॥ Sri Gomatyambashtakam Gujarati Lyrics ॥
॥ શ્રીગોમત્યમ્બાષ્ટકમ્ ॥
ૐ શ્રીગણેશાય નમઃ ॥
ભૂકૈલાસે મનોજ્ઞે ભુવનવનવૃતે નાગતીર્થોપકણ્ઠે
રત્નપ્રકારમધ્યે રવિચન્દ્રમહાયોગપીઠે નિષણ્ણમ્ ।
સંસારવ્યાધિવૈદ્યં સકલજનનુતં શઙ્ખપદ્માર્ચિતાઙ્ઘ્રિં
ગોમત્યમ્બાસમેતં હરિહરવપુષં શઙ્કરેશં નમામિ ॥
લક્ષ્મીવાણીનિષેવિતામ્બુજપદાં લાવણ્યશોભાં શિવાં
લક્ષ્મીવલ્લભપદ્મસમ્ભવનુતાં લમ્બોદરોલ્લાસિનીમ્ ।
નિત્યં કૌશિકવન્દ્યમાનચરણાં હ્રીઙ્કારમન્ત્રોજ્જ્વલાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૧ ॥
દેવીં દાનવરાજદર્પહરિણીં દેવેન્દ્રસમ્પત્પ્રદાં
ગન્ધર્વોરગયક્ષસેવિતપદાં શ્રીશૈલમધ્યસ્થિતામ્ ।
જાતીચમ્પકમલ્લિકાદિકુસુમૈઃ સંશોભિતાઙ્ઘ્રિદ્વયાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૨ ॥
ઉદ્યત્કોટિવિકર્તનદ્યુતિનિભાં મૌર્વીં ભવામ્ભોનિધેઃ
ઉદ્યત્તારકનાથતુલ્યવદનામુદ્યોતયન્તીં જગત્ ।
હસ્તન્યસ્તશુકપ્રણાળસહિતાં હર્ષપ્રદામમ્બિકાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૩ ॥
કલ્યાણીં કમનીયમૂર્તિસહિતાં કર્પૂરદીપોજ્જ્વલાં
કર્ણાન્તાયતલોચનાં કળરવાં કામેશ્વરીં શઙ્કરીમ્ ।
કસ્તૂરિતિલકોજ્જ્વલાં સકરુણાં કૈવલ્યસૌખ્યપ્રદાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૪ ॥
વૈડૂર્યાદિસમસ્તરત્નખચિતે કલ્યાણસિંહાસને
સ્થિત્વાઽશેષજનસ્ય પાલનકરીં શ્રીરાજરાજેશ્વરીમ્ ।
ભક્તાભીષ્ટફલપ્રદાં ભયહરાં ભણ્ડસ્ય યુદ્ધોત્સુકાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૫ ॥
શૈલાધીશસુતાં સરોજનયનાં સર્વાઘવિધ્વંસિનીં
સન્માર્ગસ્થિતલોકરક્ષણપરાં સર્વેશ્વરીં શામ્ભવીમ્ ।
નિત્યં નારદતુમ્બુરુપ્રભૃતિભિર્વીણાવિનોદસ્થિતાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૬ ॥
પાપારણ્યદવાનલાં પ્રભજતાં ભાગ્યપ્રદાં ભક્તિદાં
ભક્તાપત્કુલશૈલભેદનપવિં પ્રત્યક્ષમૂર્તિં પરામ્ ।
માર્કણ્ડેયપરાશરાદિમુનિભિઃ સંસ્તૂયમાનામુમાં
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૭ ॥
શ્વેતારણ્યનિવાસિનીં પ્રતિદિનં સ્તોત્રેણ પૂર્ણાનનાં
ત્વત્પાદામ્બુજસક્તપૂર્ણમનસાં સ્તોકેતરેષ્ટપ્રદામ્ ।
નાનાવાદ્યવૈભવશોભિતપદાં નારાયણસ્યાનુજાં meter?
શ્રીપુન્નાગવનેશ્વરસ્ય મહિષીં ધ્યાયેત્સદા ગોમતીમ્ ॥ ૮ ॥
ઇતિ શ્રીગોમત્યમ્બાષ્ટકં સમ્પૂર્ણમ્ ।
ઇતિ શિવમ્ ॥
– Chant Stotra in Other Languages –
Sri Gomatyambashtakam Lyrics in Sanskrit » English » Bengali » Kannada » Malayalam » Odia » Telugu » Tamil