॥ Sri Gokuleshashayanashyakam Telugu Lyrics ॥
॥ శ్రీగోకులేశశయనాష్టకమ్ ॥
ప్రాతః స్మరామి గురుగోకులనాథసంజ్ఞం
సంసారసాగరసముత్తరణైకసేతుమ్ ।
శ్రీకృష్ణచన్ద్రచరణామ్బుజసర్వకాల-
సంశుద్ధసేవనవిధౌ కమలావతారమ్ ॥ ౧ ॥
ప్రస్వాప్య నన్దతనయం ప్రణయేన పశ్చా-
దానన్దపూర్ణనిజమన్దిరమభ్యుపేతమ్ ।
స్థూలోపధానసహితాసనసన్నిషణ్ణం
శ్రీగోకులేశమనిశం నిశి చిన్తయామి ॥ ౨ ॥
అభ్యగ్రభక్తకరదత్తసితాభ్రయుక్తం
తామ్బూలపూర్ణవదనం సదనం రసాబ్ధేః ।
ఆవేష్టితం పరిత ఆత్మజనైరశేషైః
శ్రీగోకులేశమనిశం నిశి చిన్తయామి ॥ ౩ ॥
జాతే తథా ప్రభుకథాకథనే తదానీ-
ముత్థాపితే పరిచయేణ పృథూపధానే ।
గన్తుం గృహాయ సుహృదః స్వయముక్తవన్తం
శ్రీగోకులేశమనిశం నిశి చిన్తయామి ॥ ౪ ॥
నిత్యోల్లసన్నవరసౌఘనివాసరూపం
సౌన్దర్యనిర్జితజగజ్జయికామభూపమ్ ।
స్వప్రేయసీజనమనోహరచారువేషం
సఞ్చిన్తయామి శయనే నిశి గోకులేశమ్ ॥ ౫ ॥
కస్తూరికాదితనులేపవిసారిగన్ధం
పుష్పస్రగన్తరలసత్తనుమౌలిబన్ధమ్ ।
సంవాహితాఙ్ఘ్రియుగలం నిజముఖ్యభక్తైః
సఞ్చిన్తయామి శయనే నిశి గోకులేశమ్ ॥ ౬ ॥
సప్రేమహాస్యవచనైః కతిచిత్స్వకీయాన్
స్థిత్వా క్షణం నిజగృహాయ నిదిష్టవన్తమ్ ।
శయ్యోపవేశసమయోచిత్తవేషభాజం
సఞ్చిన్తయామి శయనే నిశి గోకులేశమ్ ॥ ౭ ॥
నిద్రాగమాత్ ప్రథమతో నిజసున్దరీభిః
సంసేవితం తదఖిలేన్ద్రియవృత్తిభాగ్యమ్ ।
శృఙ్గారసారమధిరాజముదారవేషం
సఞ్చిన్తయామి శయనే నిశి గోకులేశమ్ ॥ ౮ ॥
స్వచ్ఛోపరిచ్ఛదలసచ్ఛయనోపవిష్టం
సస్నేహభక్తసుఖసేవితపాదపద్మమ్ ।
నిద్రావధూస్వసమయేప్సితసఙ్గసౌఖ్యం
సఞ్చిన్తయామి శయనే నిశి గోకులేశమ్ ॥ ౯ ॥
శ్రీగోకులేశశయనాష్టకమాదరేణ
శ్రీకృష్ణరాయరచితం సరసార్థపద్యమ్ ।
సఞ్చిన్తితాఖిలఫలప్రదమిష్టసిద్‍ధ్యై
సఞ్చిన్తయన్తు నిశి తచ్చరణైకచిత్తాః ॥ ౧౦ ॥
ఇతి శ్రీకృష్ణరాయవిరచితం శ్రీశయనాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Gokuleshashayanashyakam Lyrics in Sanskrit » English » Bengali » Gujarati » Kannada » Malayalam » Odia » Tamil