyrics ॥
॥ ശ്രീഗങ്ഗാഷ്ടോത്തരശതനാമസ്തോത്രം ॥
ധ്യാനം ।
സിതമകരനിഷണ്ണാം ശുഭ്രവര്‍ണാം ത്രിനേത്രാം
കരധൃതകലശോദ്യത്സോത്പലാമത്യഭീഷ്ടാം ।
വിധിഹരിഹരരൂപാം സേന്ദുകോടീരചൂഡാം
കലിതസിതദുകൂലാം ജാഹ്നവീം താം നമാമി ॥
അഥ സ്തോത്രം ।
ശ്രീനാരദ ഉവാച ।
ഗങ്ഗാ നാമ പരം പുണ്യം കഥിതം പരമേശ്വര ।
നാമാനി കതി ശസ്താനി ഗങ്ഗായാഃ പ്രണിശംസ മേ ॥ 1 ॥
ശ്രീമഹാദേവ ഉവാച ।
നാംനാം സഹസ്രമധ്യേ തു നാമാഷ്ടശതമുത്തമം ।
ജാഹ്നവ്യാ മുനിശാര്‍ദൂല താനി മേ ശൃണു തത്ത്വതഃ ॥ 2 ॥
ഗങ്ഗാ ത്രിപഥഗാ ദേവീ ശംഭുമൌലിവിഹാരിണീ ।
ജാഹ്നവീ പാപഹന്ത്രീ ച മഹാപാതകനാശിനീ ॥ 3 ॥
പതിതോദ്ധാരിണീ സ്രോതസ്വതീ പരമവേഗിനീ ।
വിഷ്ണുപാദാബ്ജസംഭൂതാ വിഷ്ണുദേഹകൃതാലയാ ॥ 4 ॥
സ്വര്‍ഗാബ്ധിനിലയാ സാധ്വീ സ്വര്‍ണദീ സുരനിംനഗാ ।
മന്ദാകിനീ മഹാവേഗാ സ്വര്‍ണശൃങ്ഗപ്രഭേദിനീ ॥ 5 ॥
ദേവപൂജ്യതമാ ദിവ്യാ ദിവ്യസ്ഥാനനിവാസിനീ ।
സുചാരുനീരരുചിരാ മഹാപര്‍വതഭേദിനീ ॥ 6 ॥
ഭാഗീരഥീ ഭഗവതീ മഹാമോക്ഷപ്രദായിനീ ।
സിന്ധുസങ്ഗഗതാ ശുദ്ധാ രസാതലനിവാസിനീ ॥ 7 ॥
മഹാഭോഗാ ഭോഗവതീ സുഭഗാനന്ദദായിനീ ।
മഹാപാപഹരാ പുണ്യാ പരമാഹ്ലാദദായിനീ ॥ 8 ॥
പാര്‍വതീ ശിവപത്നീ ച ശിവശീര്‍ഷഗതാലയാ ।
ശംഭോര്‍ജടാമധ്യഗതാ നിര്‍മലാ നിര്‍മലാനനാ ॥ 9 ॥
മഹാകലുഷഹന്ത്രീ ച ജഹ്നുപുത്രീ ജഗത്പ്രിയാ ।
ത്രൈലോക്യപാവനീ പൂര്‍ണാ പൂര്‍ണബ്രഹ്മസ്വരൂപിണീ ॥ 10 ॥
ജഗത്പൂജ്യതമാ ചാരുരൂപിണീ ജഗദംബികാ ।
ലോകാനുഗ്രഹകര്‍ത്രീ ച സര്‍വലോകദയാപരാ ॥ 11 ॥
യാംയഭീതിഹരാ താരാ പാരാ സംസാരതാരിണീ ।
ബ്രഹ്മാണ്ഡഭേദിനീ ബ്രഹ്മകമണ്ഡലുകൃതാലയാ ॥ 12 ॥
സൌഭാഗ്യദായിനീ പുംസാം നിര്‍വാണപദദായിനീ ।
അചിന്ത്യചരിതാ ചാരുരുചിരാതിമനോഹരാ ॥ 13 ॥
മര്‍ത്യസ്ഥാ മൃത്യുഭയഹാ സ്വര്‍ഗമോക്ഷപ്രദായിനീ ।
പാപാപഹാരിണീ ദൂരചാരിണീ വീചിധാരിണീ ॥ 14 ॥
കാരുണ്യപൂര്‍ണാ കരുണാമയീ ദുരിതനാശിനീ ।
ഗിരിരാജസുതാ ഗൌരീഭഗിനീ ഗിരിശപ്രിയാ ॥ 15 ॥
മേനകാഗര്‍ഭസംഭൂതാ മൈനാകഭഗിനീപ്രിയാ ।
ആദ്യാ ത്രിലോകജനനീ ത്രൈലോക്യപരിപാലിനീ ॥ 16 ॥
തീര്‍ഥശ്രേഷ്ഠതമാ ശ്രേഷ്ഠാ സര്‍വതീര്‍ഥമയീ ശുഭാ ।
ചതുര്‍വേദമയീ സര്‍വാ പിതൃസന്തൃപ്തിദായിനീ ॥ 17 ॥
ശിവദാ ശിവസായുജ്യദായിനീ ശിവവല്ലഭാ ।
തേജസ്വിനീ ത്രിനയനാ ത്രിലോചനമനോരമാ ॥ 18 ॥
സപ്തധാരാ ശതമുഖീ സഗരാന്വയതാരിണീ ।
മുനിസേവ്യാ മുനിസുതാ ജഹ്നുജാനുപ്രഭേദിനീ ॥ 19 ॥
മകരസ്ഥാ സര്‍വഗതാ സര്‍വാശുഭനിവാരിണീ ।
സുദൃശ്യാ ചാക്ഷുഷീതൃപ്തിദായിനീ മകരാലയാ ॥ 20 ॥
സദാനന്ദമയീ നിത്യാനന്ദദാ നഗപൂജിതാ ।
സര്‍വദേവാധിദേവൈശ്ച പരിപൂജ്യപദാംബുജാ ॥ 21 ॥
ഏതാനി മുനിശാര്‍ദൂല നാമാനി കഥിതാനി തേ ।
ശസ്താനി ജാഹ്നവീദേവ്യാഃ സര്‍വപാപഹരാണി ച ॥ 22 ॥
യ ഇദം പഠതേ ഭക്ത്യാ പ്രാതരുത്ഥായ നാരദ ।
ഗങ്ഗായാഃ പരമം പുണ്യം നാമാഷ്ടശതമേവ ഹി ॥ 23 ॥
തസ്യ പാപാനി നശ്യന്തി ബ്രഹ്മഹത്യാദികാന്യപി ।
ആരോഗ്യമതുലം സൌഖ്യം ലഭതേ നാത്ര സംശയഃ ॥ 24 ॥
യത്ര കുത്രാപി സംസ്നായാത്പഠേത്സ്തോത്രമനുത്തമം ।
തത്രൈവ ഗങ്ഗാസ്നാനസ്യ ഫലം പ്രാപ്നോതി നിശ്ചിതം ॥ 25 ॥
പ്രത്യഹം പ്രപഠേദേതദ് ഗങ്ഗാനാമശതാഷ്ടകം ।
സോഽന്തേ ഗങ്ഗാമനുപ്രാപ്യ പ്രയാതി പരമം പദം ॥ 26 ॥
ഗങ്ഗായാം സ്നാനസമയേ യഃ പഠേദ്ഭക്തിസംയുതഃ ।
സോഽശ്വമേധസഹസ്രാണാം ഫലമാപ്നോതി മാനവഃ ॥ 27 ॥
ഗവാമയുതദാനസ്യ യത്ഫലം സമുദീരിതം ।
തത്ഫലം സമവാപ്നോതി പഞ്ചംയാം പ്രപഠന്നരഃ ॥ 28 ॥
കാര്‍തിക്യാം പൌര്‍ണമാസ്യാം തു സ്നാത്വാ സഗരസങ്ഗമേ ।
യഃ പഠേത്സ മഹേശത്വം യാതി സത്യം ന സംശയഃ ॥ 29 ॥
॥ ഇതി ശ്രീമഹാഭാഗവതേ മഹാപുരാണേ ശ്രീഗങ്ഗാഷ്ടോത്തരശതനാമസ്തോത്രം സമ്പൂര്‍ണം ॥
– Chant Stotra in Other Languages –
Sri Ganga Ashtakam » Sri Ganga Ashtottara Shatanama Stotram Lyrics in Sanskrit » English » Bengali » Gujarati » Kannada » Odia » Telugu » Tamil