॥ Sri Gopalalalashtakam Gujarati Lyrics ॥
॥ શ્રીગોપાલલાલાષ્ટકમ્ ॥
શ્રીમદાચાર્યચરણૌ સાષ્ટાઙ્ગં પ્રણિપન્પતૌ ।
વિરચ્યતેઽષ્ટકમિદં શ્રીમદ્ગોપાલપુષ્ટિદમ્ ॥ ૧ ॥
યસ્યાનુકમ્પાવશતઃ સુદુર્લભં
માનુષ્યમાપ્તં પરમસ્ય પુંસઃ ।
સર્વાર્થદં દીનદયાલુમેકં
ગોપાલલાલં શરણં પ્રપદ્યે ॥ ૨ ॥
યોઽદાત્સ્વસેવોપયિકં શરીરં
સાઙ્ગં સમર્થં શુભમર્થદં ચ ।
સેવાઽનભિજ્ઞઃ પરમસ્ય તસ્ય
ગોપાલલાલં શરણં પ્રપદ્યે ॥ ૩ ॥
નિજાઙ્ગસન્દર્શનયોગયોગ્યતા
યોઽદાદ્દૃશં મે પરમો દયાલુઃ ।
તદઙ્ગસૌન્દર્ય્યરસાવભિજ્ઞો
ગોપાલલાલં શરણં પ્રપદ્યે ॥ ૪ ॥
શ્રીમત્કથાસંશ્રવણોપયોગિ-
શ્રોત્રં દદૌ યઃ કરુણારસાબ્ધિઃ ।
કથામૃતાસ્વાદનમૂઢચેતા
ગોપાલલાલં શરણં પ્રપદ્યે ॥ ૫ ॥
વાચં દદૌ શ્રીગુણજ્ઞાનયોગ્યાં
વ્રજાઙ્ગનાઙ્ગાભરણાઙ્ગમૂર્તિમ્ ।
તથાપિ નામ્નામનુકીર્તનેઽલસો
ગોપાલલાલં શરણં પ્રપદ્યે ॥ ૬ ॥
ઘ્રાણેન્દ્રિયં મે તુલસીવિમિશ્ર-
પાદાઞ્જસન્દિગ્ધપરાગયોગ્યમ્ ।
દદૌ કૃપાલુર્હ્યપરાધિને યો
ગોપાલલાલં શરણં પ્રપદ્યે ॥ ૭ ॥
શિરશ્ચ પાદામ્બુજસન્પ્રણામ-
યોગ્યં દદૌ યો યદુવંશચન્દ્રઃ ।
સ્તુત્યા ચ નત્યા વિનયેન હીનો
ગોપાલલાલં શરણં પ્રપદ્યે ॥ ૮ ॥
જનોઽપરાધાનસકૃદ્વિકુર્વન્
શ્રોતો ભવેદ્યસ્તુ મનાક્ષમાયામ્ ।
નવાલસસ્તં કરુણૈકબન્ધું
ગોપાલલાલં શરણં પ્રપદ્યે ॥ ૯ ॥
ઇતિ શ્રીમદ્ગોસ્વામિશ્રીગિરધરજીકૃતં
શ્રીગોપાલલાલાષ્ટકં સમ્પૂર્ણમ્ ।
– Chant Stotra in Other Languages –
Sri Krishna Slokam » Sri Gopalalalashtakam Lyrics in Sanskrit » English » Bengali » Kannada » Malayalam » Odia » Telugu » Tamil