॥ Sree Lalitha Devi Ashtakam Gujarati Lyrics ॥
॥ શ્રીલલિતાષ્ટકમ્ ॥
શ્રીલલિતાપ્રણામસ્તોત્રમ્
શ્રીલલિતાય નમઃ ।
રાધામુકુન્દ પદસમ્ભવઘર્મબિન્દુ
નિર્મઞ્છનોપકરણીકૃત દેહલક્ષામ્ ।
ઉત્તુઙ્ગસૌહૃદવિશેષવશાત્ પ્રગલ્ભાં
દેવીં ગુણૈઃ સુલલિતાં લલિતાં નમામિ ॥ ૧ ॥
રાકાસુધાકિરણમણ્ડલકાન્તિદણ્ડિ
વક્ત્રશ્રિયં ચકિતચારૂ ચમૂરુનેત્રામ્ ।
રાધાપ્રસાધનવિધાનકલાપ્રસિદ્ધાં
દેવીં ગુણૈઃ સુલલિતાં લલિતાં નમામિ ॥ ૨ ॥
લાસ્યોલ્લસદ્ભુજગશત્રુપતત્રચિત્ર
પટ્ટાંશુકાભરણકઞ્ચુલિકાઞ્ચિતાઙ્ગીમ્ ।
ગોરોચનારુચિવિગર્હણ ગૌરિમાણં
દેવીં ગુણૈઃ સુલલિતાં લલિતાં નમામિ ॥ ૩ ॥
ધૂર્તે વ્રજેન્દ્રતનયે તનુ સુષ્ઠુવામ્યં
મા દક્ષિણા ભાવ કલઙ્કિનિ લાઘવાય ।
રાધે ગિરં શૃણુ હિતામિતિ શિક્ષયન્તીં
દેવીં ગુણૈઃ સુલલિતાં લલિતાં નમામિ ॥ ૪ ॥
રાધામભિવ્રજપતેઃ કૃતમાત્મજેન
કૂટં મનાગપિ વિલોક્ય વિલોહિતાક્ષીમ્ ।
વાગ્ભઙ્ગિભિસ્તમચિરેણ વિલજ્જયન્તીં
દેવીં ગુણૈઃ સુલલિતાં લલિતાં નમામિ ॥ ૫ ॥
વાત્સલ્યવૃન્દવસતિં પશુપાલરાજ્ઞ્યાઃ
સખ્યાનુશિક્ષણકલાસુ ગુરું સખીનામ્ ।
રાધાબલાવરજ જીવિતનિર્વિશેષાં
દેવીં ગુણૈઃ સુલલિતાં લલિતાં નમામિ ॥ ૬ ॥
યાં કામપિ વ્રજકુલે વૃષભાનુજાયાઃ
પ્રેક્ષ્ય સ્વપક્ષપદવીમનુરુદ્ધ્યમાનામ્ ।
સદ્યસ્તદિષ્ટઘટનેન કૃતાર્થયન્તીં
દેવીં ગુણૈઃ સુલલિતાં લલિતાં નમામિ ॥ ૭ ॥
રાધાવ્રજેન્દ્રસુતસઙ્ગમરઙ્ગચર્યાં
વર્યાં વિનિશ્ચિતવતીમખિલોત્સવેભ્યઃ ।
તાં ગોકુલપ્રિયસખીનિકુરમ્બમુખ્યાં
દેવીં ગુણૈઃ સુલલિતાં લલિતાં નમામિ ॥ ૮ ॥
નન્દનમૂનિ લલિતાગુણલાલિતાનિ
પદ્યાનિ યઃ પઠતિ નિર્મલદૃષ્ટિરષ્ટૌ ।
પ્રીત્યા વિકર્ષતિ જનં નિજવૃન્દમધ્યે
તં કીર્તિદાપતિકુલોજ્જ્વલકલ્પવલ્લી ॥ ૯ ॥
ઇતિ શ્રીરૂપગોસ્વામિવિરચિતસ્તવમાલાયાં શ્રીલલિતાષ્ટકં
શ્રીલલિતાપ્રણામસ્તોત્રં સમ્પૂર્ણમ્ ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil