॥ Sri Govindadevashtakam Gujarati Lyrics ॥
॥ શ્રીગોવિન્દદેવાષ્ટકમ્ ॥
જામ્બૂનદોષ્ણીષવિરાજિમુક્તા
માલામણિદ્યોતિશિખણ્ડકસ્ય ।
ભઙ્ગ્યા નૃણાં લોલુપયન્ દૃશઃ શ્રી
ગોવિન્દદેવઃ શરણં મમાસ્તુ ॥ ૧ ॥
કપોલયોઃ કુણ્ડલલાસ્યહાસ્ય-
ચ્છવિચ્છિટાચુમ્બિતયોર્યુગેન ।
સંમોહયન્ સમ્ભજતાં ધિયઃ શ્રી
ગોવિન્દદેવઃ શરણં મમાસ્તુ ॥ ૨ ॥
સ્વપ્રેયસીલોચનકોણશીધુ
પ્રાપ્ત્યૈ પુરોવર્તિ જનેક્ષણેન ।
ભાવં કમપ્યુદ્ગમયન્ બુધાનાં
ગોવિન્દદેવઃ શરણં મમાસ્તુ ॥ ૩ ॥
વામપ્રગણ્ડાર્પિતગણ્ડભાસ્વત્
તાટઙ્કલોલાલકકાન્તિસિક્તૈઃ ।
ભ્રૂવલ્ગનૈરુન્મદયન્ કુલસ્ત્રી-
ર્ગોવિન્દદેવઃ શરણં મમાસ્તુ ॥ ૪ ॥
દૂરે સ્થિતાસ્તા મુરલીનિનાદૈઃ
સ્વસૌરભૈર્મુદ્રિતકર્ણપાલીઃ ।
નાસારુધો હૃદ્ગત એવ કર્ષન્
ગોવિન્દદેવઃ શરણં મમાસ્તુ ॥ ૫ ॥
નવીનલાવણ્યભરૈઃ ક્ષિતૌ શ્રી
રૂપાનુરાગામ્બુનિધિપ્રકાશૈઃ ।
સતશ્ચમત્કારવતઃ પ્રકુર્વન્
ગોવિન્દદેવઃ શરણં મમાસ્તુ ॥ ૬ ॥
કલ્પદ્રુમાધોમણિમન્દિરાન્તઃ
શ્રીયોગપીઠામ્બુરુહાસ્યયા સ્વમ્ ।
ઉપાસયંસ્તત્રવિદોઽપિ મન્ત્રૈ-
ર્ગોવિન્દદેવઃ શરણં મમાસ્તુ ॥ ૭ ॥
મહાભિષેકક્ષણસર્વવાસોઽ
લઙ્કૃત્યઙ્ગીકરણોચ્છલન્ત્યા ।
સર્વાઙ્ગભાસાકુલયંસ્ત્રિલોકીં
ગોવિન્દદેવઃ શરણં મમાસ્તુ ॥ ૮ ॥
ગોવિન્દદેવાષ્ટકમેતદુચ્ચૈઃ
પઠેત્તદીયાઙ્ઘ્રિનિવિષ્ટવીર્યઃ ।
તં મજ્જયન્નેવ કૃપાપ્રવાહૈ-
ર્ગોવિન્દદેવઃ શરણં મમાસ્તુ ॥ ૯ ॥
ઇતિ શ્રીવિશ્વનાથચક્રવર્તિઠક્કુરવિરચિતસ્તવામૃતલહર્યાં
શ્રીગોવિન્દદેવાષ્ટકં સમ્પૂર્ણમ્ ।
– Chant Stotra in Other Languages –
Sri Vishnu Slokam » Sri Govinda Deva Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil