॥ Sri GopIjana Vallabha Ashtakam Telugu Lyrics ॥
॥ శ్రీగోపీజనవల్లభాష్టకమ్ ॥
॥ అథ శ్రీగోపీజనవల్లభాష్టకమ్ ॥
సరోజనేత్రాయ కృపాయుతాయ మన్దారమాలాపరిభూషితాయ ।
ఉదారహాసాయ ససన్ముఖాయ నమోఽస్తు గోపీజనవల్లభాయ ॥ ౧ ॥
ఆనన్దనన్దాదికదాయకాయ బకీబకప్రాణవినాశకాయ ।
మృగేన్ద్రహస్తాగ్రజభూషణాయ నమోఽస్తు గోపీజనవల్లభాయ ॥ ౨ ॥
గోపాలలీలాకృతకౌతుకాయ గోపాలకాజీవనజీవనాయ ।
భక్తైకగమ్యాయ నవప్రియాయ నమోఽస్తు గోపీజనవల్లభాయ ॥ ౩ ॥
మన్థానభాణ్డాఖిలభఞ్జనాయ హైయఙ్గవీనాశనరఞ్జనాయ ।
గోస్వాదుదుగ్ధామృతపోషితాయ నమోఽస్తు గోపీజనవల్లభాయ ॥ ౪ ॥
కలిన్దజాకూలకుతూహలాయ కిశోరరూపాయ మనోహరాయ ।
పిశఙ్గవస్త్రాయ నరోత్తమాయ నమోఽస్తు గోపీజనవల్లభాయ ॥ ౫ ॥
ధరాధరాభాయ ధరాధరాయ శృఙ్గారహారావలిశోభితాయ ।
సమస్తగర్గోక్తిసులక్షణాయ నమోఽస్తు గోపీజనవల్లభాయ ॥ ౬ ॥
ఇభేన్ద్రకుమ్భస్థలఖణ్డనాయ విదేశవృన్దావనమణ్డనాయ ।
హంసాయ కంసాసురమర్దనాయ నమోఽస్తు గోపీజనవల్లభాయ ॥ ౭ ॥
శ్రీదేవకీసూనువిమోక్షణాయ క్షత్తోద్ధవాక్రూరవరప్రదాయ ।
గదారిశఙ్ఖాబ్జచతుర్భుజాయ నమోఽస్తు గోపీజనవల్లభాయ ॥ ౮ ॥
॥ ఇతి శ్రీవల్లభాచార్యవిరచితం శ్రీగోపీజనవల్లభాష్టకం సమ్పూర్ణమ్ ॥
– Chant Stotra in Other Languages –
Sri Gopijana Vallabha Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil