॥ Sri Krishna Ashtottarashatanama Stotram Bengali Lyrics ॥
॥ শ্রীকৃষ্ণাষ্টোত্তরশতনামস্তোত্রম্ ॥
অগস্ত্য উবাচ
স্তোত্রং তত্তে প্রবক্ষ্যামি য়স্যার্থং ত্বমিহাগতঃ ।
বারাহাদ্যবতারাণাং চরিতং পাপনাশনম্ ॥ ২.৩৬.১১ ॥
সুখদং মোক্ষদং চৈব জ্ঞানবিজ্ঞানকারণম্ ।
শ্রুত্বা সর্বং ধরা বত্স প্রহৃষ্টা তং ধরাধরম্ ॥ ২.৩৬.১২ ॥
উবাচ প্রণতা ভূয়ো জ্ঞাতুং কৃষ্ণবিচেষ্টিতম্ ।
ধরণ্যুবাচ
অলঙ্কৃতং জন্ম পুংসামপি নন্দব্রজৌকসাম্ ॥ ২.৩৬.১৩ ॥
তস্য দেবস্য কৃষ্ণস্য লীলাবিগ্রহধারিণঃ ।
জয়োপাধিনিয়ুক্তানি সন্তি নামান্যনেকশঃ ॥ ২.৩৬.১৪ ॥
তেষু নামানি মুখ্যানি শ্রোতুকামা চিরাদহম্ ।
তত্তানি ব্রূহি নামানি বাসুদেবস্য বাসুকে ॥ ২.৩৬.১৫ ॥
নাতঃ পরতরং পুণ্যং ত্রিষু লোকেষু বিদ্যতে ।
শেষ উবাচ
বসুন্ধরে বরারোহে জনানামস্তি মুক্তিদম্ ॥ ২.৩৬.১৬ ॥
সর্বমঙ্গলমূর্দ্ধন্যমণিমাদ্যষ্টসিদ্ধিদম্ ।
মহাপাতককোটিঘ্নং সর্বতীর্থফলপ্রদম্ ॥ ২.৩৬.১৭ ॥
সমস্তজপয়জ্ঞানাং ফলদং পাপনাশনম্ ।
শৃণু দেবি প্রবক্ষ্যামি নাম্নামষ্টোত্তরং শতম্ ॥ ২.৩৬.১৮ ॥
সহস্রনাম্নাং পুণ্যানাং ত্রিরাবৃত্ত্যা তু য়ত্ফলম্ ।
একাবৃত্ত্যা তু কৃষ্ণস্য নামৈকং তত্প্রয়চ্ছতি ॥ ২.৩৬.১৯ ॥
তস্মাত্পুণ্যতরং চৈতত্স্তোত্রং পাতকনাশনম্ ।
নাম্নামষ্টোত্তরশতস্যাহমেব ঋষিঃ প্রিয়ে ॥ ২.৩৬.২০ ॥
ছন্দোঽনুষ্টুব্দেবতা তু য়োগঃ কৃষ্ণপ্রিয়াবহঃ ।
শ্রীকৃষ্ণঃ কমলানাথো বাসুদেবঃ সনাতনঃ ॥ ২.৩৬.২১ ॥
বসুদেবাত্মজঃ পুণ্যো লীলামানুষবিগ্রহঃ ।
শ্রীবত্সকৌস্তভধরো য়শোদাবত্সলো হরিঃ ॥ ২.৩৬.২২ ॥
চতুর্ভুজাত্তচক্রাসিগদাশঙ্খাদ্যুদায়ুধঃ ।
দেবকীনন্দনঃ শ্রীশো নন্দগোপপ্রিয়াত্মজঃ ॥ ২.৩৬.২৩ ॥
য়মুনাবেগসংহারী বলভদ্রপ্রিয়ানুজঃ ।
পূতনাজীবিতহরঃ শকটাসুরভঞ্জনঃ ॥ ২.৩৬.২৪ ॥
নন্দপ্রজজনানন্দী সচ্চিদানন্দবিগ্রহঃ ।
নবনীতবিলিপ্তাঙ্গো নবনীতনটোঽনঘঃ ॥ ২.৩৬.২৫ ॥
নবনীতলবাহারী মুচুকুন্দপ্রসাদকৃত্ ।
ষোডশস্ত্রীসহস্রেশস্ত্রিভঙ্গী মধুরাকৃতিঃ ॥ ২.৩৬.২৬ ॥
শুকবাগমৃতাব্ধীন্দুর্গোবিন্দো গোবিদাম্পতিঃ ।
বত্সপালনসঞ্চারী ধেনুকাসুরমর্দ্দনঃ ॥ ২.৩৬.২৭ ॥
তৃণীকৃততৃণাবর্ত্তো য়মলার্জুনভঞ্জনঃ ।
উত্তালতালভেত্তা চ তমালশ্যামলা কৃতিঃ ॥ ২.৩৬.২৮ ॥
গোপগোপীশ্বরো য়োগী সূর্যকোটিসমপ্রভঃ ।
ইলাপতিঃ পরঞ্জ্যোতির্যাদবেন্দ্রো য়দূদ্বহঃ ॥ ২.৩৬.২৯ ॥
বনমালী পীতবাসাঃ পারিজাতাপহরকঃ ।
গোবর্দ্ধনাচলোদ্ধর্ত্তা গোপালঃ সর্বপালকঃ ॥ ২.৩৬.৩০ ॥
অজো নিরঞ্জনঃ কামজনকঃ কঞ্জলোচনঃ ।
মধুহা মথুরানাথো দ্বারকানাথকো বলী ॥ ২.৩৬.৩১ ॥
বৃন্দাবনান্তসঞ্চারী তুলসীদামভূষণঃ ।
স্যমন্তকমণের্হর্ত্তা নরনারায়ণাত্মকঃ ॥ ২.৩৬.৩২ ॥
কুব্জাকৃষ্টাম্বরধরো মায়ী পরমপূরুষঃ ।
মুষ্টিকাসুরচাণূরমল্লয়ুদ্ধবিশারদঃ ॥ ২.৩৬.৩৩ ॥
সংসারবৈরী কংসারির্মুরারির্নরকান্তকঃ ।
অনাদির্ব্রহ্মচারী চ কৃষ্ণাব্যসনকর্ষকঃ ॥ ২.৩৬.৩৪ ॥
শিশুপালশিরস্ছেত্তা দুর্যোধনকুলান্তকৃত্ ।
বিদুরাক্রূরবরদো বিশ্বরূপপ্রদর্শকঃ ॥ ২.৩৬.৩৫ ॥
সত্যবাক্সত্যসংকল্পঃ সত্যভামারতো জয়ী ।
সুভদ্রাপূর্বজো বিষ্ণুর্ভীষ্মমুক্তিপ্রদায়কঃ ॥ ২.৩৬.৩৬ ॥
জগদ্গুরুর্জগন্নাথো বেণুবাদ্যবিশারদঃ ।
বৃষভাসুরবিধ্বংসী বকারির্বাণবাহুকৃত্ ॥ ২.৩৬.৩৭ ॥
য়ুধিষ্টিরপ্রতিষ্ঠাতা বর্হিবর্হাবতংসকঃ ।
পার্থসারথিরব্যক্তো গীতামৃতমহোদধিঃ ॥ ২.৩৬.৩৮ ॥
কালীয়ফণিমাণিক্যরঞ্জিতঃ শ্রীপদাংবুজঃ ।
দামোদরো য়জ্ঞভোক্তা দানবেদ্রবিনাশনঃ ॥ ২.৩৬.৩৯ ॥
নারায়ণঃ পরং ব্রহ্ম পন্নগাশনবাহনঃ ।
জলক্রীডাসমাসক্তগোপীবস্ত্রাপহারকঃ ॥ ২.৩৬.৪০ ॥
পুণ্যশ্লোকস্তীর্থপাদো বেদবেদ্যো দয়ানিধিঃ ।
সর্বতীর্থান্মকঃ সর্বগ্রহরূপী পরাত্পরঃ ॥ ২.৩৬.৪১ ॥
ইত্যেবং কৃষ্ণদেবস্য নাম্নামষ্টোত্তরং শতম্ ।
কৃষ্ণোন কৃষ্ণভক্তেন শ্রুত্বা গীতামৃতং পুরা ॥ ২.৩৬.৪২ ॥
স্তোত্রং কৃষ্ণপ্রিয়করং কৃতং তস্মান্ময়া শ্রুতম্ ।
কৃষ্ণপ্রেমামৃতং নাম পরমানন্দদায়কম্ ॥ ২.৩৬.৪৩ ॥
অত্যুপদ্রবদুঃখঘ্নং পরমায়ুষ্যবর্ধনম্ ।
দানং ব্রতং তপস্তীর্থং য়ত্কৃতং ত্বিহ জন্মনি ॥ ২.৩৬.৪৪ ॥
পঠতাং শৃণ্বতাং চৈব কোটিকোটিগুণং ভবেত্ ।
পুত্রপ্রদমপুত্রাণামগতীনাং গতিপ্রদম্ ॥ ২.৩৬.৪৫ ॥
ধনাবহং দরিদ্রাণাং জয়েচ্ছূনাং জয়াবহম্ ।
শিশূনাং গোকুলানাং চ পুষ্টিদং পুণ্যবর্দ্ধনম্ ॥ ২.৩৬.৪৬ ॥
বালরোগগ্রহাদীনাং শমনং শান্তিকারকম্ ।
অন্তে কৃষ্ণস্মরণদং ভবতাপত্রয়াপহম্ ॥ ২.৩৬.৪৭ ॥
অসিদ্ধসাধকং ভদ্রে জপাদিকরমাত্মনাম্ ।
কৃষ্ণায় য়াদবেন্দ্রায় জ্ঞানমুদ্রায় য়োগিনে ॥ ২.৩৬.৪৮ ॥
নাথায় রুক্মিণীশায় নমো বেদান্তবেদিনে ।
ইমং মন্ত্রং মহাদেবি জপন্নেব দিবা নিশম্ ॥ ২.৩৬.৪৯ ॥
সর্বগ্রহানুগ্রহভাক্সর্বপ্রিয়তমো ভবেত্ ।
পুত্রপৌত্রৈঃ পরিবৃতঃ সর্বসিদ্ধিসমৃদ্ধিমান্ ॥ ২.৩৬.৫০ ॥
নিষেব্য ভোগানন্তেঽপি কৃষ্ণাসায়ুজ্যমাপ্নুয়াত্ ।
verses 21 through 50 also appear in NaradapancharAtra
অগস্ত্য উবাচ
এতাবদুক্তো ভাগবাননন্তো মূর্ত্তিস্তু সংকর্ষণসংজ্ঞিতা বিভো ॥ ২.৩৬.৫১ ॥
ধরাধরোঽলং জগতাং ধরায়ৈ নির্দিশ্য ভূয়ো বিররাম মানদঃ ।
ততস্তু সর্বে সনকাদয়ো য়ে সমাস্থিতাস্তত্পরিতঃ কথাদৃতাঃ ।
আনন্দপূর্ণাম্বুনিধৌ নিমগ্নাঃ সভাজয়ামাসুরহীশ্বরং তম্ ॥ ২.৩৬.৫২ ॥
ঋষয় ঊচুঃ
নমো নমস্তেঽখিলবিশ্বাভাবন প্রপন্নভক্তার্ত্তিহরাব্যয়াত্মন্ ।
ধরাধরায়াপি কৃপার্ণবায় শেষায় বিশ্বপ্রভবে নমস্তে ॥ ২.৩৬.৫৩ ॥
কৃষ্ণামৃতং নঃ পরিপায়িতং বিভো বিধূতপাপা ভবতা কৃতা বয়ম্ ।
ভবাদৃশা দীনদয়ালবো বিভো সমুদ্ধরন্ত্যেব নিজান্হি সংনতান্ ॥ ২.৩৬.৫৪ ॥
এবং নমস্কৃত্য ফণীশপাদয়োর্মনো বিধায়াখিলকামপূরয়োঃ ।
প্রদক্ষিণীকৃত্য ধরাধরাধরং সর্বে বয়ং স্বাবসথানুপাগতাঃ ॥ ২.৩৬.৫৫ ॥
ইতি তেঽভিহিতং রাম স্তোত্রং প্রেমামৃতাভিধম্ ।
কৃষ্ণস্য রাধাকান্তস্য সিদ্ধিদম্ ॥ ২.৩৬.৫৬ ॥ incomplete metrically
ইদং রাম মহাভাগ স্তোত্রং পরমদুর্লভম্ ।
শ্রুতং সাক্ষাদ্ভগবতঃ শেষাত্কথয়তঃ কথাঃ ॥ ২.৩৬.৫৭ ॥
য়াবন্তি মন্ত্রজালানি স্তোত্রাণি কবচানি চ ॥ ২.৩৬.৫৮ ॥
ত্রৈলোক্যে তানি সর্বাণি সিদ্ধ্যন্ত্যেবাস্য শীলনাত্ ।
বসিষ্ঠ উবাচ
এবমুক্ত্বা মহারাজ কৃষ্ণপ্রেমামৃতং স্তবম্ ।
য়াবদ্ব্যরংসীত্স মুনিস্তাবত্স্বর্যানমাগতম্ ॥ ২.৩৬.৫৯ ॥
চতুর্ভিরদ্ভুতৈঃ সিদ্ধৈঃ কামরূপৈর্মনোজবৈঃ ।
অনুয়াতমথোত্প্লুত্য স্ত্রীপুংসৌ হরিণৌ তদা ।
অগস্ত্যচরণৌ নত্বা সমারুরুহতুর্মুদা ॥ ২.৩৬.৬০ ॥
দিব্যদেহধরৌ ভূত্বা শঙ্খচক্রাদিচিহ্নিতৌ ।
গতৌ চ বৈষ্ণবং লোকং সর্বদেবনমস্কৃতম্ ।
পশ্যতাং সর্বভূতানাং ভার্গবাগস্ত্যয়োস্তথা ॥ ২.৩৬.৬১ ॥
ইতি শ্রীব্রহ্মাণ্ডে মহাপুরাণে বায়ুপ্রোক্তে মধ্যভাগে তৃতীয় উপোদ্ধাতপাদে
ভার্গবচরিতে ষট্ত্রিংশত্তমোঽধ্যায়ঃ ॥ ৩৬ ॥
– Chant Stotra in Other Languages –
Sri Vishnu Slokam » Sri Krishna Ashtottara Shatanama Stotram Lyrics in Sanskrit » English » Gujarati » Kannada » Malayalam » Odia » Telugu » Tamil