॥ Sri Kalabhairava Ashtakam Telugu Lyrics ॥
॥ శ్రీకాలభైరవాష్టకం ॥
దేవరాజసేవ్యమానపావనాంఘ్రిపఙ్కజం
వ్యాలయజ్ఞసూత్రమిన్దుశేఖరం కృపాకరమ్ । var బిన్దు
నారదాదియోగివృన్దవన్దితం దిగంబరం
కాశికాపురాధినాథకాలభైరవం భజే ॥ ౧ ॥
భానుకోటిభాస్వరం భవాబ్ధితారకం పరం
నీలకణ్ఠమీప్సితార్థదాయకం త్రిలోచనమ్ ।
కాలకాలమంబుజాక్షమక్షశూలమక్షరం
కాశికాపురాధినాథకాలభైరవం భజే ॥ ౨ ॥
శూలటంకపాశదణ్డపాణిమాదికారణం
శ్యామకాయమాదిదేవమక్షరం నిరామయమ్ ।
భీమవిక్రమం ప్రభుం విచిత్రతాణ్డవప్రియం
కాశికాపురాధినాథకాలభైరవం భజే ॥ ౩ ॥
భుక్తిముక్తిదాయకం ప్రశస్తచారువిగ్రహం
భక్తవత్సలం స్థితం సమస్తలోకవిగ్రహమ్ । var స్థిరమ్
వినిక్వణన్మనోజ్ఞహేమకిఙ్కిణీలసత్కటిం var నిక్వణన్
కాశికాపురాధినాథకాలభైరవం భజే ॥ ౪ ॥
ధర్మసేతుపాలకం త్వధర్మమార్గనాశకం var నాశనం
కర్మపాశమోచకం సుశర్మదాయకం విభుమ్ ।
స్వర్ణవర్ణశేషపాశశోభితాంగమణ్డలం var కేశపాశ, నిర్మలం
కాశికాపురాధినాథకాలభైరవం భజే ॥ ౫ ॥
రత్నపాదుకాప్రభాభిరామపాదయుగ్మకం
నిత్యమద్వితీయమిష్టదైవతం నిరంజనమ్ ।
మృత్యుదర్పనాశనం కరాలదంష్ట్రమోక్షదం var భూషణం
కాశికాపురాధినాథకాలభైరవం భజే ॥ ౬ ॥
అట్టహాసభిన్నపద్మజాణ్డకోశసంతతిం
దృష్టిపాతనష్టపాపజాలముగ్రశాసనమ్ ।
అష్టసిద్ధిదాయకం కపాలమాలికాధరం
కాశికాపురాధినాథకాలభైరవం భజే ॥ ౭ ॥
భూతసంఘనాయకం విశాలకీర్తిదాయకం
కాశివాసలోకపుణ్యపాపశోధకం విభుమ్ । var కాశివాసి
నీతిమార్గకోవిదం పురాతనం జగత్పతిం
కాశికాపురాధినాథకాలభైరవం భజే ॥ ౮ ॥
॥ ఫల శ్రుతి ॥
కాలభైరవాష్టకం పఠంతి యే మనోహరం
జ్ఞానముక్తిసాధనం విచిత్రపుణ్యవర్ధనమ్ ।
శోకమోహదైన్యలోభకోపతాపనాశనం var లోభదైన్య
ప్రయాన్తి కాలభైరవాంఘ్రిసన్నిధిం నరా ధ్రువమ్ ॥
var తే ప్రయాన్తి కాలభైరవాంఘ్రిసన్నిధిం ధ్రువమ్ ॥
॥ ఇతి శ్రీమత్పరమహంసపరివ్రాజకాచర్యస్య
శ్రీగోవిన్దభగవత్పూజ్యపాదశిష్యస్య
శ్రీమచ్ఛఙ్కరభగవతః కృతౌ
శ్రీ కాలభైరవాష్టకం సమ్పూర్ణమ్ ॥
– Chant Stotra in Other Languages –
Lord Shiva Sloka » Sri Kalabhairava Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil