॥ Sri Gokulesha Ashtakam 3 Kannada Lyrics ॥
॥ ಶ್ರೀಗೋಕುಲೇಶಾಷ್ಟಕಮ್ 3 ॥
ಯತಿವಶಧರಣೀಶೇ ಧರ್ಮಲೋಪಪ್ರವೃತ್ತೇ
ಹರಿಚರಣಸಹಾಯೋ ಯಃ ಸ್ವಧರ್ಮಂ ಜುಗೋಪ ।
ವಿಹಿತಭಜನಭಾರೋ ಧರ್ಮರಕ್ಷಾವತಾರಃ
ಸ ಜಗತಿ ಜಯತಿ ಶ್ರೀವಲ್ಲಭೋ ಗೋಕುಲೇಶಃ ॥ 1 ॥
ಅಸದುದಿತವಿದಾರೀ ವೇದವಾದಾನುಸಾರೀ
ಯದುಚಿತಹಿತಕಾರೀ ಭಕ್ತಿಮಾರ್ಗಪ್ರಚಾರೀ ।
ರುಚಿರತಿಲಕಧಾರೀ ಮಾಲಧಾರೀ ತುಲಸ್ಯಾಃ
ಸ ಜಯತಿ ಜಯತಿ ಶ್ರೀವಲ್ಲಭೋ ಗೋಕುಲೇಶಃ ॥ 2 ॥
ಬಹುವಿಧಿಜನನರ್ಮಪ್ರೋಕ್ತಿಬಾಣೈರಧರ್ಮಃ
ಪ್ರಕಟಮಯತಿ ಮರ್ಮಸ್ಫೋಟಮಾರಾದ್ವಿಧಾಯ ।
ವಪುಷಿ ಭಜನವರ್ಮ ಪ್ರಾಪ್ಯ ಕಲ್ಯಾಣಧರ್ಮಃ
ಸ ಜಯತಿ ನವಕರ್ಮಾ ಗೋಕುಲೇ ಗೋಕುಲೇಶಃ ॥ 3 ॥
ನಿಗಮಜನಿತಧರ್ಮದ್ರೋಹಿಣಿ ಕ್ಷೋಣಿನಾಥೇ
ಸಕಲಸಹಜವೇಶಸ್ತತ್ಸಮೀಪಂ ಸಮೇತ್ಯ ।
ತದುಚಿತಮದಮತ್ಯಾ ದತ್ತವಾನುತ್ತರಂ ಯಃ
ಸ ಜಯತಿ ಜನಚಿತ್ತಾನನ್ದಕೋ ಗೋಕುಲೇಶಃ ॥ 4 ॥
ಅಧಿಕೃತಯುಗಧರ್ಮೇ ವರ್ಧಮಾನೇ ಸಮನ್ತಾ-
ದನಿತಶರಣೋಽಸೌ ವೇದಧರ್ಮೋ ಸದಾಭೂಽತ್ । check
ತದಿಹ ಶರಣಮಾಗಾದ್ಯಃ ಸದೈಕಃ ಶರಣ್ಯಂ
ಸ ಜಯತಿ ಜನವನ್ದ್ಯೋ ಗೋಕುಲೇ ಗೋಕುಲೇಶಃ ॥ 5 ॥
ಕಲಿವೃಷಲಭಯಾಪ್ತೌ ತತ್ಕಲಿಂ ಸನ್ನಿಗೃಹ್ಯ
ಕ್ಷಿತಿಪತಿರವಿತಾಽಽಸೀದ್ಯಸ್ಯ ಪೂರ್ವಂ ಪರೀಕ್ಷಿತ್ ।
ಇಹ ಹಿ ನೃಪತಿಭೀತೌ ತಸ್ಯ ಧರ್ಮಸ್ಯ ನಿತ್ಯಂ
ಸ ಜಯತಿ ಭುವಿ ಗೋಪ್ತಾ ಗೋಕುಲೇ ಗೋಕುಲೇಶಃ ॥ 6 ॥
ಪ್ರಥಮಮಿಹ ಪರೀಕ್ಷಿದ್ರಕ್ಷಿತೋ ವರ್ಣಧರ್ಮಃ
ಪುನರಪಿ ಕಲಿಕಲ್ಪಕ್ಷುದ್ರಭಿಕ್ಷುಕ್ಷತೋಽಭೂತ್ ।
ಅಭಯಪದಮಿದಂ ಯಂ ಶಾಶ್ವತಂ ಚಾಭ್ಯುಪೇತಃ
ಸ ಜಯತಿ ನಿಜಭಕ್ತಾಹ್ಲಾದಕೋ ಗೋಕುಲೇಶಃ ॥ 7 ॥
ಯ ಇಹ ಸಕಲಲೋಕೇ ಕೇವಲಂ ನ ಸ್ವಕೀಯೇ
ಪ್ರಭುಜನನಬಲೇನ ಸ್ಥಾಪಯಾಮಾಸ ಧರ್ಮಮ್ ।
ಸಕಲಸುಖವಿಧಾತಾ ಗೋಕುಲಾನನ್ದದಾತಾ
ಸ ಜಯತಿ ನಿಜತಾತಾರಾಧಕೋ ಗೋಕುಲೇಶಃ ॥ 8 ॥
ಶ್ರೀವಲ್ಲಭಾಷ್ಟಕಮಿದಂ ಪಠತಿ ಪ್ರಪನ್ನೋ
ಯಃ ಕೃಷ್ಣರಾಯಕೃತಮಿತ್ಯುಷಸಿ ಸ್ವಚಿತ್ತಃ ।
ಸೋಽಯಂ ಸುದುರ್ಲಭತಮಾನಪಿ ನಿಶ್ಚಯೇನ
ಪ್ರಾಪ್ನೋತಿ ವೈ ವಿನಿಹಿತಾನಖಿಲಾನ್ ಪದಾರ್ಥಾನ್ ॥ 9 ॥
ಇತಿ ಶ್ರೀಕೃಷ್ಣರಾಯವಿರಚಿತಂ ಶ್ರೀಗೋಕುಲೇಶಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Krishna Slokam » Sri Gokulesha Ashtakam 3 Lyrics in Sanskrit » English » Bengali » Gujarati » Malayalam » Odia » Telugu » Tamil