॥ Sri Giridharyashtakam Telugu Lyrics ॥
॥ శ్రీగిరిధార్యష్టకమ్ ॥
త్ర్యైలోక్యలక్ష్మీమదభృత్సురేశ్వరో యదా ఘనైరన్తకరైర్వవర్ష హ ।
తదాకరోద్యః స్వబలేన రక్షణం తం గోపబాలం గిరిధారిణం వ్రజే ॥ ౧ ॥
యః పాయయన్తీమధిరుహ్య పూతనాం స్తన్యం పపౌ ప్రాణపరాయణః శిశుః ।
జఘాన వాతాయితదైత్యపుఙ్గవం తం గోపబాలం గిరిధారిణం వ్రజే ॥ ౨ ॥
నన్దవ్రజం యః స్వరుచేన్దిరాలయం చక్రే దివీశాం దివి మోహవృద్ధయే ।
గోగోపగోపీజనసర్వసౌఖ్యకృత్తం గోపబాలం గిరిధారిణం వ్రజే ॥ ౩ ॥
యం కామదోగ్ఘ్రీ గగనాహృతైర్జలైః స్వజ్ఞాతిరాజ్యే ముదితాభ్యషిఞ్చత్ ।
గోవిన్దనామోత్సవకృద్వ్రజౌకసాం తం గోపబాలం గిరిధారిణం భజే ॥ ౪ ॥
యస్యాననాబ్జం వ్రజసున్దరీజనా దినక్షయే లోచనషట్పదైర్ముదా ।
పిబన్త్యధీరా విరహాతురా భృశం తం గోపబాలం గిరిధారిణం భజే ॥ ౫ ॥
వృన్దావనే నిర్జరవృన్దవన్దితే గాశ్చారయన్యః కలవేణునిఃస్వనః ।
గోపాఙ్గనాచిత్తవిమోహమన్మథస్తం గోపబాలం గిరిధారిణం భజే ॥ ౬ ॥
యః స్వాత్మలీలారసదిత్సయా సతామావిశ్చకారాఽగ్నికుమారవిగ్రహమ్ ।
శ్రీవల్లభాధ్వానుసృతైకపాలకస్తం గోపబాలం గిరిధారిణం భజే ॥ ౭ ॥
గోపేన్ద్రసూనోర్గిరిధారిణోఽష్టకం పఠేదిదంయస్తదనన్యమానసః ।
సముచ్యతే దుఃఖమహార్ణవాద్భృశం ప్రాప్నోతి దాస్యం గిరిధారిణే ధ్రువమ్ ॥ ౮ ॥
ప్రణమ్య సమ్ప్రార్థయతే తవాగ్రతస్త్వదఙ్ఘ్రిరేణుం రఘునాథనామకః ।
శ్రీవిఠ్ఠ్లానుగ్రహలబ్ధసన్మతిస్తత్పూరయైతస్య మనోరథార్ణవమ్ ॥ ౯ ॥
॥ ఇతి శ్రీరఘునాథప్రభుకృతం సమాప్తమిదం శ్రీగిరిరాజధార్యష్టకమ్ ॥
-Chant Stotra in Other Languages –
Sri Krishna Slokam » Sri Giridharyashtakam Lyrics in Sanskrit » English » Bengali » Gujarati » Kannada » Malayalam » Odia » Tamil