॥ Ketu Deva Ashtottara Shatanama Gujarati Lyrics ॥
॥ શ્રીકેતુ અષ્ટોત્તરશતનામસ્તોત્રમ્ ॥
કેતુ બીજ મન્ત્ર – ૐ સ્રાઁ સ્રીં સ્રૌં સઃ કેતવે નમઃ ॥
શૃણુ નામાનિ જપ્યાનિ કેતો રથ મહામતે ।
કેતુઃ સ્થૂલશિરાશ્ચૈવ શિરોમાત્રો ધ્વજાકૃતિઃ ॥ ૧ ॥
નવગ્રહયુતઃ સિંહિકાસુરીગર્ભસમ્ભવઃ ।
મહાભીતિકરશ્ચિત્રવર્ણો વૈ પિંગળાક્ષકઃ ॥ ૨ ॥
સ ફલોધૂમ્રસંકાષઃ તીક્ષ્ણદંષ્ટ્રો મહોરગઃ ।
રક્તનેત્રશ્ચિત્રકારી તીવ્રકોપો મહાસુરઃ ॥ ૩ ॥
ક્રૂરકણ્ઠઃ ક્રોધનિધિશ્છાયાગ્રહવિશેષકઃ ।
અન્ત્યગ્રહો મહાશીર્ષો સૂર્યારિઃ પુષ્પવદ્ગ્રહી ॥ ૪ ॥
વરહસ્તો ગદાપાણિશ્ચિત્રવસ્ત્રધરસ્તથા ।
ચિત્રધ્વજપતાકશ્ચ ઘોરશ્ચિત્રરથશ્શિખી ॥ ૫ ॥
કુળુત્થભક્ષકશ્ચૈવ વૈડૂર્યાભરણ સ્તથા ।
ઉત્પાતજનકઃ શુક્રમિત્રં મન્દસખસ્તથા ॥ ૬ ॥
ગદાધરઃ નાકપતિઃ અન્તર્વેદીશ્વરસ્તથા ।
જૈમિનીગોત્રજશ્ચિત્રગુપ્તાત્મા દક્ષિણામુખઃ ॥ ૭ ॥
મુકુન્દવરપાત્રં ચ મહાસુરકુલોદ્ભવઃ ।
ઘનવર્ણો લમ્બદેહો મૃત્યુપુત્રસ્તથૈવ ચ ॥ ૮ ॥
ઉત્પાતરૂપધારી ચાઽદૃશ્યઃ કાલાગ્નિસન્નિભઃ ।
નૃપીડો ગ્રહકારી ચ સર્વોપદ્રવકારકઃ ॥ ૯ ॥
ચિત્રપ્રસૂતો હ્યનલઃ સર્વવ્યાધિવિનાશકઃ ।
અપસવ્યપ્રચારી ચ નવમે પાપદાયકઃ ॥ ૧૦ ॥
પઞ્ચમે શોકદશ્ચોપરાગખેચર એવ ચ ।
અતિપુરુષકર્મા ચ તુરીયે સુખપ્રદઃ ॥ ૧૧ ॥
તૃતીયે વૈરદઃ પાપગ્રહશ્ચ સ્ફોટકકારકઃ ।
પ્રાણનાથઃ પઞ્ચમે તુ શ્રમકારક એવ ચ ॥ ૧૨ ॥
દ્વિતીયેઽસ્ફુટવાગ્દાતા વિષાકુલિતવક્ત્રકઃ ।
કામરૂપી સિંહદન્તઃ સત્યેઽપ્યનૃતવાનપિ ॥ ૧૩ ॥
ચતુર્થે માતૃનાશશ્ચ નવમે પિતૃનાશકઃ ।
અન્ત્યે વૈરપ્રદશ્ચૈવ સુતાનન્દનબન્ધકઃ ॥ ૧૪ ॥
સર્પાક્ષિજાતોઽનંગશ્ચ કર્મરાશ્યુદ્ભવસ્તથા ।
ઉપાન્તે કીર્તિદશ્ચૈવ સપ્તમે કલહપ્રદઃ ॥ ૧૫ ॥
અષ્ટમે વ્યાધિકર્તા ચ ધને બહુસુખપ્રદઃ ।
જનને રોગદશ્ચોર્ધ્વમૂર્ધજો ગ્રહનાયકઃ ॥ ૧૬ ॥
પાપદૃષ્ટિઃ ખેચરશ્ચ શામ્ભવોઽશેષપૂજિતઃ ।
શાશ્વતશ્ચ નટશ્ચૈવ શુભાઽશુભફલપ્રદઃ ॥ ૧૭ ॥
ધૂમ્રશ્ચૈવ સુધાપાયી હ્યજિતો ભક્તવત્સલઃ ।
સિંહાસનઃ કેતુમૂર્તી રવીન્દુદ્યુતિનાશકઃ ॥ ૧૮ ॥
અમરઃ પીડકોઽમર્ત્યો વિષ્ણુદૃષ્ટોઽસુરેશ્વરઃ ।
ભક્તરક્ષોઽથ વૈચિત્ર્યકપટસ્યન્દનસ્તથા ॥ ૧૯ ॥
વિચિત્રફલદાયી ચ ભક્તાભીષ્ટફલપ્રદઃ ।
એતત્કેતુગ્રહસ્યોક્તં નામ્નામષ્ટોત્તરં શતમ્ ॥ ૨૦ ॥
યો ભક્ત્યેદં જપેત્કેતુર્નામ્નામષ્ટોત્તરં શતમ્ ।
સ તુ કેતોઃ પ્રસાદેન સર્વાભીષ્ટં સમાપ્નુયાત્ ॥ ૨૧ ॥
॥ ઇતિ કેતુ અષ્ટોત્તરશતનામસ્તોત્રમ્ સમ્પૂર્ણમ્ ॥
– Chant Stotra in Other Languages –
Ketu Ashtottara Shatanama Stotram in Sanskrit – English – Bengali – Gujarati – – Kannada – Malayalam – Odia – Telugu – Tamil