॥ 108 Names of Lord Chaitanya Telugu ॥
॥ శ్రీగౌరాఙ్గాష్టోత్తరశతనామస్తోత్రమ్ ॥
One Hundred and Eight Names of Lord Caitanya Mahaprabhu
ఆమస్కృత్య ప్రవక్ష్యామి దేవదేవం జగద్గురుమ్ ।
నామ్నామష్టోత్తరశతం చైతన్యస్య మహాత్మనాః ॥ ౧॥
విశ్వమ్భరో జితక్రోధో మాయామానుషవిగ్రహః ।
అమాయీ మాయినాం శ్రేష్ఠో వరదేశో ద్విజోత్తమః ॥ ౨॥
జగన్నాథప్రియసుతః పితృభక్తో మహామనాః ।
లక్ష్మీకాన్తః శచీపుత్రః ప్రేమదో భక్తవత్సలః ॥ ౩॥
ద్విజప్రియో ద్విజవరో వైష్ణవప్రాణనాయకః ।
ద్విజాతిపూజకః శాన్తః శ్రీవాసప్రియ ఈశ్వరః ॥ ౪॥
తప్తకాఞ్చనగౌరాఙ్గః సింహగ్రీవో మహాభుజః ।
పీతవాసా రక్తపట్టః షడ్భుజోఽథ చతుర్భుజః ॥ ౫॥
ద్విభుజశ్చ గదాపాణిః చక్రీ పద్మధరోఽమలః ।
పాఞ్చజన్యధరః శార్ఙ్గీ వేణుపాణిః సురోత్తమః ॥ ౬॥
కమలాక్షేశ్వరః ప్రీతో గోపలీలాధరో యువా ।
నీలరత్నధరో రుప్యహారీ కౌస్తుభభూషణః ॥ ౭॥
శ్రీవత్సలాఞ్ఛనో భాస్వాన్ మణిధృక్కఞ్జలోచనః ।
తాటఙ్కనీలశ్రీః రుద్ర లీలాకారీ గురుప్రియాః ॥ ౮॥
స్వనామగుణవక్తా చ నామోపదేశదాయకః ।
ఆచాణ్డాలప్రియాః శుద్ధః సర్వప్రాణిహితే రతః ॥ ౯॥
విశ్వరూపానుజః సన్ధ్యావతారః శీతలాశయః ।
నిఃసీమకరుణో గుప్త ఆత్మభక్తిప్రవర్తకః ॥ ౧౦॥
మహానన్దో నటో నృత్యగీతనామప్రియః కవిః ।
ఆర్తిప్రియః శుచిః శుద్ధో భావదో భగవత్ప్రియాః ॥ ౧౧॥
ఇన్ద్రాదిసర్వలోకేశవన్దితశ్రీపదామ్బుజః ।
న్యాసిచూడామణిః కృష్ణః సంన్యాసఆశ్రమపావనః ॥ ౧౨॥
చైతన్యః కృష్ణచైతన్యో దణ్డధృఙ్న్యస్తదణ్డకః ।
అవధూతప్రియో నిత్యానన్దషడ్భుజదర్శకః ॥ ౧౩॥
ముకున్దసిద్ధిదో దీనో వాసుదేవామృతప్రదః ।
గదాధరప్రాణనాథ ఆర్తిహా శరణప్రదః ॥ ౧౪॥
అకిఞ్చనప్రియః ప్రాణో గుణగ్రాహీ జితేన్ద్రియః ।
అదోషదర్శీ సుముఖో మధురః ప్రియదర్శనః ॥ ౧౫॥
ప్రతాపరుద్రసన్త్రాతా రామానన్దప్రియో గురుః ।
అనన్తగుణసమ్పన్నః సర్వతీర్థైకపావనః ॥ ౧౬॥
వైకుణ్ఠనాథో లోకేశో భక్తాభిమతరూపధృక్ ।
నారాయణో మహాయోగీ జ్ఞానభక్తిప్రదః ప్రభుః ॥ ౧౭॥
పీయూషవచనః పృథ్వీ పావనః సత్యవాక్సహః ।
ఓడదేశజనానన్దీ సన్దోహామృతరూపధృక్ ॥ ౧౮॥
యః పఠేత్ప్రాతరుత్థాయ చైతన్యస్య మహాత్మనః ।
శ్రద్ధయా పరయోపేతః స్తోత్రం సర్వాఘనాశనమ్ ।
ప్రేమభక్తిర్హరౌ తస్య జాయతే నాత్ర సంశయః ॥ ౧౯॥
అసాధ్యరోగయుక్తోఽపి ముచ్యతే రోగసఙ్కటాత్ ।
సర్వాపరాధయుక్తోఽపి సోఽపరాధాత్ప్రముచ్యతే ॥ ౨౦॥
ఫాల్గునీపౌర్ణమాస్యాం తు చైతన్యజన్మవాసరే ।
శ్రద్ధయా పరయా భక్త్యా మహాస్తోత్రం జపన్పురః ।
యద్యత్ ప్రకురుతే కామం తత్తదేవాచిరాల్లభేత్ ॥ ౨౧॥
అపుత్రో వైష్ణవం పుత్రం లభతే నాత్ర సంశయః ।
అన్తే చైతన్యదేవస్య స్మృతిర్భవతి శాశ్వతీ ॥ ౨౨॥
ఇతి సార్వభౌమ భట్టాచార్యవిరచితం
శ్రీగౌరాఙ్గాష్టోత్తరశతనామస్తోత్రం సమ్పూర్ణమ్ ।
– Chant Stotra in Other Languages –
Iskcon Slokam » Gauranga Ashtottara Shatanama Stotram Lyrics in Sanskrit » English » Bengali » Gujarati » Kannada » Malayalam » Odia » Tamil