॥ Sri Ganga Narayana Deva Ashtakam Kannada Lyrics ॥
॥ ಶ್ರೀಗಂಗಾನಾರಾಯಣದೇವಾಷ್ಟಕಮ್ ॥
ಕುಲಸ್ಥಿತಾನ್ ಕರ್ಮಿಣ ಉದ್ದಿಧೀರ್ಷು-
ರ್ಗಂಗೈವ ಯಸ್ಮಿನ್ ಕೃಪಯಾವಿಶೇಷ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 1 ॥
ನರೋತ್ತಮೋ ಭಕ್ತ್ಯವತಾರ ಏವ
ಯಸ್ಮಿನ್ ಸ್ವಭಕ್ತಿಂ ನಿದಧೌ ಮುದೈವ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 2 ॥
ವೃನ್ದಾವನೇ ಯಸ್ಯ ಯಶಃ ಪ್ರಸಿದ್ಧಂ
ಅದ್ಯಾಪಿ ಗೀಯತೇ ಸತಾಂ ಸದಃಸು ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 3 ॥
ಶ್ರೀಗೋವಿನ್ದದೇವದ್ವಿಭುಜತ್ವಶಂಸಿ
ಶ್ರುತಿಂ ವದನ್ ಸದ್ವಿಪದಂ ನಿರಾಸ್ಥತ್ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 4 ॥
ಸೌಶೀಲ್ಯಯುಕ್ತೋ ಗುಣರತ್ನರಾಶಿಃ
ಪಾಂಡಿತ್ಯಸಾರಃ ಪ್ರತಿಭಾವಿವಸ್ವಾನ್ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 5 ॥
ಜನಾನ್ ಕೃಪಾದೃಷ್ಟಿಭಿರೇವ ಸದ್ಯಃ
ಪ್ರಪದ್ಯಮಾನಾನ್ ಸ್ವಪದೇಽಕರೋದ್ಯಃ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 6 ॥
ಲೋಕೇ ಪ್ರಭುತ್ವಂ ಸ್ಥಿರಭಕ್ತಿಯೋಗಂ
ಯಸ್ಮೈ ಸ್ವಯಂ ಗೌರಹರಿರ್ವ್ಯತಾನೀತ್ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 7 ॥
ವೃನ್ದಾವನೀಯಾತಿರಹಸ್ಯಭಕ್ತೇರ್ಜ್ಞಾನಂ
ವಿನಾ ಯಃ ನ ಕುತೋಽಪಿ ಸಿದ್ಧ್ಯೇತ್ ।
ಶ್ರೀಚಕ್ರವರ್ತೀ ದಯತಾಂ ಸ ಗಂಗಾ
ನಾರಾಯಣಃ ಪ್ರೇಮರಸಾಮ್ಬುಧಿರ್ಮಾಮ್ ॥ 8 ॥
ವಿಶ್ರಮ್ಭವಾನ್ ಯಶ್ಚರಣೇಷು
ಗಂಗಾನಾರಾಯಣಪ್ರೇಮಾಮ್ಬುರಾಶೇಃ ।
ಏತತ್ಪಠೇದಷ್ಟಕಮೇಕಚಿತ್ತಃ
ಸ ತತ್ಪರೀವಾರಪದಂ ಪ್ರಯಾತಿ ॥ 9 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿಠಕ್ಕುರವಿರಚಿತಸ್ತವಾಮೃತಲಹರ್ಯಾಂ
ಶ್ರೀಶ್ರೀಗಂಗಾನಾರಾಯಣದೇವಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Ganga Narayana Deva Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil