॥ Hari Dhanya Ashtakam Telugu Lyrics ॥
॥ శ్రీహరిధ్యానాష్టకమ్ ॥
వన్దే కాన్తతనుం ప్రశాన్తవదనం వన్దే సుచక్రేక్షణం
వన్దే మేఘనిభం మహామ్బుజకరం వన్దే పదాలక్తకమ్ ।
వన్దే కోటిరవిద్యుతిధృతిహరం వన్దే సువర్ణాన్వితం
వన్దే నీలకలేవరం స్మితహసం వన్దే సదా శ్రీహరిమ్ ॥ ౧ ॥
వన్దే శ్రోణితటే సుపీతవసనం వన్దే మహాకౌస్తుభం
వన్దే శీర్షపటే సురమ్యముకుటం వన్దే లసన్మౌక్తికమ్ ।
వన్దే కఙ్కణరాజితం కరయుగే వన్దేతిభూషోజ్జ్వలం
వన్దే సున్దరభాలభాగతిలకం వన్దే సదా శ్రీహరిమ్ ॥ ౨ ॥
వన్దే చక్రకరం కరే కమలినం వన్దే గదాధారిణం
వన్దే శఙ్ఖధరం స్యమన్తకకరం వన్దే విలాసాలయమ్ ।
వన్దే సాగరకన్యకాపతిమణిం వన్దే జగత్స్వామినం
వన్దే సత్త్వమయం విహఙ్గగమనం వన్దే సదా శ్రీహరిమ్ ॥ ౩ ॥
వన్దే విశ్వపతిం సురేశ్వరపతిం వన్దే ధరిత్రీపతిం
వన్దే లోకపతిం సుదర్శనపతిం వన్దేమరాణాం పతిమ్ ।
వన్దే శఙ్ఖపతిం గదావరపతిం వన్దే గ్రహాణాం పతిం
వన్దే తార్క్షపతిం చతుర్యుగపతిం వన్దే సదా శ్రీహరిమ్ ॥ ౪ ॥
వన్దే బ్రహ్మపతిం మహేశ్వరపతిం వన్దేఖిలానాం పతిం
వన్దే శార్ఙ్గపతిం వికర్త్తనపతిం వన్దే ప్రజానాం పతిమ్ ।
వన్దే యజ్ఞపతిం చ కౌస్తుభపతిం వన్దే మునీనాం పతిం
వన్దే భక్తపతిం భవార్ణవపతిం వన్దే సదా శ్రీహరిమ్ ॥ ౫ ॥
వన్దే సర్వగుణేశ్వరం సురవరం వన్దే త్రిలోకీశ్వరం
వన్దే పాపవిఘాతకం రిపుహరం వన్దే శుభాయత్తనమ్ ।
వన్దే సాధుపతిం చరాచరపతిం వన్దే జనానాం పతిం
వన్దే గోలకధామనాథమనిశం వన్దే సదా శ్రీహరిమ్ ॥ ౬ ॥
వన్దే శ్రీజగదీశ్వరం క్షితిధరం వన్దే చ ధర్మద్రుమం
వన్దే దైత్యనిసూదనం కలిహరం వన్దే కృపాకారకమ్ ।
వన్దే కాలకరాలదణ్డదహకం వన్దే సుముక్తిప్రదం
వన్దే సర్వసుఖాస్పదం సురగురుం వన్దే సదా శ్రీహరిమ్ ॥ ౭ ॥
వన్దే న్యాయయశోధిపం దురితహం వన్దే దయాదాయకం
వన్దే జన్మహరం కునీతిదమనం వన్దే సుకామప్రదమ్ ।
వన్దే భక్తవినోదనం మునినుతం వన్దే ప్రజారఞ్జకం
వన్దేస్నాథపతిం దరిద్రనృపతిం వన్దే సదా శ్రీహరిమ్ ॥ ౮ ॥
ఇతి శ్రీవ్రజకిశోరవిరచితం శ్రీహరిధ్యానాష్టకం సమ్పూర్ణమ్ ।
(నిద్రాభఙ్గసమయే లిఖితమ్)
– Chant Stotra in Other Languages –
Sri Vishnu Slokam » Sri Hari Dhyanashtakam Lyrics in Sanskrit » English » Bengali » Gujarati » Kannada » Malayalam » Odia » Tamil