॥ Sri Jagdamba Stuti Gujarati Lyrics ॥
॥ શ્રીજગદમ્બા સ્તુતિઃ ॥
નમોઽસ્તુ તે ભગવતિ પાપનાશિનિ
નમોઽસ્તુ તે સુરરિપુદર્પશાતનિ ।
નમોઽસ્તુ તે હરિહરરાજ્યદાયિનિ
નમોઽસ્તુ તે મખભુજકાર્યકારિણિ ॥ ૧ ॥
નમોઽસ્તુ તે ત્રિદશરિપુક્ષયઙ્કરિ
નમોઽસ્તુ તે શતમખપાદપૂજિતે ।
નમોઽસ્તુ તે મહિષવિનાશકારિણિ
નમોઽસ્તુ તે હરિહરભાસ્કરસ્તુતે ॥ ૨ ॥
નમોઽસ્તુ તેઽષ્ટાદશબાહુશાલિનિ
નમોઽસ્તુ તે શુમ્ભનિશુમ્ભઘાતિનિ ।
નમોઽસ્તુ લોકાર્ત્તિહરે ત્રિશૂલિનિ
નમોઽસ્તુ નારાયણિ ચક્રધારિણિ ॥ ૩ ॥
નમોઽસ્તુ વારાહિ સદા ધરાધરે
ત્વાં નારસિંહિ પ્રણતા નમોઽસ્તુ તે ।
નમોઽસ્તુ તે વજ્રધરે ગજધ્વજે
નમોઽસ્તુ કૌમારિ મયૂરવાહિનિ ॥ ૪ ॥
નમોઽસ્તુ પૈતામહહંસવાહને
નમોઽસ્તુ માલાવિકટે સુકેશિનિ ।
નમોઽસ્તુ તે રાસભપૃષ્ઠવાહિનિ
નમોઽસ્તુ સર્વાર્તિહરે જગન્મયે ॥ ૫ ॥
નમોઽસ્તુ વિશ્વેશ્વરિ પાહિ વિશ્વં
નિષૂદયારીન્ દ્વિજદેવતાનામ્ ।
નમોઽસ્તુ તે સર્વમયિ ત્રિનેત્રે
નમો નમસ્તે વરદે પ્રસીદ ॥ ૬ ॥
બ્રહ્માણી ત્વં મૃડાની વરશિખિ-
ગમના શક્તિહસ્તા કુમારી
વારાહી ત્વં સુવક્ત્રા ખગપતિ-
ગમના વૈષ્ણવી ત્વં સશાર્ઙ્ગી ॥ ૭ ॥
દુર્દૃશ્યા નારસિંહી ઘુરઘુરિ-
તરવા ત્વં તથૈન્દ્રી સવજ્રા
ત્વં મારી ચર્મમુણ્ડા શવગમન-
રતા યોગિની યોગસિદ્ધા ।
નમસ્તે-
ત્રિનેત્રે ભગવતિ તવ ચરણાનુષિતા
યે અહરહર્વિનતશિરસોઽવનતાઃ
નહિ નહિ પરિભવમસ્ત્યશુભં ચ
સ્તુતિબલિકુસુમકરાઃ સતતં યે ॥ ૮ ॥
ઇતિ જગદમ્બા સ્તુતિઃ સમાપ્તા ।
– Chant Stotra in Other Languages –
Sri Durga Slokam » Sri Jagadamba Stutih Lyrics in Sanskrit » English » Bengali » Kannada » Malayalam » Odia » Telugu » Tamil