॥ Sri Guru Deva Ashtakam Kannada Lyrics ॥
॥ ಶ್ರೀಗುರುದೇವಾಷ್ಟಕಮ್ ॥
ಸಂಸಾರದಾವಾನಲಲೀಢಲೋಕ
ತ್ರಾಣಾಯ ಕಾರುಣ್ಯಘನಾಘನತ್ವಮ್ ।
ಪ್ರಾಪ್ತಸ್ಯ ಕಲ್ಯಾಣಗುಣಾರ್ಣವಸ್ಯ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 1 ॥
ಮಹಾಪ್ರಭೋಃ ಕೀರ್ತನನೃತ್ಯಗೀತ
ವಾದಿತ್ರಮದ್ಯನ್ಮನಸೋ ರಸೇನ ।
ರೋಮಾಂಚಕಮ್ಪಾಶ್ರುತರಂಗಭಾಜೋ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 2 ॥
ಶ್ರೀವಿಗ್ರಹಾರಾಧನನಿತ್ಯನಾನಾ
ಶೃಂಗಾರತನ್ಮನ್ದಿರಮಾರ್ಜನಾದೌ ।
ಯುಕ್ತಸ್ಯ ಭಕ್ತಾಂಶ್ಚ ನಿಯುಂಜತೋಽಪಿ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 3 ॥
ಚತುರ್ವಿಧಶ್ರೀಭಗವತ್ಪ್ರಸಾದ
ಸ್ವಾದ್ವನ್ನತೃಪ್ತಾನ್ ಹರಿಭಕ್ತಸಂಘಾನ್ ।
ಕೃತ್ವೈವ ತೃಪ್ತಿಂ ಭಜತಃ ಸದೈವ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 4 ॥
ಶ್ರೀರಾಧಿಕಾಮಾಧವಯೋರಪಾರ
ಮಾಧುರ್ಯಲೀಲಾಗುಣರೂಪನಾಮ್ನಾಮ್ ।
ಪ್ರತಿಕ್ಷಣಾಸ್ವಾದನಲೋಲುಪಸ್ಯ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 5 ॥
ನಿಕುಂಜಯೂನೋ ರತಿಕೇಲಿಸಿದ್ಧ್ಯೈ
ಯಾ ಯಾಲಿಭಿರ್ಯುಕ್ತಿರಪೇಕ್ಷಣೀಯಾ ।
ತತ್ರಾತಿದಾಕ್ಷ್ಯಾದತಿವಲ್ಲಭಸ್ಯ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 6 ॥
ಸಾಕ್ಷಾದ್ಧರಿತ್ವೇನ ಸಮಸ್ತಶಾಸ್ತ್ರೈ-
ರುಕ್ತಸ್ತಥಾ ಭಾವ್ಯತ ಏವ ಸದ್ಭಿಃ ।
ಕಿನ್ತೋ ಪ್ರಭೋರ್ಯಃ ಪ್ರಿಯ ಏವ ತಸ್ಯ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 7 ॥
ಯಸ್ಯ ಪ್ರಸಾದಾದ್ಭಗವತ್ಪ್ರಸಾದೋ
ಯಸ್ಯಾಪ್ರಸಾದಾನ್ ನ ಗತಿಃ ಕುತೋಽಪಿ ।
ಧ್ಯಾಯನ್ ಸ್ತುವಂಸ್ತಸ್ಯ ಯಶಸ್ತ್ರಿಸನ್ಧ್ಯಂ
ವನ್ದೇ ಗುರೋಃ ಶ್ರೀಚರಣಾರವಿನ್ದಮ್ ॥ 8 ॥
ಶ್ರೀಮದ್ಗುರೋರಷ್ಟಕಮೇತದುಚ್ಚೈ-
ರ್ಬ್ರಾಹ್ಮೇ ಮುಹೂರ್ತೇ ಪಠತಿ ಪ್ರಯತ್ನಾತ್ ।
ಯಸ್ತೇನ ವೃನ್ದಾವನನಾಥ ಸಾಕ್ಷಾತ್
ಸೇವೈವ ಲಭ್ಯಾ ಜುಷಣೋಽನ್ತ ಏವ ॥ 9 ॥
– Chant Stotra in Other Languages –
Sri Guru Slokam » Sri Gurudevashtakam Lyrics in Sanskrit » English » Bengali » Gujarati » Malayalam » Odia » Telugu » Tamil