॥ Sri Jaganmohana Ashtakam Kannada Lyrics ॥
॥ ಶ್ರೀಜಗನ್ಮೋಹನಾಷ್ಟಕಮ್ ॥
ಶ್ರೀವಿಶ್ವನಾಥಚಕ್ರವರ್ತಿವಿರಚಿತಂ
ಗುಂಜಾವಲೀವೇಷ್ಟಿತಚಿತ್ರಪುಷ್ಪಚೂಡಾವಲನ್ಮಂಜುಲನವ್ಯಪಿಚ್ಛಮ್ ।
ಗೋರೋಚನಾಚಾರುತಮಾಲಪತ್ರಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 1 ॥
ಭ್ರೂವಲ್ಗನೋನ್ಮಾದಿತಗೋಪನಾರೀಕಟಾಕ್ಷಬಾಣಾವಲಿವಿದ್ಧನೇತ್ರಮ್ ।
ನಾಸಾಗ್ರರಾಜನ್ಮಣಿಚಾರುಮುಕ್ತಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 2 ॥
ಆಲೋಲವಕ್ರಾಲಕಕಾನ್ತಿಚುಮ್ಬಿಗಂಡಸ್ಥಲಪ್ರೋನ್ನತಚಾರಹಾಸ್ಯಮ್ ।
ವಾಮಪ್ರಗಂಡೋಚ್ಚಲಕುಂಡಲಾನ್ತಂ ವನ್ದೇ ಜಗನ್ಮೋಹನಭಿಷ್ಟದೇವಮ್ ॥ 3 ॥
ಬನ್ಧೂಕಬಿಮ್ಬದ್ಯುತಿನಿನ್ದಿಕುಂಚತ್ಪ್ರಾನ್ತಾಧರಭ್ರಾಜಿತವೇಣುವಕ್ತ್ರಮ್ ।
ಕಿಂಚಿತ್ತಿರಶ್ಚೀನಶಿರೋಧಿಭಾತಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 4 ॥
ಅಕುಂಠರೇಖಾತ್ರಯರಾಜಿಕಂಠಖೇಲತ್ಸ್ವರಾಲಿಶ್ರುತಿರಾಗರಾಜಿಮ್ ।
ವಕ್ಷಃಸ್ಫುರತ್ಕೌಸ್ತುಭಮುನ್ನತಾಂಸಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 5 ॥
ಆಜಾನುರಾಜದ್ವಲಯಾಂಗದಾಂಚಿಸ್ಮರಾರ್ಗಲಾಕಾರಸುವೃತ್ತಬಾಹುಮ್ ।
ಅನರ್ಘಮುಕ್ತಾಮಣಿಪುಷ್ಪಮಾಲಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 6 ॥
ಶ್ವಾಸೈಜದಶ್ವತ್ಥದಲಾಭತುನ್ದಮಧ್ಯಸ್ಥರೋಮಾವಲಿರಮ್ಯರೇಖಮ್ ।
ಪೀತಾಮ್ಬರಂ ಮಂಜುಲಕಿಂಕಿಣೀಕಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 7 ॥
ವ್ಯತ್ಯಸ್ತಪಾದಂ ಮಣಿನೂಪುರಾಢ್ಯಂ ಶ್ಯಾಮಂ ತ್ರಿಭಂಗಂ ಸುರಶಾಖಿಮೂಲೇ ।
ಶ್ರೀರಾಧಯಾ ಸಾರ್ಧಮುದಾರಲೀಲಂ ವನ್ದೇ ಜಗನ್ಮೋಹನಮಿಷ್ಟದೇವಮ್ ॥ 8 ॥
ಶ್ರೀಮಜ್ಜಗನ್ಮೋಹನದೇವಮೇತತ್ಪದ್ಯಾಷ್ಟಕೇನ ಸ್ಮರತೋ ಜನಸ್ಯ ।
ಪ್ರೇಮಾ ಭವೇದ್ಯೇನ ತದಂಘ್ರಿಸಾಕ್ಷಾತ್ಸೇವಾಮೃತೇನೈವ ನಿಮಜ್ಜನಂ ಸ್ಯಾತ್ ॥ 9 ॥
ಇತಿ ಶ್ರೀವಿಶ್ವನಾಥಚಕ್ರವರ್ತಿವಿರಚಿತಂ ಶ್ರೀಜಗನ್ಮೋಹನಾಷ್ಟಕಂ ಸಮ್ಪೂರ್ಣಮ್ ।
– Chant Stotra in Other Languages –
Sri Krishna Stotram » Sri Jaganmohana Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil