॥ Sri Gitasara Guru Ashtottara Shatanamavali Stotram Bengali Lyrics ॥
॥ শ্রীগীতাসার গুর্বষ্টোত্তরশতনামাবলিস্তোত্রম্ ॥
শ্রীগণেশায় নমঃ ।
শ্রীগুরুভ্যো নমঃ ।
গীতামধ্যগতৈরেব গ্রথিতেয়ং পদৈঃ শুভৈঃ ।
আচার্যেন্দ্রপদাম্ভোজে ভক্ত্যা মালা সমর্প্যতে ॥
বক্তুং ব্রহ্মবিদাং শ্রেষ্ঠং মনোবাচামগোচরম্ ।
কথমন্যাঃ সমর্থাঃ স্যুর্বাচো ভাগবতীর্বিনা ॥
প্রশান্তাত্মা বিগতভীর্যোগী বিগতকল্মষঃ ।
য়োগয়ুক্তো বিশুদ্ধাত্মা য়তচিত্তেন্দ্রিয়ক্রিয়ঃ ॥ ১ ॥
স্বকর্মনিরতঃ শান্তো ধর্মাত্মাঽমিতবিক্রমঃ ।
মুক্তসঙ্গোঽনহংবাদী ধৃত্যুত্সাহসমন্বিতঃ ॥ ২ ॥
স্থিরবুদ্ধিরসংমূঢো জিতাত্মা বিগতস্পৃহঃ ।
সর্বসঙ্কল্পসংন্যাসী ভক্তঃ সঙ্গবিবর্জিতঃ ॥ ৩ ॥
বিবিক্তসেবী লঘ্বাশী য়তবাক্কায়মানসঃ ।
একাকী য়োগসংসিদ্ধো য়োগারূঢোঽপরিগ্রহঃ ॥ ৪ ॥
ধ্যানয়োগপরো মৌনী স্বস্থঃ সংশুদ্ধকিল্বিষঃ ।
বীতরাগভয়ক্রোধঃ স্থিতধীর্বিগতজ্বরঃ ॥ ৫ ॥
সর্বারম্ভপরিত্যাগী কৃত্স্নবিত্ কৃত্স্নকর্মকৃত্ ।
য়তেন্দ্রিয়মনোবুদ্ধির্মুনির্মোক্ষপরায়ণঃ ॥ ৬ ॥
য়দৃচ্ছালাভসন্তুষ্টো দ্বন্দ্বাতীতো বিমত্সরঃ ।
অনিকেতঃ স্থিরমতির্মহাত্মা দৃঢনিশ্চয়ঃ ॥ ৭ ॥
নির্দ্বন্দ্বো নিত্যসত্ত্বস্থো নির্যোগক্ষেম আত্মবান্ ।
নির্মমো নিরহঙ্কারঃ সমদুঃখসুখঃ ক্ষমী ॥ ৮ ॥
নিরাশীর্যতচিত্তাত্মা ত্যক্তসর্বপরিগ্রহঃ ।
অনপেক্ষঃ শুচির্দক্ষ উদাসীনো গতব্যথঃ ॥ ৯ ॥
জ্ঞানবিজ্ঞানতৃপ্তাত্মা কূটস্থো বিজিতেন্দ্রিয়ঃ ।
নিস্ত্রৈগুণ্যো বশী জ্ঞানী সমলোষ্টাশ্মকাঞ্চনঃ ॥ ১০ ॥
তুল্যপ্রিয়াপ্রিয়ো ধীরস্তুল্যনিন্দাত্মসংস্তুতিঃ ।
ত্যাগী সত্ত্বসমাবিষ্টো মেধাবী ছিন্নসংশয়ঃ ॥ ১১ ॥
বিদ্বানাত্মরতির্মুক্তো নিত্যতৃপ্তো নিরাশ্রয়ঃ ।
অন্তস্সুখোঽন্তরারামঃ সন্তুষ্টঃ সর্ববিত্ পুমান্ ॥ ১২ ॥
সর্বভূতাত্মভূতাত্মা তত্ত্ববিত্ সমদর্শনঃ ।
গতির্ভর্তা প্রভুঃ সাক্ষী নিবাসঃ শরণং সুহৃত্ ॥ ১৩ ॥
আত্মতৃপ্তো গুরুঃ পূজ্যো গরীয়ান্ পুরুষোত্তমঃ ।
ব্রহ্মভূতঃ প্রসন্নাত্মা লোকানুগ্রহকাম্যয়া ॥ ১৪ ॥
স্থিতপ্রজ্ঞো গুণাতীতঃ চন্দ্রশেখরভারতী ।
শারদায়াশ্চরা মূর্তিঃ শৃঙ্গশৈলে বিরাজতে ॥ ১৫ ॥
ইতি শ্রীচন্দ্রশেখরভারতীশিষ্যেণ শ্রী আর. কৃষ্ণস্বামিনা
রচিতং শ্রীগীতাসার গুর্বষ্টোত্তরশতনামাবলিস্তোত্রম্ ॥
– Chant Stotra in Other Languages –
Sri Gitasara Guru Ashtottara Shatanamavali Stotram Lyrics in Sanskrit » English » Gujarati » Kannada » Malayalam » Odia » Telugu » Tamil