॥ Sri Gokulesha Ashtakam 3 Telugu Lyrics ॥
॥ శ్రీగోకులేశాష్టకమ్ ౩ ॥
యతివశధరణీశే ధర్మలోపప్రవృత్తే
హరిచరణసహాయో యః స్వధర్మం జుగోప ।
విహితభజనభారో ధర్మరక్షావతారః
స జగతి జయతి శ్రీవల్లభో గోకులేశః ॥ ౧ ॥
అసదుదితవిదారీ వేదవాదానుసారీ
యదుచితహితకారీ భక్తిమార్గప్రచారీ ।
రుచిరతిలకధారీ మాలధారీ తులస్యాః
స జయతి జయతి శ్రీవల్లభో గోకులేశః ॥ ౨ ॥
బహువిధిజననర్మప్రోక్తిబాణైరధర్మః
ప్రకటమయతి మర్మస్ఫోటమారాద్విధాయ ।
వపుషి భజనవర్మ ప్రాప్య కల్యాణధర్మః
స జయతి నవకర్మా గోకులే గోకులేశః ॥ ౩ ॥
నిగమజనితధర్మద్రోహిణి క్షోణినాథే
సకలసహజవేశస్తత్సమీపం సమేత్య ।
తదుచితమదమత్యా దత్తవానుత్తరం యః
స జయతి జనచిత్తానన్దకో గోకులేశః ॥ ౪ ॥
అధికృతయుగధర్మే వర్ధమానే సమన్తా-
దనితశరణోఽసౌ వేదధర్మో సదాభూఽత్ । check
తదిహ శరణమాగాద్యః సదైకః శరణ్యం
స జయతి జనవన్ద్యో గోకులే గోకులేశః ॥ ౫ ॥
కలివృషలభయాప్తౌ తత్కలిం సన్నిగృహ్య
క్షితిపతిరవితాఽఽసీద్యస్య పూర్వం పరీక్షిత్ ।
ఇహ హి నృపతిభీతౌ తస్య ధర్మస్య నిత్యం
స జయతి భువి గోప్తా గోకులే గోకులేశః ॥ ౬ ॥
ప్రథమమిహ పరీక్షిద్రక్షితో వర్ణధర్మః
పునరపి కలికల్పక్షుద్రభిక్షుక్షతోఽభూత్ ।
అభయపదమిదం యం శాశ్వతం చాభ్యుపేతః
స జయతి నిజభక్తాహ్లాదకో గోకులేశః ॥ ౭ ॥
య ఇహ సకలలోకే కేవలం న స్వకీయే
ప్రభుజననబలేన స్థాపయామాస ధర్మమ్ ।
సకలసుఖవిధాతా గోకులానన్దదాతా
స జయతి నిజతాతారాధకో గోకులేశః ॥ ౮ ॥
శ్రీవల్లభాష్టకమిదం పఠతి ప్రపన్నో
యః కృష్ణరాయకృతమిత్యుషసి స్వచిత్తః ।
సోఽయం సుదుర్లభతమానపి నిశ్చయేన
ప్రాప్నోతి వై వినిహితానఖిలాన్ పదార్థాన్ ॥ ౯ ॥
ఇతి శ్రీకృష్ణరాయవిరచితం శ్రీగోకులేశాష్టకం సమ్పూర్ణమ్ ।
– Chant Stotra in Other Languages –
Sri Krishna Slokam » Sri Gokulesha Ashtakam 3 Lyrics in Sanskrit » English » Bengali » Gujarati » Kannada » Malayalam » Odia » Tamil