॥ Sri GopIjana Vallabha Ashtakam Kannada Lyrics ॥
॥ ಶ್ರೀಗೋಪೀಜನವಲ್ಲಭಾಷ್ಟಕಮ್ ॥
॥ ಅಥ ಶ್ರೀಗೋಪೀಜನವಲ್ಲಭಾಷ್ಟಕಮ್ ॥
ಸರೋಜನೇತ್ರಾಯ ಕೃಪಾಯುತಾಯ ಮನ್ದಾರಮಾಲಾಪರಿಭೂಷಿತಾಯ ।
ಉದಾರಹಾಸಾಯ ಸಸನ್ಮುಖಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 1 ॥
ಆನನ್ದನನ್ದಾದಿಕದಾಯಕಾಯ ಬಕೀಬಕಪ್ರಾಣವಿನಾಶಕಾಯ ।
ಮೃಗೇನ್ದ್ರಹಸ್ತಾಗ್ರಜಭೂಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 2 ॥
ಗೋಪಾಲಲೀಲಾಕೃತಕೌತುಕಾಯ ಗೋಪಾಲಕಾಜೀವನಜೀವನಾಯ ।
ಭಕ್ತೈಕಗಮ್ಯಾಯ ನವಪ್ರಿಯಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 3 ॥
ಮನ್ಥಾನಭಾಂಡಾಖಿಲಭಂಜನಾಯ ಹೈಯಂಗವೀನಾಶನರಂಜನಾಯ ।
ಗೋಸ್ವಾದುದುಗ್ಧಾಮೃತಪೋಷಿತಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 4 ॥
ಕಲಿನ್ದಜಾಕೂಲಕುತೂಹಲಾಯ ಕಿಶೋರರೂಪಾಯ ಮನೋಹರಾಯ ।
ಪಿಶಂಗವಸ್ತ್ರಾಯ ನರೋತ್ತಮಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 5 ॥
ಧರಾಧರಾಭಾಯ ಧರಾಧರಾಯ ಶೃಂಗಾರಹಾರಾವಲಿಶೋಭಿತಾಯ ।
ಸಮಸ್ತಗರ್ಗೋಕ್ತಿಸುಲಕ್ಷಣಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 6 ॥
ಇಭೇನ್ದ್ರಕುಮ್ಭಸ್ಥಲಖಂಡನಾಯ ವಿದೇಶವೃನ್ದಾವನಮಂಡನಾಯ ।
ಹಂಸಾಯ ಕಂಸಾಸುರಮರ್ದನಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 7 ॥
ಶ್ರೀದೇವಕೀಸೂನುವಿಮೋಕ್ಷಣಾಯ ಕ್ಷತ್ತೋದ್ಧವಾಕ್ರೂರವರಪ್ರದಾಯ ।
ಗದಾರಿಶಂಖಾಬ್ಜಚತುರ್ಭುಜಾಯ ನಮೋಽಸ್ತು ಗೋಪೀಜನವಲ್ಲಭಾಯ ॥ 8 ॥
॥ ಇತಿ ಶ್ರೀವಲ್ಲಭಾಚಾರ್ಯವಿರಚಿತಂ ಶ್ರೀಗೋಪೀಜನವಲ್ಲಭಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Gopijana Vallabha Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil