॥ Sri Gokulesh Ashtakam Malayalam Lyrics ॥
॥ ശ്രീഗോകുലേശാഷ്ടകം ॥
നന്ദഗോപഭൂപവംശഭൂഷണം വിഭൂഷണം var വിദൂഷണം
ഭൂമിഭൂതിഭുരിഭാഗ്യഭാജനം ഭയാപഹം ।
ധേനുധര്‍മരക്ഷണാവതീര്‍ണപൂര്‍ണവിഗ്രഹം
നീലവാരിവാഹകാന്തിഗോകുലേശമാശ്രയേ ॥ 1 ॥
ഗോപബാലസുന്ദരീഗണാവൃതം കലാനിധിം
രാസമണ്ഡലീവിഹാരകാരികാമസുന്ദരം ।
പദ്മയോനിശങ്കരാദിദേവവൃന്ദവന്ദിതം
നീലവാരിവാഹകാന്തിഗോകുലേശമാശ്രയേ ॥ 2 ॥
ഗോപരാജരത്നരാജിമന്ദിരാനുരിങ്ഗണം
ഗോപബാലബാലികാകലാനുരുദ്ധഗായനം ।
സുന്ദരീമനോജഭാവഭാജനാംബുജാനനം
നീലവാരിവാഹകാന്തിഗോകുലേശമാശ്രയേ ॥ 3 ॥
കംസകേശികുഞ്ജരാജദുഷ്ടദൈത്യദാരണം
ഇന്ദ്രസൃഷ്ടവൃഷ്ടിവാരിവാരണോദ്ധൃതാചലം ।
കാമധേനുകാരിതാഭിധാനഗാനശോഭിതം
നീലവാരിവാഹകാന്തിഗോകുലേശമാശ്രയേ ॥ 4 ॥
ഗോപികാഗൃഹാന്തഗുപ്തഗവ്യചൌര്യചഞ്ചലം
ദുഗ്ധഭാണ്ഡഭേദഭീതലജ്ജിതാസ്യപങ്കജം ।
ധേനുധൂലിധൂസരാങ്ഗശോഭിഹാരനൂപുരം
നീലവാരിവാഹകാന്തിഗോകുലേശമാശ്രയേ ॥ 5 ॥
വത്സധേനുഗോപബാലഭീഷണോത്ഥവഹ്നിപം
കേകിപിച്ഛകല്‍പിതാവതംസശോഭിതാനനം ।
വേണുവാദ്യമത്തധോഷസുന്ദരീമനോഹരം
നീലവാരിവാഹകാന്തിഗോകുലേശമാശ്രയേ ॥ 6 ॥
ഗര്‍വിതാമരേന്ദ്രകല്‍പകല്‍പിതാന്നഭോജനം
ശാരദാരവിന്ദവൃന്ദശോഭിഹംസജാരതം ।
ദിവ്യഗന്ധലുബ്ധഭൃങ്ഗപാരിജാതമാലിനം
നീലവാരിവാഹകാന്തിഗോകുലേശമാശ്രയേ ॥ 7 ॥
വാസരാവസാനഗോഷ്ഠഗാമിഗോഗണാനുഗം
ധേനുദോഹദേഹഗേഹമോഹവിസ്മയക്രിയം ।
സ്വീയഗോകുലേശദാനദത്തഭക്തരക്ഷണം
നീലവാരിവാഹകാന്തിഗോകുലേശമാശ്രയേ ॥ 8 ॥
॥ ഇതി ശ്രീരഘുനായപ്രഭുവിരചിതം ശ്രീഗോകുലേശാഷ്ടകം സമ്പൂര്‍ണം ॥
– Chant Stotra in Other Languages –
Sri Krishna Slokam » Sri Gokulesha Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil