॥ Sri Lalita Ashtottara Satanama Divya Stotram Bengali Lyrics ॥
॥ শ্রীললিতাঽষ্টোত্তরশতনামদিব্যস্তোত্রম্ ॥
॥ শ্রীঃ ॥
॥ অথ শ্রীললিতাঽষ্টোত্তরশতনামদিব্যস্তোত্রম্ ॥
শিবপ্রিয়াশিবারাধ্যা শিবেষ্টা শিবকোমলা ।
শিবোত্সবা শিবরসা শিবদিব্যশিখামণিঃ ॥ ১ ॥
শিবপূর্ণা শিবঘনা শিবস্থা শিববল্লভা ।
শিবাভিন্না শিবার্ধাঙ্গী শিবাধীনা শিবংকরী ॥ ২ ॥
শিবনামজপাসক্তা শিবসাংনিধ্যকারিণী ।
শিবশক্তিঃ শিবাধ্যক্ষা শিবকামেশ্বরী শিবা ॥ ৩ ॥
শিবয়োগীশ্বরীদেবী শিবাজ্ঞাবশবর্তিনী ।
শিববিদ্যাতিনিপুণা শিবপঞ্চাক্ষরপ্রিয়া ॥ ৪ ॥
শিবসৌভাগ্যসম্পন্না শিবকৈঙ্কর্যকারিণী ।
শিবাঙ্কস্থা শিবাসক্তা শিবকৈবল্যদায়িনী ॥ ৫ ॥
শিবক্রীডা শিবনিধিঃ শিবাশ্রয়সমন্বিতা ।
শিবলীলা শিবকলা শিবকান্তা শিবপ্রদা ॥ ৬ ॥
শিবশ্রীললিতাদেবী শিবস্য নয়নামৃতা ।
শিবচিন্তামণিপদা শিবস্য হৃদয়োজ্জ্বলা ॥ ৭ ॥
শিবোত্তমা শিবাকারা শিবকামপ্রপূরিণী ।
শিবলিঙ্গার্চনপরা শিবালিঙ্গনকৌতুকী ॥ ৮ ॥
শিবালোকনসংতুষ্টা শিবলোকনিবাসিনী ।
শিবকৈলাসনগরস্বামিনী শিবরঞ্জিনী ॥ ৯ ॥
শিবস্যাহোপুরুষিকা শিবসংকল্পপূরকা ।
শিবসৌন্দর্যসর্বাঙ্গী শিবসৌভাগ্যদায়িনী ॥ ১০ ॥
শিবশব্দৈকনিরতা শিবধ্যানপরায়ণা ।
শিবভক্তৈকসুলভা শিবভক্তজনপ্রিয়া ॥ ১১ ॥
শিবানুগ্রহসম্পূর্ণা শিবানন্দরসার্ণ্বা ।
শিবপ্রকাশসংতুষ্টা শিবশৈলকুমারিকা ॥ ১২ ॥
শিবাস্যপঙ্কজার্কাভা শিবান্তঃপুরবাসিনী ।
শিবজীবাতুকলিকা শিবপুণ্যপরংপরা ॥ ১৩ ॥
শিবাক্ষমালাসংতৃপ্তা শিবনিত্যমনোহরা ।
শিবভক্তশিবজ্ঞানপ্রদা শিববিলাসিনী ॥ ১৪ ॥
শিবসংমোহনকরী শিবসাংরাজ্যশালিনী ।
শিবসাক্ষাদ্ব্রহ্মবিদ্যা শিবতাণ্ডবসাক্ষিণী ॥ ১৫ ॥
শিবাগমার্থতত্ত্বজ্ঞা শিবমান্যা শিবাত্মিকা ।
শিবকার্যৈকচতুরা শিবশাস্ত্রপ্রবর্তকা ॥ ১৬ ॥
শিবপ্রসাদজননী শিবস্য হিতকারিণী ।
শিবোজ্জ্বলা শিবজ্যোতিঃ শিবভোগসুখংকরী ॥ ১৭ ॥
শিবস্য নিত্যতরুণী শিবকল্পকবল্লরী ।
শিববিল্বার্চনকরী শিবভক্তার্তিভঞ্জনী ॥ ১৮ ॥
শিবাক্ষিকুমুদজ্যোত্স্না শিবশ্রীকরুণাকরা ।
শিবানন্দসুধাপূর্ণা শিবভাগ্যাব্ধিচন্দ্রিকা ॥ ১৯ ॥
শিবশক্ত্যৈক্যললিতা শিবক্রীডারসোজ্জ্বলা ।
শিবপ্রেমমহারত্নকাঠিন্যকলশস্তনী ॥ ২০ ॥
শিবলালিতল়াক্ষার্দ্রচরণাংবুজকোমলা ।
শিবচিত্তৈকহরণব্যালোলঘনবেণিকা ॥ ২১ ॥
শিবাভীষ্টপ্রদানশ্রীকল্পবল্লীকরাংবুজা ।
শিবেতরমহাতাপনির্মূলামৃতবর্ষিণী ॥ ২২ ॥
শিবয়োগীন্দ্রদুর্বাসমহিম্নস্তুতিতোষিতা ।
শিবসম্পূর্ণবিমলজ্ঞানদুগ্ধাব্ধিশায়িনী ॥ ২৩ ॥
শিবভক্তাগ্রগণ্যেশবিষ্ণুব্রহ্মেন্দ্রবন্দিতা ।
শিবমায়াসমাক্রান্তমহিষাসুরমর্দিনী ।
শিবদত্তবলোন্মত্তশুম্ভাদ্যসুরনাশিনী ॥ ২৪ ॥
শিবদ্বিজার্ভকস্তন্যজ্ঞানক্ষীরপ্রদায়িনী ।
শিবাতিপ্রিয়ভক্তাদিনন্দিভৃঙ্গিরিটিস্তুতা ॥ ২৫ ॥
শিবানলসমুদ্ভূতভস্মোদ্ধূলিতবিগ্রহা ।
শিবজ্ঞানাব্ধিপারজ্ঞমহাত্রিপুরসুন্দরী ॥ ২৬ ॥
ইত্যেতল্ললিতানাম্নামষ্টোত্তরশতং মুনে ।
অনেকজন্মপাপঘ্নং ললিতাপ্রীতিদায়কম্ ॥ ২৭ ॥
সর্বৈশ্বর্যপ্রদং নৄণামাধিব্যাধিনিবারণম্ ।
য়ো মর্ত্যঃ পঠতে নিত্যং সর্বান্কামানবাপ্নুয়াত্ ॥ ২৮ ॥
ইতিশ্রীললিতোপাখ্যানে স্তোত্রখণ্ডে শ্রীললিতাষ্টোত্তর-
শতনামস্তোত্রং সম্পূর্ণম্ ॥
– Chant Stotra in Other Languages –
Sri Durga Slokam » Sri Lalita Ashtottara Shatanama Divya Stotram Lyrics in Sanskrit » English » Gujarati » Kannada » Malayalam » Odia » Telugu » Tamil