॥ Sri Gokulesh Ashtakam 2 Malayalam Lyrics ॥
॥ ശ്രീഗോകുലേശാഷ്ടകം 2 ॥
പ്രാണാധികപ്രേഷ്ഠഭവജ്ജനാനാം ത്വദ്വിപ്രയോഗാനലതാപിതാനാം ।
സമസ്തസന്താപനിവര്‍തകം യദ്രൂപം നിജം ദര്‍ശയ ഗോകുലേശ ॥ 1 ॥
ഭവദ്വിയോഗോരഗദംശഭാജാം പ്രത്യങ്ഗമുദ്യദ്വിഷമൂര്‍ച്ഛിതാനാം ।
സഞ്ജീവനം സമ്പ്രതി താവകാനാം രൂപം നിജം ദര്‍ശയ ഗോകുലേശ ॥ 2 ॥
ആകസ്മികത്വദ്വിരഹാന്ധകാരസഞ്ഛാദിതാശേഷനിദര്‍ശനാനാം ।
പ്രകാശകം ത്വജ്ജനലോചനാനാം രൂപം നിജം ദര്‍ശയ ഗോകുലേശ ॥ 3 ॥
സ്വമന്ദിരാസ്തീര്‍ണവിചിത്രവര്‍ണം സുസ്പര്‍ശമൃദ്വാസ്തരണേ നിഷണ്ണം ।
പൃഥൂപധാനാശ്രിതപൃഷ്ഠഭാഗം രൂപം നിജം ദര്‍ശയ ഗോകുലേശ ॥ 4 ॥
സന്ദര്‍ശനാര്‍ഥാഗതസര്‍വലോകവിലോചനാസേചനകം മനോജ്ഞം ।
കൃപാവലോകഹിതതത്പ്രസാദം രൂപം നിജം ദര്‍ശയ ഗോകുലേശ ॥ 5 ॥
യത്സര്‍വദാ ചര്‍വിതനാഗവല്ലീരസപ്രിയം തദ്രസരക്തദന്തം ।
നിജേഷു തച്ചര്‍വിതശേഷദം ച രൂപം നിജം ദര്‍ശയ ഗോകുലേശ ॥ 6 ॥
പ്രതിക്ഷണം ഗോകുലസുന്ദരീണാമതൃപ്തിമല്ലോചനപാനപാത്രം ।
സമസ്തസൌന്ദര്യരസൌഘപൂര്‍ണം രൂപം നിജം ദര്‍ശയ ഗോകുലേശ ॥ 7 ॥
ക്വചിത്ക്ഷണം വൈണികദത്തകര്‍ണം കദാചിദുദ്ഗാനകൃതാവധാനം ।
സഹാസവാചഃ ക്വ ച ഭാഷമാണം രൂപം നിജം ദര്‍ശയ ഗോകുലേശ ॥ 8 ॥
ശ്രീഗോകുലേശാഷ്ടകമിഷ്ടദാതൃശ്രദ്ധാന്വിതോ യഃ പഠിതീതി നിത്യം ।
പശ്യത്പവശ്യം സ തദീയരൂപം നിജൈകവശ്യം കുരുതേ ച ഹൃഷ്ടഃ ॥ 9 ॥
ഇതി ശ്രീകൃഷ്ണരായവിരചിതം ശ്രീഗോകുലേശാഷ്ടകം സമാപ്തം ।
– Chant Stotra in Other Languages –
Sri Krishna Slokam » Sri Gokulesh Ashtakam 2 Lyrics in Sanskrit » English » Bengali » Gujarati » Kannada » Odia » Telugu » Tamil