॥ Sri Gitasara Guru Ashtottara Shatanamavali Stotram Odia Lyrics ॥
॥ ଶ୍ରୀଗୀତାସାର ଗୁର୍ଵଷ୍ଟୋତ୍ତରଶତନାମାଵଲିସ୍ତୋତ୍ରମ୍ ॥
ଶ୍ରୀଗଣେଶାୟ ନମଃ ।
ଶ୍ରୀଗୁରୁଭ୍ୟୋ ନମଃ ।
ଗୀତାମଧ୍ୟଗତୈରେଵ ଗ୍ରଥିତେୟଂ ପଦୈଃ ଶୁଭୈଃ ।
ଆଚାର୍ୟେନ୍ଦ୍ରପଦାମ୍ଭୋଜେ ଭକ୍ତ୍ୟା ମାଲା ସମର୍ପ୍ୟତେ ॥
ଵକ୍ତୁଂ ବ୍ରହ୍ମଵିଦାଂ ଶ୍ରେଷ୍ଠଂ ମନୋଵାଚାମଗୋଚରମ୍ ।
କଥମନ୍ୟାଃ ସମର୍ଥାଃ ସ୍ୟୁର୍ଵାଚୋ ଭାଗଵତୀର୍ଵିନା ॥
ପ୍ରଶାନ୍ତାତ୍ମା ଵିଗତଭୀର୍ୟୋଗୀ ଵିଗତକଲ୍ମଷଃ ।
ୟୋଗୟୁକ୍ତୋ ଵିଶୁଦ୍ଧାତ୍ମା ୟତଚିତ୍ତେନ୍ଦ୍ରିୟକ୍ରିୟଃ ॥ ୧ ॥
ସ୍ଵକର୍ମନିରତଃ ଶାନ୍ତୋ ଧର୍ମାତ୍ମାଽମିତଵିକ୍ରମଃ ।
ମୁକ୍ତସଙ୍ଗୋଽନହଂଵାଦୀ ଧୃତ୍ୟୁତ୍ସାହସମନ୍ଵିତଃ ॥ ୨ ॥
ସ୍ଥିରବୁଦ୍ଧିରସଂମୂଢୋ ଜିତାତ୍ମା ଵିଗତସ୍ପୃହଃ ।
ସର୍ଵସଙ୍କଲ୍ପସଂନ୍ୟାସୀ ଭକ୍ତଃ ସଙ୍ଗଵିଵର୍ଜିତଃ ॥ ୩ ॥
ଵିଵିକ୍ତସେଵୀ ଲଘ୍ଵାଶୀ ୟତଵାକ୍କାୟମାନସଃ ।
ଏକାକୀ ୟୋଗସଂସିଦ୍ଧୋ ୟୋଗାରୂଢୋଽପରିଗ୍ରହଃ ॥ ୪ ॥
ଧ୍ୟାନୟୋଗପରୋ ମୌନୀ ସ୍ଵସ୍ଥଃ ସଂଶୁଦ୍ଧକିଲ୍ବିଷଃ ।
ଵୀତରାଗଭୟକ୍ରୋଧଃ ସ୍ଥିତଧୀର୍ଵିଗତଜ୍ଵରଃ ॥ ୫ ॥
ସର୍ଵାରମ୍ଭପରିତ୍ୟାଗୀ କୃତ୍ସ୍ନଵିତ୍ କୃତ୍ସ୍ନକର୍ମକୃତ୍ ।
ୟତେନ୍ଦ୍ରିୟମନୋବୁଦ୍ଧିର୍ମୁନିର୍ମୋକ୍ଷପରାୟଣଃ ॥ ୬ ॥
ୟଦୃଚ୍ଛାଲାଭସନ୍ତୁଷ୍ଟୋ ଦ୍ଵନ୍ଦ୍ଵାତୀତୋ ଵିମତ୍ସରଃ ।
ଅନିକେତଃ ସ୍ଥିରମତିର୍ମହାତ୍ମା ଦୃଢନିଶ୍ଚୟଃ ॥ ୭ ॥
ନିର୍ଦ୍ଵନ୍ଦ୍ଵୋ ନିତ୍ୟସତ୍ତ୍ଵସ୍ଥୋ ନିର୍ୟୋଗକ୍ଷେମ ଆତ୍ମଵାନ୍ ।
ନିର୍ମମୋ ନିରହଙ୍କାରଃ ସମଦୁଃଖସୁଖଃ କ୍ଷମୀ ॥ ୮ ॥
ନିରାଶୀର୍ୟତଚିତ୍ତାତ୍ମା ତ୍ୟକ୍ତସର୍ଵପରିଗ୍ରହଃ ।
ଅନପେକ୍ଷଃ ଶୁଚିର୍ଦକ୍ଷ ଉଦାସୀନୋ ଗତଵ୍ୟଥଃ ॥ ୯ ॥
ଜ୍ଞାନଵିଜ୍ଞାନତୃପ୍ତାତ୍ମା କୂଟସ୍ଥୋ ଵିଜିତେନ୍ଦ୍ରିୟଃ ।
ନିସ୍ତ୍ରୈଗୁଣ୍ୟୋ ଵଶୀ ଜ୍ଞାନୀ ସମଲୋଷ୍ଟାଶ୍ମକାଞ୍ଚନଃ ॥ ୧୦ ॥
ତୁଲ୍ୟପ୍ରିୟାପ୍ରିୟୋ ଧୀରସ୍ତୁଲ୍ୟନିନ୍ଦାତ୍ମସଂସ୍ତୁତିଃ ।
ତ୍ୟାଗୀ ସତ୍ତ୍ଵସମାଵିଷ୍ଟୋ ମେଧାଵୀ ଛିନ୍ନସଂଶୟଃ ॥ ୧୧ ॥
ଵିଦ୍ଵାନାତ୍ମରତିର୍ମୁକ୍ତୋ ନିତ୍ୟତୃପ୍ତୋ ନିରାଶ୍ରୟଃ ।
ଅନ୍ତସ୍ସୁଖୋଽନ୍ତରାରାମଃ ସନ୍ତୁଷ୍ଟଃ ସର୍ଵଵିତ୍ ପୁମାନ୍ ॥ ୧୨ ॥
ସର୍ଵଭୂତାତ୍ମଭୂତାତ୍ମା ତତ୍ତ୍ଵଵିତ୍ ସମଦର୍ଶନଃ ।
ଗତିର୍ଭର୍ତା ପ୍ରଭୁଃ ସାକ୍ଷୀ ନିଵାସଃ ଶରଣଂ ସୁହୃତ୍ ॥ ୧୩ ॥
ଆତ୍ମତୃପ୍ତୋ ଗୁରୁଃ ପୂଜ୍ୟୋ ଗରୀୟାନ୍ ପୁରୁଷୋତ୍ତମଃ ।
ବ୍ରହ୍ମଭୂତଃ ପ୍ରସନ୍ନାତ୍ମା ଲୋକାନୁଗ୍ରହକାମ୍ୟୟା ॥ ୧୪ ॥
ସ୍ଥିତପ୍ରଜ୍ଞୋ ଗୁଣାତୀତଃ ଚନ୍ଦ୍ରଶେଖରଭାରତୀ ।
ଶାରଦାୟାଶ୍ଚରା ମୂର୍ତିଃ ଶୃଙ୍ଗଶୈଲେ ଵିରାଜତେ ॥ ୧୫ ॥
ଇତି ଶ୍ରୀଚନ୍ଦ୍ରଶେଖରଭାରତୀଶିଷ୍ୟେଣ ଶ୍ରୀ ଆର. କୃଷ୍ଣସ୍ଵାମିନା
ରଚିତଂ ଶ୍ରୀଗୀତାସାର ଗୁର୍ଵଷ୍ଟୋତ୍ତରଶତନାମାଵଲିସ୍ତୋତ୍ରମ୍ ॥
– Chant Stotra in Other Languages –
Sri Gitasara Guru Ashtottara Shatanamavali Stotram Lyrics in Sanskrit » English » Bengali » Gujarati » Kannada » Malayalam » Telugu » Tamil