॥ Sree Lalitha Devi Ashtakam Kannada Lyrics ॥
॥ ಶ್ರೀಲಲಿತಾಷ್ಟಕಮ್ ॥
ಶ್ರೀಲಲಿತಾಪ್ರಣಾಮಸ್ತೋತ್ರಮ್
ಶ್ರೀಲಲಿತಾಯ ನಮಃ ।
ರಾಧಾಮುಕುನ್ದ ಪದಸಮ್ಭವಘರ್ಮಬಿನ್ದು
ನಿರ್ಮಂಛನೋಪಕರಣೀಕೃತ ದೇಹಲಕ್ಷಾಮ್ ।
ಉತ್ತುಂಗಸೌಹೃದವಿಶೇಷವಶಾತ್ ಪ್ರಗಲ್ಭಾಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 1 ॥
ರಾಕಾಸುಧಾಕಿರಣಮಂಡಲಕಾನ್ತಿದಂಡಿ
ವಕ್ತ್ರಶ್ರಿಯಂ ಚಕಿತಚಾರೂ ಚಮೂರುನೇತ್ರಾಮ್ ।
ರಾಧಾಪ್ರಸಾಧನವಿಧಾನಕಲಾಪ್ರಸಿದ್ಧಾಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 2 ॥
ಲಾಸ್ಯೋಲ್ಲಸದ್ಭುಜಗಶತ್ರುಪತತ್ರಚಿತ್ರ
ಪಟ್ಟಾಂಶುಕಾಭರಣಕಂಚುಲಿಕಾಂಚಿತಾಂಗೀಮ್ ।
ಗೋರೋಚನಾರುಚಿವಿಗರ್ಹಣ ಗೌರಿಮಾಣಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 3 ॥
ಧೂರ್ತೇ ವ್ರಜೇನ್ದ್ರತನಯೇ ತನು ಸುಷ್ಠುವಾಮ್ಯಂ
ಮಾ ದಕ್ಷಿಣಾ ಭಾವ ಕಲಂಕಿನಿ ಲಾಘವಾಯ ।
ರಾಧೇ ಗಿರಂ ಶೃಣು ಹಿತಾಮಿತಿ ಶಿಕ್ಷಯನ್ತೀಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 4 ॥
ರಾಧಾಮಭಿವ್ರಜಪತೇಃ ಕೃತಮಾತ್ಮಜೇನ
ಕೂಟಂ ಮನಾಗಪಿ ವಿಲೋಕ್ಯ ವಿಲೋಹಿತಾಕ್ಷೀಮ್ ।
ವಾಗ್ಭಂಗಿಭಿಸ್ತಮಚಿರೇಣ ವಿಲಜ್ಜಯನ್ತೀಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 5 ॥
ವಾತ್ಸಲ್ಯವೃನ್ದವಸತಿಂ ಪಶುಪಾಲರಾಜ್ಞ್ಯಾಃ
ಸಖ್ಯಾನುಶಿಕ್ಷಣಕಲಾಸು ಗುರುಂ ಸಖೀನಾಮ್ ।
ರಾಧಾಬಲಾವರಜ ಜೀವಿತನಿರ್ವಿಶೇಷಾಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 6 ॥
ಯಾಂ ಕಾಮಪಿ ವ್ರಜಕುಲೇ ವೃಷಭಾನುಜಾಯಾಃ
ಪ್ರೇಕ್ಷ್ಯ ಸ್ವಪಕ್ಷಪದವೀಮನುರುದ್ಧ್ಯಮಾನಾಮ್ ।
ಸದ್ಯಸ್ತದಿಷ್ಟಘಟನೇನ ಕೃತಾರ್ಥಯನ್ತೀಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 7 ॥
ರಾಧಾವ್ರಜೇನ್ದ್ರಸುತಸಂಗಮರಂಗಚರ್ಯಾಂ
ವರ್ಯಾಂ ವಿನಿಶ್ಚಿತವತೀಮಖಿಲೋತ್ಸವೇಭ್ಯಃ ।
ತಾಂ ಗೋಕುಲಪ್ರಿಯಸಖೀನಿಕುರಮ್ಬಮುಖ್ಯಾಂ
ದೇವೀಂ ಗುಣೈಃ ಸುಲಲಿತಾಂ ಲಲಿತಾಂ ನಮಾಮಿ ॥ 8 ॥
ನನ್ದನಮೂನಿ ಲಲಿತಾಗುಣಲಾಲಿತಾನಿ
ಪದ್ಯಾನಿ ಯಃ ಪಠತಿ ನಿರ್ಮಲದೃಷ್ಟಿರಷ್ಟೌ ।
ಪ್ರೀತ್ಯಾ ವಿಕರ್ಷತಿ ಜನಂ ನಿಜವೃನ್ದಮಧ್ಯೇ
ತಂ ಕೀರ್ತಿದಾಪತಿಕುಲೋಜ್ಜ್ವಲಕಲ್ಪವಲ್ಲೀ ॥ 9 ॥
ಇತಿ ಶ್ರೀರೂಪಗೋಸ್ವಾಮಿವಿರಚಿತಸ್ತವಮಾಲಾಯಾಂ ಶ್ರೀಲಲಿತಾಷ್ಟಕಂ
ಶ್ರೀಲಲಿತಾಪ್ರಣಾಮಸ್ತೋತ್ರಂ ಸಮ್ಪೂರ್ಣಮ್ ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil