॥ Lalitoktatotaka Ashtakam Malayalam Lyrics ॥
॥ ശ്രീലലിതോക്തതോടകാഷ്ടകം ॥
നയനേരിതമാനസഭൂവിശിഖഃ
ശിരസി പ്രചലപ്രചലാകശിഖഃ ।
മുരലീധ്വനിഭിഃ സുരഭീസ്ത്വരയന്‍
പശുപീവിരഹവ്യസനം തിരയന്‍ ॥ 1 ॥
പരിതോ ജനനീപരിതോഷകരഃ
സഖി ലമ്പടയന്നഖിലം ഭുവനം ।
തരുണീഹൃദയം കരുണീ വിദധത്
തരലം സരലേ കരലംബിഗുണഃ ॥ 2 ॥
ദിവസോപരമേ പരമോല്ലസിതഃ
കലശസ്തനി ഹേ വിലസദ്ധസിതഃ ।
അതസീകുസുമം വിഹസന്‍മഹസാ
ഹരിണീകുലമാകുലയന്‍ സഹസാ ॥ 3 ॥
പ്രണയിപ്രവണഃ സുഭഗശ്രവണ
പ്രചലന്‍മകരഃ സസഖിപ്രകരഃ ।
മദയന്നമരീര്‍ഭ്രമയന്‍ ഭ്രമരീ
മിലിതഃ കതിഭിഃ ശിഖിനാം താതഭിഃ ॥ 4 ॥
അയമുജ്ജ്വലയന്‍ വ്രജഭൂസരണീം
രമയന്‍ ക്രമണൈര്‍മൃദുഭിര്‍ധരണീം ।
അജിരേ മിലിതഃ കലിതപ്രമദേ
ഹരിരുദ്വിജസേ തദപി പ്രമദേ ॥ 5 ॥
വദ മാ പരുഷം ഹൃദയേ ന രുഷം
രചയ ത്വമതശ്ചല വിഭ്രമതഃ ।
ഉദിതേ മിഹികാകിരണേ ന ഹി കാ
രഭസാദയി തം ഭജതേ ദയിതം ॥ 6 ॥
കലയ ത്വരയാ വിലസത്സിചയഃ
പ്രസരത്യഭിതോ യുവതീനിചയഃ ।
നിദധാതി ഹരിര്‍നയനം സരണൌ
തവ വിക്ഷിപ സപ്രണയം ചരണൌ ॥ 7 ॥
ഇതി താമുപദിശ്യ തദാ സ്വസഖീം
ലലിതാ കില മാനിതയാ വിമുഖീം ।
അനയത് പ്രസഭാദിവ യം ജവതഃ
കുരുതാത് സ ഹരിര്‍ഭവികം ഭവതഃ ॥ 8 ॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീലലിതോക്തതോടകാഷ്ടകം സമ്പൂര്‍ണം ।
– Chant Stotra in Other Languages –
Adi Shankaracharya Stotram » Sri Lalit Okta Totakashtakam Lyrics in Sanskrit » English » Bengali » Gujarati » Kannada » Odia » Telugu » Tamil