॥ Sri Hari Ashtakam Telugu Lyrics ॥
॥ శ్రీహర్యష్టకమ్ ॥
ప్రహ్లాదకృతమ్
హరిర్హరతి పాపాని దుష్టచిత్తైరపి స్మృతః ।
అనిచ్ఛయాఽపి సంస్పృష్టో దహత్యేవ హి పావకః ॥ ౧ ॥
స గఙ్గా స గయా సేతుః స కాశీ స చ పుష్కరమ్ ।
జిహ్వాగ్రే వర్తతే యస్య హరిరిత్యక్షరద్వయమ్ ॥ ౨ ॥
వారాణస్యాం కురుక్షేత్రే నైమిశారణ్య ఏవ చ ।
యత్కృతం తేన యేనోక్తం హరిరిత్యక్షరద్వయమ్ ॥ ౩ ॥
పృథివ్యాం యాని తీర్థాని పుణ్యాన్యాయతనాని చ ।
తాని సర్వాణ్యశేషాణి హరిరిత్యక్షరద్వయమ్ ॥ ౪ ॥
గవాం కోటిసహస్రాణి హేమకన్యాసహస్రకమ్ ।
దత్తం స్యాత్తేన యేనోక్తం హరిరిత్యక్షరద్వయమ్ ॥ ౫ ॥
ఋగ్వేదోఽథ యజుర్వేదః సామవేదోఽప్యథర్వణః ।
అధీతస్తేన యేనోక్తం హరిరిత్యక్షరద్వయమ్ ॥ ౬ ॥
అశ్వమేధైర్మహాయజ్ఞైర్నరమేధైస్తథైవ చ ।
ఇష్టం స్యాత్తేన యేనోక్తం హరిరిత్యక్షరద్వయమ్ ॥ ౭ ॥
ప్రాణః ప్రయాణపాథేయం సంసారవ్యాధినాశనమ్ ।
దుఃఖాత్యన్తపరిత్రాణం హరిరిత్యక్షరద్వయమ్ ॥ ౮ ॥
బద్ధః పరికరస్తేన మోక్షాయ గమనం ప్రతి ।
సకృదుచ్చారితం యేన హరిరిత్యక్షరద్వయమ్ ॥ ౯ ॥
హర్యష్టకమిదం పుణ్యం ప్రాతరుత్థాయ యః పఠేత్ ।
ఆయుష్యం బలమారోగ్యం యశో వృద్ధిశ్శ్రియావహమ్ ॥ ౧౦ ॥
ప్రహ్లాదేన కృతం స్తోత్రం దుఃఖసాగరశోషణమ్ ।
యః పఠేత్స నరో యాతి తద్విష్ణోః పరమం పదమ్ ॥ ౧౧ ॥
ఇతి ప్రహ్లాదకృతం శ్రీహర్యష్టకం సమ్పూర్ణమ్ ।
– Chant Stotra in Other Languages –
Sri Vishnu Slokam » Sri Hari Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil