॥ Sri Hanumada Ashtottara Shatanama Stotram 3 Bengali Lyrics ॥
॥ হনুমদষ্টোত্তরশতনামস্তোত্রম্ ৩ ॥
(ব্রহ্মবৈবর্তে ঘটিকাচলমাহাত্ম্যতঃ)
অতিপাটলবক্ত্রাব্জং ধৃতহেমাদ্রিবিগ্রহম্ ।
আঞ্জনেয়ং শঙ্খচক্রপাণিং চেতসি ধীমহি ॥ ১ ॥
পারিজাতপ্রিয়ো য়োগী হনূমান্ নৃহরিপ্রিয়ঃ ।
প্লবগেন্দ্রঃ পিঙ্গলাক্ষঃ শীঘ্রগামী দৃঢব্রতঃ ॥ ২ ॥
শঙ্খচক্রবরাভীতিপাণিরানন্দদায়কঃ ।
স্থায়ী বিক্রমসম্পন্নো রামদূতো মহায়শাঃ ॥ ৩ ॥
সৌমিত্রিজীবনকরো লঙ্কাবিক্ষোভকারকঃ ।
উদধিক্রমণঃ সীতাশোকহেতুহরো হরিঃ ॥ ৪ ॥
বলী রাক্ষসসংহর্তা দশকণ্ঠমদাপহঃ ।
বুদ্ধিমান্ নৈরৃতবধূকণ্ঠসূত্রবিদারকঃ ॥
সুগ্রীবসচিবো ভীমো ভীমসেনসহোদরঃ ।
সাবিত্রবিদ্যাসংসেবী চরিতার্থো মহোদয়ঃ ॥ ৬ ॥
বাসবাভীষ্টদো ভব্যো হেমশৈলনিবাসবান্ ।
কিংশুকাভোঽগ্রয়তনূ ঋজুরোমা মহামতিঃ ॥ ৭ ॥
মহাক্রমো বনচরঃ স্থিরবুদ্ধিরভীশুমান্ ।
সিংহিকাগর্ভনির্ভেত্তা ভেত্তা লঙ্কানিবাসিনাম্ ॥ ৮ ॥
অক্ষশত্রুবিনিঘ্নশ্চ রক্ষোঽমাত্যভয়াবহঃ ।
বীরহা মৃদুহস্তশ্চ পদ্মপাণির্জটাধরঃ ॥ ৯ ॥
সর্বপ্রিয়ঃ সর্বকামপ্রদঃ প্রাংশুমুখশ্শুচিঃ ।
বিশুদ্ধাত্মা বিজ্বরশ্চ সটাবান্ পাটলাধরঃ ॥ ১০ ॥
ভরতপ্রেমজনকশ্চীরবাসা মহোক্ষধৃক্ ।
মহাস্ত্রবন্ধনসহো ব্রহ্মচারী য়তীশ্বরঃ ॥ ১১ ॥
মহৌষধোপহর্তা চ বৃষপর্বা বৃষোদরঃ ।
সূর্যোপলালিতঃ স্বামী পারিজাতাবতংসকঃ ॥ ১২ ॥
সর্বপ্রাণধরোঽনন্তঃ সর্বভূতাদিগো মনুঃ ।
রৌদ্রাকৃতির্ভীমকর্মা ভীমাক্ষো ভীমদর্শনঃ ॥ ১৩ ॥
সুদর্শনকরোঽব্যক্তো ব্যক্তাস্যো দুন্দুভিস্বনঃ ।
সুবেলচারী মৈনাকহর্ষদো হর্ষণপ্রিয়ঃ ॥ ১৪ ॥
সুলভঃ সুব্রতো য়োগী য়োগিসেব্যো ভয়াপহঃ ।
বালাগ্নিমথিতানেকলঙ্কাবাসিগৃহোচ্চয়ঃ ॥ ১৫ ॥
বর্ধনো বর্ধমানশ্চ রোচিষ্ণূ রোমশো মহান্ ।
মহাদংষ্ট্রো মহাশূরঃ সদ্গতিঃ সত্পরায়ণঃ ॥
সৌম্যদর্শী সৌম্যবেষো হেময়জ্ঞোপবীতিমান্ ।
মৌঞ্জীকৃষ্ণাজিনধরো মন্ত্রজ্ঞো মন্ত্রসারথিঃ ।
জিতারাতিঃ ষডূর্মিশ্চ সর্বপ্রিয়হিতে রতঃ ॥ ১৭ ॥
এতৈর্নামপদৈর্দিব্যৈর্যঃ স্তৌতি তব সন্নিধৌ ।
হনুমংস্তস্য কিং নাম নো ভবেদ্ভক্তিশালিনঃ ॥ ১৮ ॥
প্রণবং চ পুরস্কৃত্য চতুর্থ্যন্তৈর্নমোঽন্তকৈঃ ।
এতৈর্নামভিরব্যগ্রৈরুচ্যতে হনুমান্ ভবান্ ॥ ১৯ ॥
ঋণরোগাদিদারিদ্র্যপাপক্ষুদপমৃত্যবঃ ।
বিনশ্যন্তি হনুমংস্তে নামসঙ্কীর্তনক্ষণে ॥ ২০ ॥
ভগবন্ হনুমন্ নিত্যং রাজবশ্যং তথৈব চ ।
লক্ষ্মীবশ্যং চ শ্রীবশ্যমারোগ্যং দীর্ঘমায়ুষম্ ॥ ২১ ॥
প্রাধান্যং সকলানাং চ জ্ঞাতিপ্রাধান্যমেব চ ।
বীর্যং তেজশ্চ ভক্তানাং প্রয়চ্ছসি মহামতে ॥ ২২ ॥
(ব্রহ্মবৈবর্তে ঘটিকাচলমাহাত্ম্যতঃ)
(ঘটিকাচলে শঙ্খচক্রধরো হনুমান্)
– Chant Stotra in Other Languages –
Sri Hanuman Slokam » Sri Hanumada Ashtottara Shatanama Stotram 3 Lyrics in Sanskrit » English » Gujarati » Kannada » Malayalam » Odia » Telugu » Tamil