॥ Sri Krishna Sharanashtakam Kannada Lyrics ॥
ಸರ್ವಸಾಧನಹೀನಸ್ಯ ಪರಾಧೀನಸ್ಯ ಸರ್ವತಃ ।
ಪಾಪಪೀನಸ್ಯ ದೀನಸ್ಯ ಶ್ರೀಕೃಷ್ಣಃ ಶರಣಂ ಮಮ ॥ 1 ॥
ಸಂಸಾರಸುಖಸಮ್ಪ್ರಾಪ್ತಿಸನ್ಮುಖಸ್ಯ ವಿಶೇಷತಃ ।
ವಹಿರ್ಮುಖಸ್ಯ ಸತತಂ ಶ್ರೀಕೃಷ್ಣಃ ಶರಣಂ ಮಮ ॥ 2 ॥
ಸದಾ ವಿಷಯಕಾಮಸ್ಯ ದೇಹಾರಾಮಸ್ಯ ಸರ್ವಥಾ ।
ದುಷ್ಟಸ್ವಭಾವವಾಮಸ್ಯ ಶ್ರೀಕೃಷ್ಣಃ ಶರಣಂ ಮಮ ॥ 3 ॥
ಸಂಸಾರಸರ್ವದುಷ್ಟಸ್ಯ ಧರ್ಮಭ್ರಷ್ಟಸ್ಯ ದುರ್ಮತೇಃ ।
ಲೌಕಿಕಪ್ರಾಪ್ತಿಕಾಮಸ್ಯ ಶ್ರೀಕೃಷ್ಣಃ ಶರಣಂ ಮಮ ॥ 4 ॥
ವಿಸ್ಮೃತಸ್ವೀಯಧರ್ಮಸ್ಯ ಕರ್ಮಮೋಹಿತಚೇತಸಃ ।
ಸ್ವರೂಪಜ್ಞಾನಶೂನ್ಯಸ್ಯ ಶ್ರೀಕೃಷ್ಣಃ ಶರಣಂ ಮಮ ॥ 5 ॥
ಸಂಸಾರಸಿನ್ಧುಮಗ್ನಸ್ಯ ಭಗ್ನಭಾವಸ್ಯ ದುಷ್ಕೃತೇಃ ।
ದುರ್ಭಾವಲಗ್ನಮನಸಃ ಶ್ರೀಕೃಷ್ಣಃ ಶರಣಂ ಮಮ ॥ 6 ॥
ವಿವೇಕಧೈರ್ಯಭಕ್ತ್ಯಾದಿರಹಿತಸ್ಯ ನಿರನ್ತರಮ್ ।
ವಿರುದ್ಧಕರಣಾಸಕ್ತೇಃ ಶ್ರೀಕೃಷ್ಣಃ ಶರಣಂ ಮಮ ॥ 7 ॥
ವಿಷಯಾಕ್ರಾನ್ತದೇಹಸ್ಯ ವೈಮುಖ್ಯಹೃತಸನ್ಮತೇಃ ।
ಇನ್ದ್ರಿಯಾಶ್ವಗೃಹಿತಸ್ಯ ಶ್ರೀಕೃಷ್ಣಃ ಶರಣಂ ಮಮ ॥ 8 ॥
ಏತದಷ್ಟಕಪಾಠೇನ ಹ್ಯೇತದುಕ್ತಾರ್ಥಭಾವನಾತ್ ।
ನಿಜಾಚಾರ್ಯಪದಾಮ್ಭೋಜಸೇವಕೋ ದೈನ್ಯಮಾಪ್ನುಯಾತ್ ॥ 9 ॥
॥ ಇತಿ ಹರಿದಾಸವರ್ಯವಿರಚಿತಂ ಶ್ರೀಕೃಷ್ಣಶರಣಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Krishna Mantra » Sri Krishna Sharanashtakam Lyrics in Sanskrit » English » Bengali » Gujarati » Malayalam » Odia » Telugu » Tamil