॥ Sri Kartikeya Ashtakam Telugu Lyrics ॥
॥ శ్రీకార్తికేయాష్టకమ్ ॥
ఓం శ్రీగణేశాయ నమః ।
అగస్త్య ఉవాచ-
నమోఽస్తు వృన్దారకవృన్దవన్ద్యపాదారవిన్దాయ సుధాకరాయ ।
షడాననాయామితవిక్రమాయ గౌరీహృదానన్దసముద్భవాయ ॥ ౧ ॥
నమోఽస్తు తుభ్యం ప్రణతార్తిహన్త్రే కర్త్రే సమస్తస్య మనోరథానామ్ ।
దాత్రే రథానాం పరతారకస్య హన్త్రే ప్రచణ్డాసురతారకస్య ॥ ౨ ॥
అమూర్తమూర్తాయ సహస్రమూర్తయే గుణాయ గణ్యాయ పరాత్పరాయ ।
అపారపారాయ పరాపరాయ నమోఽస్తు తుభ్యం శిఖివాహనాయ ॥ ౩ ॥
నమోఽస్తు తే బ్రహ్మవిదాం వరాయ దిగమ్బరాయామ్బరసంస్థితాయ ।
హిరణ్యవర్ణాయ హిరణ్యబాహవే నమో హిరణ్యాయ హిరణ్యరేతసే ॥ ౪ ॥
తపః స్వరూపాయ తపోధనాయ తపః ఫలానాం ప్రతిపాదకాయ ।
సదా కుమారాయ హి మారమారిణే తృణీకృతైశ్వర్యవిరాగిణే నమః ॥ ౫ ॥
నమోఽస్తు తుభ్యం శరజన్మనే విభో ప్రభాతసూర్యారుణదన్తపఙ్క్తయే ।
బాలాయ చాబాలపరాక్రమాయ షాణ్మాతురాయాలమనాతురాయ ॥ ౬ ॥
మీఢుష్టమాయోత్తరమీఢుషే నమో నమో గణానాం పతయే గణాయ ।
నమోఽస్తు తే జన్మజరాతిగాయ నమో విశాఖాయ సుశక్తిపాణయే ॥ ౭ ॥
సర్వస్య నాథస్య కుమారకాయ క్రౌఞ్చారయే తారకమారకాయ ।
స్వాహేయ గాఙ్గేయ చ కార్తికేయ శైవేయ తుభ్యం సతతం నమోఽస్తు ॥ ౮ ॥
ఇతి స్కాన్దే కాశీఖణ్డతః శ్రీకార్తికేయాష్టకం సమ్పూర్ణమ్ ॥
– Chant Stotra in Other Languages –
Sri Subrahmanya / Kartikeya / Muruga Sahasranamani » Sri Kartikeya Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil