॥ Sri Gokulesh Ashtakam 2 Gujarati Lyrics ॥
॥ શ્રીગોકુલેશાષ્ટકમ્ ૨ ॥
પ્રાણાધિકપ્રેષ્ઠભવજ્જનાનાં ત્વદ્વિપ્રયોગાનલતાપિતાનામ્ ।
સમસ્તસન્તાપનિવર્તકં યદ્રૂપં નિજં દર્શય ગોકુલેશ ॥ ૧ ॥
ભવદ્વિયોગોરગદંશભાજાં પ્રત્યઙ્ગમુદ્યદ્વિષમૂર્ચ્છિતાનામ્ ।
સઞ્જીવનં સમ્પ્રતિ તાવકાનાં રૂપં નિજં દર્શય ગોકુલેશ ॥ ૨ ॥
આકસ્મિકત્વદ્વિરહાન્ધકારસઞ્છાદિતાશેષનિદર્શનાનામ્ ।
પ્રકાશકં ત્વજ્જનલોચનાનાં રૂપં નિજં દર્શય ગોકુલેશ ॥ ૩ ॥
સ્વમન્દિરાસ્તીર્ણવિચિત્રવર્ણં સુસ્પર્શમૃદ્વાસ્તરણે નિષણ્ણમ્ ।
પૃથૂપધાનાશ્રિતપૃષ્ઠભાગં રૂપં નિજં દર્શય ગોકુલેશ ॥ ૪ ॥
સન્દર્શનાર્થાગતસર્વલોકવિલોચનાસેચનકં મનોજ્ઞમ્ ।
કૃપાવલોકહિતતત્પ્રસાદં રૂપં નિજં દર્શય ગોકુલેશ ॥ ૫ ॥
યત્સર્વદા ચર્વિતનાગવલ્લીરસપ્રિયં તદ્રસરક્તદન્તમ્ ।
નિજેષુ તચ્ચર્વિતશેષદં ચ રૂપં નિજં દર્શય ગોકુલેશ ॥ ૬ ॥
પ્રતિક્ષણં ગોકુલસુન્દરીણામતૃપ્તિમલ્લોચનપાનપાત્રમ્ ।
સમસ્તસૌન્દર્યરસૌઘપૂર્ણં રૂપં નિજં દર્શય ગોકુલેશ ॥ ૭ ॥
ક્વચિત્ક્ષણં વૈણિકદત્તકર્ણં કદાચિદુદ્ગાનકૃતાવધાનમ્ ।
સહાસવાચઃ ક્વ ચ ભાષમાણં રૂપં નિજં દર્શય ગોકુલેશ ॥ ૮ ॥
શ્રીગોકુલેશાષ્ટકમિષ્ટદાતૃશ્રદ્ધાન્વિતો યઃ પઠિતીતિ નિત્યમ્ ।
પશ્યત્પવશ્યં સ તદીયરૂપં નિજૈકવશ્યં કુરુતે ચ હૃષ્ટઃ ॥ ૯ ॥
ઇતિ શ્રીકૃષ્ણરાયવિરચિતં શ્રીગોકુલેશાષ્ટકં સમાપ્તમ્ ।
– Chant Stotra in Other Languages –
Sri Krishna Slokam » Sri Gokulesh Ashtakam 2 Lyrics in Sanskrit » English » Bengali » Kannada » Malayalam » Odia » Telugu » Tamil