॥ Sri Jaganmohana Ashtakam Gujarati Lyrics ॥
॥ શ્રીજગન્મોહનાષ્ટકમ્ ॥
શ્રીવિશ્વનાથચક્રવર્તિવિરચિતં
ગુઞ્જાવલીવેષ્ટિતચિત્રપુષ્પચૂડાવલન્મઞ્જુલનવ્યપિચ્છમ્ ।
ગોરોચનાચારુતમાલપત્રં વન્દે જગન્મોહનમિષ્ટદેવમ્ ॥ ૧ ॥
ભ્રૂવલ્ગનોન્માદિતગોપનારીકટાક્ષબાણાવલિવિદ્ધનેત્રમ્ ।
નાસાગ્રરાજન્મણિચારુમુક્તં વન્દે જગન્મોહનમિષ્ટદેવમ્ ॥ ૨ ॥
આલોલવક્રાલકકાન્તિચુમ્બિગણ્ડસ્થલપ્રોન્નતચારહાસ્યમ્ ।
વામપ્રગણ્ડોચ્ચલકુણ્ડલાન્તં વન્દે જગન્મોહનભિષ્ટદેવમ્ ॥ ૩ ॥
બન્ધૂકબિમ્બદ્યુતિનિન્દિકુઞ્ચત્પ્રાન્તાધરભ્રાજિતવેણુવક્ત્રમ્ ।
કિઞ્ચિત્તિરશ્ચીનશિરોધિભાતં વન્દે જગન્મોહનમિષ્ટદેવમ્ ॥ ૪ ॥
અકુણ્ઠરેખાત્રયરાજિકણ્ઠખેલત્સ્વરાલિશ્રુતિરાગરાજિમ્ ।
વક્ષઃસ્ફુરત્કૌસ્તુભમુન્નતાંસં વન્દે જગન્મોહનમિષ્ટદેવમ્ ॥ ૫ ॥
આજાનુરાજદ્વલયાઙ્ગદાઞ્ચિસ્મરાર્ગલાકારસુવૃત્તબાહુમ્ ।
અનર્ઘમુક્તામણિપુષ્પમાલં વન્દે જગન્મોહનમિષ્ટદેવમ્ ॥ ૬ ॥
શ્વાસૈજદશ્વત્થદલાભતુન્દમધ્યસ્થરોમાવલિરમ્યરેખમ્ ।
પીતામ્બરં મઞ્જુલકિઙ્કિણીકં વન્દે જગન્મોહનમિષ્ટદેવમ્ ॥ ૭ ॥
વ્યત્યસ્તપાદં મણિનૂપુરાઢ્યં શ્યામં ત્રિભઙ્ગં સુરશાખિમૂલે ।
શ્રીરાધયા સાર્ધમુદારલીલં વન્દે જગન્મોહનમિષ્ટદેવમ્ ॥ ૮ ॥
શ્રીમજ્જગન્મોહનદેવમેતત્પદ્યાષ્ટકેન સ્મરતો જનસ્ય ।
પ્રેમા ભવેદ્યેન તદઙ્ઘ્રિસાક્ષાત્સેવામૃતેનૈવ નિમજ્જનં સ્યાત્ ॥ ૯ ॥
ઇતિ શ્રીવિશ્વનાથચક્રવર્તિવિરચિતં શ્રીજગન્મોહનાષ્ટકં સમ્પૂર્ણમ્ ।
– Chant Stotra in Other Languages –
Sri Krishna Stotram » Sri Jaganmohana Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil