॥ Sri Govindashtakam Gujarati Lyrics ॥
॥ શ્રીગોવિન્દાષ્ટકં ॥
સત્યં જ્ઞાનમનન્તં નિત્યમનાકાશં પરમાકાશં
ગોષ્ઠપ્રાઙ્ગણરિઙ્ખણલોલમનાયાસં પરમાયાસમ્ ।
માયાકલ્પિતનાનાકારમનાકારં ભુવનાકારં
ક્ષ્માયા નાથમનાથં પ્રણમત ગોવિન્દં પરમાનન્દમ્ ॥ ૧ ॥
મૃત્સ્નામત્સીહેતિ યશોદાતાડનશૈશવ સન્ત્રાસં
વ્યદિતવક્ત્રાલોકિતલોકાલોકચતુર્દશલોકાલિમ્ ।
લોકત્રયપુરમૂલસ્તમ્ભં લોકાલોકમનાલોકં
લોકેશં પરમેશં પ્રણમત ગોવિન્દં પરમાનન્દમ્ ॥ ૨ ॥
ત્રૈવિષ્ટપરિપુવીરઘ્નં ક્ષિતિભારઘ્નં ભવરોગઘ્નં
કૈવલ્યં નવનીતાહારમનાહારં ભુવનાહારમ્ ।
વૈમલ્યસ્ફુટચેતોવૃત્તિવિશેષાભાસમનાભાસં
શૈવં કેવલશાન્તં પ્રણમત ગોવિન્દં પરમાનન્દમ્ ॥ ૩ ॥
ગોપાલં પ્રભુલીલાવિગ્રહગોપાલં કુલગોપાલં
ગોપીખેલનગોવર્ધનધૃતિલીલાલાલિતગોપાલમ્ ।
ગોભિર્નિગદિત ગોવિન્દસ્ફુતનામાનં બહુનામાનં
ગોપીગોચરપથિકં પ્રણમત ગોવિન્દં પરમાનન્દમ્ ॥ ૪ ॥
ગોપીમણ્ડલગોષ્ઠિભેદં ભેદાવસ્થમભેદાભં
શશ્વદ્ગોખુરનિર્ઘૂતોદ્ધતધૂલીધૂસરસૌભાગ્યમ્ ।
શ્રદ્ધાભક્તિગૃહીતાનન્દમચિન્ત્યં ચિન્તિતસદ્ભાવં
ચિન્તામણિમહિમાનં પ્રણમત ગોવિન્દં પરમાનન્દમ્ ॥ ૫ ॥
સ્નાનવ્યાકુલયોશિદ્વસ્ત્રમુપાદાયાગમુપારૂઢં
વ્યદિત્સન્તિરથ દિગ્વસ્ત્રા હ્યુપુદાતુમુપાકર્ષન્તમ્ ।
નિર્ધૂતદ્વયશોકવિમોહં બુદ્ધં બુદ્ધેરન્તસ્થં
સત્તામાત્રશરીરં પ્રણમત ગોવિન્દં પરમાનન્દમ્ ॥ ૬ ॥
કાન્તં કારણકારણમાદિમનાદિં કાલમનાભાસં
કાલિન્દીગતકાલિયશિરસિ મુહુર્નૃત્યન્તં નૃત્યન્તમ્ ।
કાલં કાલકલાતીતં કલિતાશેષં કલિદોષઘ્નં
કાલત્રયગતિહેતું પ્રણમત ગોવિન્દં પરમાનન્દમ્ ॥ ૭ ॥
વૃન્દાવનભુવિ વૃન્દારકગણવૃન્દારાધ્યં વન્દેઽહં
કુન્દાભામલમન્દસ્મેરસુધાનન્દં સુહૃદાનન્દમ્ ।
વન્દ્યાશેષમહામુનિમાનસવન્દ્યાનન્દપદદ્વન્દ્વં
વન્દ્યાશેષગુણાબ્ધિં પ્રણમત ગોવિન્દં પરમાનન્દમ્ ॥ ૮ ॥
ગોવિન્દાષ્ટકમેતદધીતે ગોવિન્દાર્પિતચેતા યો
ગોવિન્દાચ્યુત માધવ વિષ્ણો ગોકુલનાયક કૃષ્ણેતિ ।
ગોવિન્દાઙ્ઘ્રિસરોજધ્યાનસુધાજલધૌતસમસ્તાઘો
ગોવિન્દં પરમાનન્દામૃતમન્તઃસ્થં સ તમભ્યેતિ ॥
॥ ઇતિ શ્રીમચ્છઙ્કરાચાર્યવિરચિતં શ્રીગોવિન્દાષ્ટકં સમ્પૂર્ણમ્ ॥
– Chant Stotra in Other Languages –
Sri Venkateswara Swamy Slokam » Sri Govindashtakam Lyrics in Sanskrit » English » Bengali » Kannada » Malayalam » Odia » Telugu » Tamil