॥ Sri Gokulesh Ashtakam 2 Kannada Lyrics ॥
॥ ಶ್ರೀಗೋಕುಲೇಶಾಷ್ಟಕಮ್ 2 ॥
ಪ್ರಾಣಾಧಿಕಪ್ರೇಷ್ಠಭವಜ್ಜನಾನಾಂ ತ್ವದ್ವಿಪ್ರಯೋಗಾನಲತಾಪಿತಾನಾಮ್ ।
ಸಮಸ್ತಸನ್ತಾಪನಿವರ್ತಕಂ ಯದ್ರೂಪಂ ನಿಜಂ ದರ್ಶಯ ಗೋಕುಲೇಶ ॥ 1 ॥
ಭವದ್ವಿಯೋಗೋರಗದಂಶಭಾಜಾಂ ಪ್ರತ್ಯಂಗಮುದ್ಯದ್ವಿಷಮೂರ್ಚ್ಛಿತಾನಾಮ್ ।
ಸಂಜೀವನಂ ಸಮ್ಪ್ರತಿ ತಾವಕಾನಾಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 2 ॥
ಆಕಸ್ಮಿಕತ್ವದ್ವಿರಹಾನ್ಧಕಾರಸಂಛಾದಿತಾಶೇಷನಿದರ್ಶನಾನಾಮ್ ।
ಪ್ರಕಾಶಕಂ ತ್ವಜ್ಜನಲೋಚನಾನಾಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 3 ॥
ಸ್ವಮನ್ದಿರಾಸ್ತೀರ್ಣವಿಚಿತ್ರವರ್ಣಂ ಸುಸ್ಪರ್ಶಮೃದ್ವಾಸ್ತರಣೇ ನಿಷಣ್ಣಮ್ ।
ಪೃಥೂಪಧಾನಾಶ್ರಿತಪೃಷ್ಠಭಾಗಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 4 ॥
ಸನ್ದರ್ಶನಾರ್ಥಾಗತಸರ್ವಲೋಕವಿಲೋಚನಾಸೇಚನಕಂ ಮನೋಜ್ಞಮ್ ।
ಕೃಪಾವಲೋಕಹಿತತತ್ಪ್ರಸಾದಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 5 ॥
ಯತ್ಸರ್ವದಾ ಚರ್ವಿತನಾಗವಲ್ಲೀರಸಪ್ರಿಯಂ ತದ್ರಸರಕ್ತದನ್ತಮ್ ।
ನಿಜೇಷು ತಚ್ಚರ್ವಿತಶೇಷದಂ ಚ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 6 ॥
ಪ್ರತಿಕ್ಷಣಂ ಗೋಕುಲಸುನ್ದರೀಣಾಮತೃಪ್ತಿಮಲ್ಲೋಚನಪಾನಪಾತ್ರಮ್ ।
ಸಮಸ್ತಸೌನ್ದರ್ಯರಸೌಘಪೂರ್ಣಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 7 ॥
ಕ್ವಚಿತ್ಕ್ಷಣಂ ವೈಣಿಕದತ್ತಕರ್ಣಂ ಕದಾಚಿದುದ್ಗಾನಕೃತಾವಧಾನಮ್ ।
ಸಹಾಸವಾಚಃ ಕ್ವ ಚ ಭಾಷಮಾಣಂ ರೂಪಂ ನಿಜಂ ದರ್ಶಯ ಗೋಕುಲೇಶ ॥ 8 ॥
ಶ್ರೀಗೋಕುಲೇಶಾಷ್ಟಕಮಿಷ್ಟದಾತೃಶ್ರದ್ಧಾನ್ವಿತೋ ಯಃ ಪಠಿತೀತಿ ನಿತ್ಯಮ್ ।
ಪಶ್ಯತ್ಪವಶ್ಯಂ ಸ ತದೀಯರೂಪಂ ನಿಜೈಕವಶ್ಯಂ ಕುರುತೇ ಚ ಹೃಷ್ಟಃ ॥ 9 ॥
ಇತಿ ಶ್ರೀಕೃಷ್ಣರಾಯವಿರಚಿತಂ ಶ್ರೀಗೋಕುಲೇಶಾಷ್ಟಕಂ ಸಮಾಪ್ತಮ್ ।
– Chant Stotra in Other Languages –
Sri Krishna Slokam » Sri Gokulesh Ashtakam 2 Lyrics in Sanskrit » English » Bengali » Gujarati » Malayalam » Odia » Telugu » Tamil