॥ Sri Kalika Ashtakam Bengali Lyrics ॥
॥ শ্রীকালিকাষ্টকম্ ॥
ধ্যানম্ ।
গলদ্রক্তমুণ্ডাবলীকণ্ঠমালা
মহোঘোররাবা সুদংষ্ট্রা করালা ।
বিবস্ত্রা শ্মশানালয়া মুক্তকেশী
মহাকালকামাকুলা কালিকেয়ম্ ॥ ১ ॥
ভুজেবাময়ুগ্মে শিরোঽসিং দধানা
বরং দক্ষয়ুগ্মেঽভয়ং বৈ তথৈব ।
সুমধ্যাঽপি তুঙ্গস্তনা ভারনম্রা
লসদ্রক্তসৃক্কদ্বয়া সুস্মিতাস্যা ॥ ২ ॥
শবদ্বন্দ্বকর্ণাবতংসা সুকেশী
লসত্প্রেতপাণিং প্রয়ুক্তৈককাঞ্চী ।
শবাকারমঞ্চাধিরূঢা শিবাভিশ্-
চতুর্দিক্ষুশব্দায়মানাঽভিরেজে ॥ ৩ ॥
॥ অথ স্তুতিঃ ॥
বিরঞ্চ্যাদিদেবাস্ত্রয়স্তে গুণাস্ত্রীন্
সমারাধ্য কালীং প্রধানা বভূবুঃ ।
অনাদিং সুরাদিং মখাদিং ভবাদিং
স্বরূপং ত্বদীয়ং ন বিন্দন্তি দেবাঃ ॥ ১ ॥
জগন্মোহিনীয়ং তু বাগ্বাদিনীয়ং
সুহৃত্পোষিণীশত্রুসংহারণীয়ম্ ।
বচস্তম্ভনীয়ং কিমুচ্চাটনীয়ং
স্বরূপং ত্বদীয়ং ন বিন্দন্তি দেবাঃ ॥ ২ ॥
ইয়ং স্বর্গদাত্রী পুনঃ কল্পবল্লী
মনোজাস্তু কামান্ য়থার্থং প্রকুর্যাত্ ।
তথা তে কৃতার্থা ভবন্তীতি নিত্যং
স্বরূপং ত্বদীয়ং ন বিন্দন্তি দেবাঃ ॥ ৩ ॥
সুরাপানমত্তা সুভক্তানুরক্তা
লসত্পূতচিত্তে সদাবির্ভবত্তে ।
জপধ্যানপূজাসুধাধৌতপঙ্কা
স্বরূপং ত্বদীয়ং ন বিন্দন্তি দেবাঃ ॥ ৪ ॥
চিদানন্দকন্দং হসন্ মন্দমন্দং
শরচ্চন্দ্রকোটিপ্রভাপুঞ্জবিম্বম্ ।
মুনীনাং কবীনাং হৃদি দ্যোতয়ন্তং
স্বরূপং ত্বদীয়ং ন বিন্দন্তি দেবাঃ ॥ ৫ ॥
মহামেঘকালী সুরক্তাপি শুভ্রা
কদাচিদ্ বিচিত্রাকৃতির্যোগমায়া ।
ন বালা ন বৃদ্ধা ন কামাতুরাপি
স্বরূপং ত্বদীয়ং ন বিন্দন্তি দেবাঃ ॥ ৬ ॥
ক্ষমস্বাপরাধং মহাগুপ্তভাবং
ময়া লোকমধ্যে প্রকাশিকৃতং য়ত্ ।
তব ধ্যানপূতেন চাপল্যভাবাত্
স্বরূপং ত্বদীয়ং ন বিন্দন্তি দেবাঃ ॥ ৭ ॥
য়দি ধ্যানয়ুক্তং পঠেদ্ য়ো মনুষ্যস্-
তদা সর্বলোকে বিশালো ভবেচ্চ ।
গৃহে চাষ্টসিদ্ধির্মৃতে চাপি মুক্তিঃ
স্বরূপং ত্বদীয়ং ন বিন্দন্তি দেবাঃ ॥ ৮ ॥
॥ ইতি শ্রীমচ্ছঙ্করাচার্যবিরচিতং শ্রীকালিকাষ্টকং সম্পূর্ণম্ ॥
– Chant Stotra in Other Languages –
Goddess Durga Slokam » Sri Kalika Ashtakam Lyrics in Sanskrit » English » Gujarati » Kannada » Malayalam » Odia » Telugu » Tamil