॥ Sri Krishnashtakam Gujarati Lyrics ॥
શ્રીકૃષ્ણાષ્ટકં શ્રીકૃષ્ણતાણ્ડવસ્તોત્રં ચ
શ્રી કૃશ્ન જન્માષ્ટમી
નિત્યાનન્દૈકરસં સચ્ચિન્માત્રં સ્વયઞ્જ્યોતિઃ ।
પુરુષોત્તમમજમીશં વન્દે શ્રીયાદવાધીશમ્ ॥
યત્ર ગાયન્તિ મદ્ભક્તાઃ તત્ર તિષ્ઠામિ નારદ ।
શ્રી કૃષ્ણાષ્ટકમ્
ભજે વ્રજૈકમણ્ડનં સમસ્તપાપખણ્ડનં
સ્વભક્તચિત્તરંજનં સદૈવ નન્દનન્દનમ્ ।
સુપિચ્છગુચ્છમસ્તકં સુનાદવેણુહસ્તકં
અનંગરંગસાગરં નમામિ કૃષ્ણનાગરમ્ ॥ ૧ ॥
મનોજગર્વમોચનં વિશાલલોલલોચનં
વિધૂતગોપશોચનં નમામિ પદ્મલોચનમ્ ।
કરારવિન્દભૂધરં સ્મિતાવલોકસુન્દરં
મહેન્દ્રમાનદારણં નમામિ કૃષ્ણાવારણમ્ ॥ ૨ ॥
કદમ્બસૂનકુણ્ડલં સુચારુગણ્ડમણ્ડલં
વ્રજાંગનૈકવલ્લભં નમામિ કૃષ્ણદુર્લભમ્ ।
યશોદયા સમોદયા સગોપયા સનન્દયા
યુતં સુખૈકદાયકં નમામિ ગોપનાયકમ્ ॥ ૩ ॥
સદૈવ પાદપંકજં મદીય માનસે નિજં
દધાનમુક્તમાલકં નમામિ નન્દબાલકમ્ ।
સમસ્તદોષશોષણં સમસ્તલોકપોષણં
સમસ્તગોપમાનસં નમામિ નન્દલાલસમ્ ॥ ૪ ॥
ભુવો ભરાવતારકં ભવાબ્ધિકર્ણધારકં
યશોમતીકિશોરકં નમામિ ચિત્તચોરકમ્ ।
દૃગન્તકાન્તભંગિનં સદા સદાલિસંગિનં
દિને દિને નવં નવં નમામિ નન્દસમ્ભવમ્ ॥ ૫ ॥
ગુણાકરં સુખાકરં કૃપાકરં કૃપાપરં
સુરદ્વિષન્નિકન્દનં નમામિ ગોપનન્દનમ્ ।
નવીનગોપનાગરં નવીનકેલિલમ્પટં
નમામિ મેઘસુન્દરં તડિત્પ્રભાલસત્પટમ્ ॥ ૬ ॥
સમસ્તગોપનન્દનં હૃદમ્બુજૈકમોદનં
નમામિ કુંજમધ્યગં પ્રસન્નભાનુશોભનમ્ ।
નિકામકામદાયકં દૃગન્તચારુસાયકં
રસાલવેણુગાયકં નમામિ કુંજનાયકમ્ ॥ ૭ ॥
વિદગ્ધગોપિકામનોમનોજ્ઞતલ્પશાયિનં
નમામિ કુંજકાનને પ્રવ્રદ્ધવન્હિપાયિનમ્ ।
કિશોરકાન્તિરંજિતં દૃઅગંજનં સુશોભિતં
ગજેન્દ્રમોક્ષકારિણં નમામિ શ્રીવિહારિણમ્ ॥ ૮ ॥
યદા તદા યથા તથા તથૈવ કૃષ્ણસત્કથા
મયા સદૈવ ગીયતાં તથા કૃપા વિધીયતામ્ ।
પ્રમાણિકાષ્ટકદ્વયં જપત્યધીત્ય યઃ પુમાન
ભવેત્સ નન્દનન્દને ભવે ભવે સુભક્તિમાન ॥ ૯ ॥
ઇતિ શ્રીમચ્છંકરાચાર્યકૃતં શ્રીકૃષ્ણાષ્ટકં
કૃષ્ણકૃપાકટાક્ષસ્તોત્રં ચ સમ્પૂર્ણમ્ ॥
શ્રી કૃષ્ણાર્પણમસ્તુ ॥
– Chant Stotra in Other Languages –
Sri Krishna Mantra » Sri Krishna Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil