॥ Sree Lalitha Devi Ashtakam Telugu Lyrics ॥
॥ శ్రీలలితాష్టకమ్ ॥
శ్రీలలితాప్రణామస్తోత్రమ్
శ్రీలలితాయ నమః ।
రాధాముకున్ద పదసమ్భవఘర్మబిన్దు
నిర్మఞ్ఛనోపకరణీకృత దేహలక్షామ్ ।
ఉత్తుఙ్గసౌహృదవిశేషవశాత్ ప్రగల్భాం
దేవీం గుణైః సులలితాం లలితాం నమామి ॥ ౧ ॥
రాకాసుధాకిరణమణ్డలకాన్తిదణ్డి
వక్త్రశ్రియం చకితచారూ చమూరునేత్రామ్ ।
రాధాప్రసాధనవిధానకలాప్రసిద్ధాం
దేవీం గుణైః సులలితాం లలితాం నమామి ॥ ౨ ॥
లాస్యోల్లసద్భుజగశత్రుపతత్రచిత్ర
పట్టాంశుకాభరణకఞ్చులికాఞ్చితాఙ్గీమ్ ।
గోరోచనారుచివిగర్హణ గౌరిమాణం
దేవీం గుణైః సులలితాం లలితాం నమామి ॥ ౩ ॥
ధూర్తే వ్రజేన్ద్రతనయే తను సుష్ఠువామ్యం
మా దక్షిణా భావ కలఙ్కిని లాఘవాయ ।
రాధే గిరం శృణు హితామితి శిక్షయన్తీం
దేవీం గుణైః సులలితాం లలితాం నమామి ॥ ౪ ॥
రాధామభివ్రజపతేః కృతమాత్మజేన
కూటం మనాగపి విలోక్య విలోహితాక్షీమ్ ।
వాగ్భఙ్గిభిస్తమచిరేణ విలజ్జయన్తీం
దేవీం గుణైః సులలితాం లలితాం నమామి ॥ ౫ ॥
వాత్సల్యవృన్దవసతిం పశుపాలరాజ్ఞ్యాః
సఖ్యానుశిక్షణకలాసు గురుం సఖీనామ్ ।
రాధాబలావరజ జీవితనిర్విశేషాం
దేవీం గుణైః సులలితాం లలితాం నమామి ॥ ౬ ॥
యాం కామపి వ్రజకులే వృషభానుజాయాః
ప్రేక్ష్య స్వపక్షపదవీమనురుద్ధ్యమానామ్ ।
సద్యస్తదిష్టఘటనేన కృతార్థయన్తీం
దేవీం గుణైః సులలితాం లలితాం నమామి ॥ ౭ ॥
రాధావ్రజేన్ద్రసుతసఙ్గమరఙ్గచర్యాం
వర్యాం వినిశ్చితవతీమఖిలోత్సవేభ్యః ।
తాం గోకులప్రియసఖీనికురమ్బముఖ్యాం
దేవీం గుణైః సులలితాం లలితాం నమామి ॥ ౮ ॥
నన్దనమూని లలితాగుణలాలితాని
పద్యాని యః పఠతి నిర్మలదృష్టిరష్టౌ ।
ప్రీత్యా వికర్షతి జనం నిజవృన్దమధ్యే
తం కీర్తిదాపతికులోజ్జ్వలకల్పవల్లీ ॥ ౯ ॥
ఇతి శ్రీరూపగోస్వామివిరచితస్తవమాలాయాం శ్రీలలితాష్టకం
శ్రీలలితాప్రణామస్తోత్రం సమ్పూర్ణమ్ ।
– Chant Stotra in Other Languages –
Sri Durga Slokam » Sri Lalita Ashtakam Lyrics in Sanskrit » English » Bengali » Gujarati » Kannada » Malayalam » Odia » Tamil