॥ Sree Lalitha Devi Ashtakam Malayalam Lyrics ॥
॥ ശ്രീലലിതാഷ്ടകം ॥
ശ്രീലലിതാപ്രണാമസ്തോത്രം
ശ്രീലലിതായ നമഃ ।
രാധാമുകുന്ദ പദസംഭവഘര്‍മബിന്ദു
നിര്‍മഞ്ഛനോപകരണീകൃത ദേഹലക്ഷാം ।
ഉത്തുങ്ഗസൌഹൃദവിശേഷവശാത് പ്രഗല്‍ഭാം
ദേവീം ഗുണൈഃ സുലലിതാം ലലിതാം നമാമി ॥ 1 ॥
രാകാസുധാകിരണമണ്ഡലകാന്തിദണ്ഡി
വക്ത്രശ്രിയം ചകിതചാരൂ ചമൂരുനേത്രാം ।
രാധാപ്രസാധനവിധാനകലാപ്രസിദ്ധാം
ദേവീം ഗുണൈഃ സുലലിതാം ലലിതാം നമാമി ॥ 2 ॥
ലാസ്യോല്ലസദ്ഭുജഗശത്രുപതത്രചിത്ര
പട്ടാംശുകാഭരണകഞ്ചുലികാഞ്ചിതാങ്ഗീം ।
ഗോരോചനാരുചിവിഗര്‍ഹണ ഗൌരിമാണം
ദേവീം ഗുണൈഃ സുലലിതാം ലലിതാം നമാമി ॥ 3 ॥
ധൂര്‍തേ വ്രജേന്ദ്രതനയേ തനു സുഷ്ഠുവാംയം
മാ ദക്ഷിണാ ഭാവ കലങ്കിനി ലാഘവായ ।
രാധേ ഗിരം ശൃണു ഹിതാമിതി ശിക്ഷയന്തീം
ദേവീം ഗുണൈഃ സുലലിതാം ലലിതാം നമാമി ॥ 4 ॥
രാധാമഭിവ്രജപതേഃ കൃതമാത്മജേന
കൂടം മനാഗപി വിലോക്യ വിലോഹിതാക്ഷീം ।
വാഗ്ഭങ്ഗിഭിസ്തമചിരേണ വിലജ്ജയന്തീം
ദേവീം ഗുണൈഃ സുലലിതാം ലലിതാം നമാമി ॥ 5 ॥
വാത്സല്യവൃന്ദവസതിം പശുപാലരാജ്ഞ്യാഃ
സഖ്യാനുശിക്ഷണകലാസു ഗുരും സഖീനാം ।
രാധാബലാവരജ ജീവിതനിര്‍വിശേഷാം
ദേവീം ഗുണൈഃ സുലലിതാം ലലിതാം നമാമി ॥ 6 ॥
യാം കാമപി വ്രജകുലേ വൃഷഭാനുജായാഃ
പ്രേക്ഷ്യ സ്വപക്ഷപദവീമനുരുദ്ധ്യമാനാം ।
സദ്യസ്തദിഷ്ടഘടനേന കൃതാര്‍ഥയന്തീം
ദേവീം ഗുണൈഃ സുലലിതാം ലലിതാം നമാമി ॥ 7 ॥
രാധാവ്രജേന്ദ്രസുതസങ്ഗമരങ്ഗചര്യാം
വര്യാം വിനിശ്ചിതവതീമഖിലോത്സവേഭ്യഃ ।
താം ഗോകുലപ്രിയസഖീനികുരംബമുഖ്യാം
ദേവീം ഗുണൈഃ സുലലിതാം ലലിതാം നമാമി ॥ 8 ॥
നന്ദനമൂനി ലലിതാഗുണലാലിതാനി
പദ്യാനി യഃ പഠതി നിര്‍മലദൃഷ്ടിരഷ്ടൌ ।
പ്രീത്യാ വികര്‍ഷതി ജനം നിജവൃന്ദമധ്യേ
തം കീര്‍തിദാപതികുലോജ്ജ്വലകല്‍പവല്ലീ ॥ 9 ॥
ഇതി ശ്രീരൂപഗോസ്വാമിവിരചിതസ്തവമാലായാം ശ്രീലലിതാഷ്ടകം
ശ്രീലലിതാപ്രണാമസ്തോത്രം സമ്പൂര്‍ണം ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Bengali » Gujarati » Kannada » Odia » Telugu » Tamil