॥ Sri Gokula Natha Ashtakam Telugu Lyrics ॥
॥ శ్రీగోకులనాథాష్టకమ్ ॥
భవభీతజనాఖిలభీతిహరం
హరవన్దితనన్దతనూజరతమ్ ।
రతవృద్ధగురుద్విజభృత్యజనం
జనదుర్లభమార్గసుబోధకరమ్ ॥ ౧ ॥
కరపద్మసుసేవితశైలధరం
ధరణీతలవిశ్రుతసాధుగుణమ్ ।
గుణసిన్ధువిమర్దితదుష్టముఖం
ముఖకల్పితమార్గనివృత్తిపరమ్ ॥ ౨ ॥
పరమప్రియమఙ్గలవేషధరం
వరబన్ధుసుహృత్సుతలబ్ధసుఖమ్ ।
సుఖసాగరమమ్బుజచారుముఖం
ముఖపఙ్కజకీర్తితకృష్ణకథమ్ ॥ ౩ ॥
కథనీయగుణామృతవారినిధిం
నిధిసేవితమర్చితపద్మపదమ్ ।
పదపఙ్కజసంశ్రితవిజ్ఞబుధం
బుధవిఠ్ఠలనాథచతుర్థసుతమ్ ॥ ౪ ॥
సుతరాం కరుణాబ్ధిమనన్తగుణం
గుణరత్నవిరాజితశుద్ధతనుమ్ ।
తనురత్నవశీకృతనన్దసుతం
సుతమిత్రకలత్రసుసేవ్యపదమ్ ॥ ౫ ॥
పదపఙ్కజపావితసాధుజనం
జనహేతుగృహీతమనుష్యతనుమ్ ।
తనుకాన్తితిరస్కృతపఞ్చశరం
శరణాగతరక్షితభక్తజనమ్ ॥ ౬ ॥
జనతోషణపోషణదత్తహృదం
హృదయార్పితగోపవధూరమణమ్ ।
రమణీయతరామలభక్తికృతం
కృతకృష్ణకథామృతతృప్తజనమ్ ॥ ౭ ॥
జనవాఞ్ఛితకామదరత్నగుణం
గుణభూషణభూషితలోకగురుమ్ ।
గురుగోకులనాథముపాస్యమహం
మహతాం పరిసేవితమాకలయే ॥ ౮ ॥
శ్రీమద్గోకులనాథానామష్టకం యః పఠేన్నరః ।
గోకులేశపదామ్భోజభక్తిం స లభతే పరామ్ ॥ ౯ ॥
ఇతి సింహావలోకయమకగర్భ శ్రీగోకులనాథాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Gokula Natha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil