॥ Sri Hanumada Ashtottara Shatanama Stotram 3 Odia Lyrics ॥
॥ ହନୁମଦଷ୍ଟୋତ୍ତରଶତନାମସ୍ତୋତ୍ରମ୍ ୩ ॥
(ବ୍ରହ୍ମଵୈଵର୍ତେ ଘଟିକାଚଲମାହାତ୍ମ୍ୟତଃ)
ଅତିପାଟଲଵକ୍ତ୍ରାବ୍ଜଂ ଧୃତହେମାଦ୍ରିଵିଗ୍ରହମ୍ ।
ଆଞ୍ଜନେୟଂ ଶଙ୍ଖଚକ୍ରପାଣିଂ ଚେତସି ଧୀମହି ॥ ୧ ॥
ପାରିଜାତପ୍ରିୟୋ ୟୋଗୀ ହନୂମାନ୍ ନୃହରିପ୍ରିୟଃ ।
ପ୍ଲଵଗେନ୍ଦ୍ରଃ ପିଙ୍ଗଲାକ୍ଷଃ ଶୀଘ୍ରଗାମୀ ଦୃଢଵ୍ରତଃ ॥ ୨ ॥
ଶଙ୍ଖଚକ୍ରଵରାଭୀତିପାଣିରାନନ୍ଦଦାୟକଃ ।
ସ୍ଥାୟୀ ଵିକ୍ରମସମ୍ପନ୍ନୋ ରାମଦୂତୋ ମହାୟଶାଃ ॥ ୩ ॥
ସୌମିତ୍ରିଜୀଵନକରୋ ଲଙ୍କାଵିକ୍ଷୋଭକାରକଃ ।
ଉଦଧିକ୍ରମଣଃ ସୀତାଶୋକହେତୁହରୋ ହରିଃ ॥ ୪ ॥
ବଲୀ ରାକ୍ଷସସଂହର୍ତା ଦଶକଣ୍ଠମଦାପହଃ ।
ବୁଦ୍ଧିମାନ୍ ନୈରୃତଵଧୂକଣ୍ଠସୂତ୍ରଵିଦାରକଃ ॥
ସୁଗ୍ରୀଵସଚିଵୋ ଭୀମୋ ଭୀମସେନସହୋଦରଃ ।
ସାଵିତ୍ରଵିଦ୍ୟାସଂସେଵୀ ଚରିତାର୍ଥୋ ମହୋଦୟଃ ॥ ୬ ॥
ଵାସଵାଭୀଷ୍ଟଦୋ ଭଵ୍ୟୋ ହେମଶୈଲନିଵାସଵାନ୍ ।
କିଂଶୁକାଭୋଽଗ୍ରୟତନୂ ଋଜୁରୋମା ମହାମତିଃ ॥ ୭ ॥
ମହାକ୍ରମୋ ଵନଚରଃ ସ୍ଥିରବୁଦ୍ଧିରଭୀଶୁମାନ୍ ।
ସିଂହିକାଗର୍ଭନିର୍ଭେତ୍ତା ଭେତ୍ତା ଲଙ୍କାନିଵାସିନାମ୍ ॥ ୮ ॥
ଅକ୍ଷଶତ୍ରୁଵିନିଘ୍ନଶ୍ଚ ରକ୍ଷୋଽମାତ୍ୟଭୟାଵହଃ ।
ଵୀରହା ମୃଦୁହସ୍ତଶ୍ଚ ପଦ୍ମପାଣିର୍ଜଟାଧରଃ ॥ ୯ ॥
ସର୍ଵପ୍ରିୟଃ ସର୍ଵକାମପ୍ରଦଃ ପ୍ରାଂଶୁମୁଖଶ୍ଶୁଚିଃ ।
ଵିଶୁଦ୍ଧାତ୍ମା ଵିଜ୍ଵରଶ୍ଚ ସଟାଵାନ୍ ପାଟଲାଧରଃ ॥ ୧୦ ॥
ଭରତପ୍ରେମଜନକଶ୍ଚୀରଵାସା ମହୋକ୍ଷଧୃକ୍ ।
ମହାସ୍ତ୍ରବନ୍ଧନସହୋ ବ୍ରହ୍ମଚାରୀ ୟତୀଶ୍ଵରଃ ॥ ୧୧ ॥
ମହୌଷଧୋପହର୍ତା ଚ ଵୃଷପର୍ଵା ଵୃଷୋଦରଃ ।
ସୂର୍ୟୋପଲାଲିତଃ ସ୍ଵାମୀ ପାରିଜାତାଵତଂସକଃ ॥ ୧୨ ॥
ସର୍ଵପ୍ରାଣଧରୋଽନନ୍ତଃ ସର୍ଵଭୂତାଦିଗୋ ମନୁଃ ।
ରୌଦ୍ରାକୃତିର୍ଭୀମକର୍ମା ଭୀମାକ୍ଷୋ ଭୀମଦର୍ଶନଃ ॥ ୧୩ ॥
ସୁଦର୍ଶନକରୋଽଵ୍ୟକ୍ତୋ ଵ୍ୟକ୍ତାସ୍ୟୋ ଦୁନ୍ଦୁଭିସ୍ଵନଃ ।
ସୁଵେଲଚାରୀ ମୈନାକହର୍ଷଦୋ ହର୍ଷଣପ୍ରିୟଃ ॥ ୧୪ ॥
ସୁଲଭଃ ସୁଵ୍ରତୋ ୟୋଗୀ ୟୋଗିସେଵ୍ୟୋ ଭୟାପହଃ ।
ଵାଲାଗ୍ନିମଥିତାନେକଲଙ୍କାଵାସିଗୃହୋଚ୍ଚୟଃ ॥ ୧୫ ॥
ଵର୍ଧନୋ ଵର୍ଧମାନଶ୍ଚ ରୋଚିଷ୍ଣୂ ରୋମଶୋ ମହାନ୍ ।
ମହାଦଂଷ୍ଟ୍ରୋ ମହାଶୂରଃ ସଦ୍ଗତିଃ ସତ୍ପରାୟଣଃ ॥
ସୌମ୍ୟଦର୍ଶୀ ସୌମ୍ୟଵେଷୋ ହେମୟଜ୍ଞୋପଵୀତିମାନ୍ ।
ମୌଞ୍ଜୀକୃଷ୍ଣାଜିନଧରୋ ମନ୍ତ୍ରଜ୍ଞୋ ମନ୍ତ୍ରସାରଥିଃ ।
ଜିତାରାତିଃ ଷଡୂର୍ମିଶ୍ଚ ସର୍ଵପ୍ରିୟହିତେ ରତଃ ॥ ୧୭ ॥
ଏତୈର୍ନାମପଦୈର୍ଦିଵ୍ୟୈର୍ୟଃ ସ୍ତୌତି ତଵ ସନ୍ନିଧୌ ।
ହନୁମଂସ୍ତସ୍ୟ କିଂ ନାମ ନୋ ଭଵେଦ୍ଭକ୍ତିଶାଲିନଃ ॥ ୧୮ ॥
ପ୍ରଣଵଂ ଚ ପୁରସ୍କୃତ୍ୟ ଚତୁର୍ଥ୍ୟନ୍ତୈର୍ନମୋଽନ୍ତକୈଃ ।
ଏତୈର୍ନାମଭିରଵ୍ୟଗ୍ରୈରୁଚ୍ୟତେ ହନୁମାନ୍ ଭଵାନ୍ ॥ ୧୯ ॥
ଋଣରୋଗାଦିଦାରିଦ୍ର୍ୟପାପକ୍ଷୁଦପମୃତ୍ୟଵଃ ।
ଵିନଶ୍ୟନ୍ତି ହନୁମଂସ୍ତେ ନାମସଙ୍କୀର୍ତନକ୍ଷଣେ ॥ ୨୦ ॥
ଭଗଵନ୍ ହନୁମନ୍ ନିତ୍ୟଂ ରାଜଵଶ୍ୟଂ ତଥୈଵ ଚ ।
ଲକ୍ଷ୍ମୀଵଶ୍ୟଂ ଚ ଶ୍ରୀଵଶ୍ୟମାରୋଗ୍ୟଂ ଦୀର୍ଘମାୟୁଷମ୍ ॥ ୨୧ ॥
ପ୍ରାଧାନ୍ୟଂ ସକଲାନାଂ ଚ ଜ୍ଞାତିପ୍ରାଧାନ୍ୟମେଵ ଚ ।
ଵୀର୍ୟଂ ତେଜଶ୍ଚ ଭକ୍ତାନାଂ ପ୍ରୟଚ୍ଛସି ମହାମତେ ॥ ୨୨ ॥
(ବ୍ରହ୍ମଵୈଵର୍ତେ ଘଟିକାଚଲମାହାତ୍ମ୍ୟତଃ)
(ଘଟିକାଚଲେ ଶଙ୍ଖଚକ୍ରଧରୋ ହନୁମାନ୍)
– Chant Stotra in Other Languages –
Sri Hanuman Slokam » Sri Hanumada Ashtottara Shatanama Stotram 3 Lyrics in Sanskrit » English » Bengali » Gujarati » Kannada » Malayalam » Telugu » Tamil