॥ Sri Govindadevashtakam Telugu Lyrics ॥
॥ శ్రీగోవిన్దదేవాష్టకమ్ ॥
జామ్బూనదోష్ణీషవిరాజిముక్తా
మాలామణిద్యోతిశిఖణ్డకస్య ।
భఙ్గ్యా నృణాం లోలుపయన్ దృశః శ్రీ
గోవిన్దదేవః శరణం మమాస్తు ॥ ౧ ॥
కపోలయోః కుణ్డలలాస్యహాస్య-
చ్ఛవిచ్ఛిటాచుమ్బితయోర్యుగేన ।
సంమోహయన్ సమ్భజతాం ధియః శ్రీ
గోవిన్దదేవః శరణం మమాస్తు ॥ ౨ ॥
స్వప్రేయసీలోచనకోణశీధు
ప్రాప్త్యై పురోవర్తి జనేక్షణేన ।
భావం కమప్యుద్గమయన్ బుధానాం
గోవిన్దదేవః శరణం మమాస్తు ॥ ౩ ॥
వామప్రగణ్డార్పితగణ్డభాస్వత్
తాటఙ్కలోలాలకకాన్తిసిక్తైః ।
భ్రూవల్గనైరున్మదయన్ కులస్త్రీ-
ర్గోవిన్దదేవః శరణం మమాస్తు ॥ ౪ ॥
దూరే స్థితాస్తా మురలీనినాదైః
స్వసౌరభైర్ముద్రితకర్ణపాలీః ।
నాసారుధో హృద్గత ఏవ కర్షన్
గోవిన్దదేవః శరణం మమాస్తు ॥ ౫ ॥
నవీనలావణ్యభరైః క్షితౌ శ్రీ
రూపానురాగామ్బునిధిప్రకాశైః ।
సతశ్చమత్కారవతః ప్రకుర్వన్
గోవిన్దదేవః శరణం మమాస్తు ॥ ౬ ॥
కల్పద్రుమాధోమణిమన్దిరాన్తః
శ్రీయోగపీఠామ్బురుహాస్యయా స్వమ్ ।
ఉపాసయంస్తత్రవిదోఽపి మన్త్రై-
ర్గోవిన్దదేవః శరణం మమాస్తు ॥ ౭ ॥
మహాభిషేకక్షణసర్వవాసోఽ
లఙ్కృత్యఙ్గీకరణోచ్ఛలన్త్యా ।
సర్వాఙ్గభాసాకులయంస్త్రిలోకీం
గోవిన్దదేవః శరణం మమాస్తు ॥ ౮ ॥
గోవిన్దదేవాష్టకమేతదుచ్చైః
పఠేత్తదీయాఙ్ఘ్రినివిష్టవీర్యః ।
తం మజ్జయన్నేవ కృపాప్రవాహై-
ర్గోవిన్దదేవః శరణం మమాస్తు ॥ ౯ ॥
ఇతి శ్రీవిశ్వనాథచక్రవర్తిఠక్కురవిరచితస్తవామృతలహర్యాం
శ్రీగోవిన్దదేవాష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Govinda Deva Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil