॥ Lalitha Arya Kavacham Kannada Lyrics ॥
॥ ಶ್ರೀ ಲಲಿತಾರ್ಯಾ ಕವಚ ಸ್ತೋತ್ರಂ ॥
ಅಗಸ್ತ್ಯ ಉವಾಚ –
ಹಯಗ್ರೀವ ಮಹಾಪ್ರಾಜ್ಞ ಮಮ ಜ್ಞಾನಪ್ರದಾಯಕ ।
ಲಲಿತಾ ಕವಚಂ ಬ್ರೂಹಿ ಕರುಣಾಮಯಿ ಚೇತ್ತವ ॥ ೧ ॥
ಹಯಗ್ರೀವ ಉವಾಚ-
ನಿದಾನಂ ಶ್ರೇಯಸಾಮೇತಲ್ಲಲಿತಾವರ್ಮಸಂಜ್ಞಿತಂ ।
ಪಠತಾಂ ಸರ್ವಸಿದ್ಧಿಸ್ಸ್ಯಾತ್ತದಿದಂ ಭಕ್ತಿತಶ್ಶೃಣು ॥ ೨ ॥
ಲಲಿತಾ ಪಾತು ಶಿರೋ ಮೇ ಲಲಾಟಮಂಬಾ ಮಧುಮತೀರೂಪಾ ।
ಭ್ರೂಯುಗ್ಮಂ ಚ ಭವಾನೀ ಪುಷ್ಪಶರಾ ಪಾತು ಲೋಚನದ್ವಂದ್ವಂ ॥ ೩ ॥
ಪಾಯಾನ್ನಾಸಾಂ ಬಾಲಾ ಸುಭಗಾದಂತಾಂಶ್ಚ ಸುಂದರೀಜಿಹ್ವಾಂ ।
ಅಧರೋಷ್ಠಮಾದಿ ಶಕ್ತಿಶ್ಚಕ್ರೇಶೀ ಪಾತು ಮೇ ಸದಾ ಚುಬುಕಮ್ ॥ ೪ ॥
ಕಾಮೇಶ್ವರ್ಯವತು ಕರ್ಣೌ ಕಾಮಾಕ್ಷೀ ಪಾತು ಮೇ ಗಂಡಯೋರ್ಯುಗ್ಮಂ ।
ಶೃಂಗಾರನಾಯಿಕಾಖ್ಯಾ ವಕ್ತ್ರಂ ಸಿಂಹಾಸನೇಶ್ವರ್ಯವತು ಗಳಂ ॥ ೫ ॥
ಸ್ಕಂದಪ್ರಸೂಶ್ಚ ಪಾತು ಸ್ಕಂಧೌ ಬಾಹೂ ಚ ಪಾಟಲಾಂಗೀ ಮೇ ।
ಪಾಣೀ ಚ ಪದ್ಮನಿಲಯಾ ಪಾಯಾದನಿಶಂ ನಖಾವಳಿಂ ವಿಜಯಾ ॥ ೬ ॥
ಕೋದಂಡಿನೀ ಚ ವಕ್ಷಃ ಕುಕ್ಷಿಂ ಪಾಯಾತ್ಕುಲಾಚಲಾತ್ತಭವಾ ।
ಕಲ್ಯಾಣೀತ್ವವತು ಲಗ್ನಂ ಕಟಿಂ ಚ ಪಾಯಾತ್ಕಲಾಧರಶಿಖಂಡಾ ॥ ೭ ॥
ಊರುದ್ವಯಂ ಚ ಪಾಯಾದುಮಾ ಮೃಡಾನೀ ಚ ಜಾನುನೀ ರಕ್ಷೇತ್ ।
ಜಂಘೇ ಚ ಷೋಡಶೀ ಮೇ ಪಾಯಾತ್ಪಾದೌ ಚ ಪಾಶಸೃಣಿಹಸ್ತಾ ॥ ೮ ॥
ಪ್ರಾತಃ ಪಾತು ಪರಾಮಾಂ ಮಧ್ಯಾಹ್ನೇ ಪಾತು ಮಾಂ ಮಣಿಗೃಹಾಂತಸ್ಥಾ ।
ಶರ್ವಾಣ್ಯವತು ಚ ಸಾಯಂ ಪಾಯಾದ್ರಾತ್ರೌ ಚ ಭೈರವೀ ಸತತಮ್ ॥ ೯ ॥
ಭಾರ್ಯಾಂ ರಕ್ಷತು ಗೌರೀ ಪಾಯಾತ್ಪುತ್ರಾಂಶ್ಚ ಬಿಂದುಗ್ರಹಪೀಠಾ ।
ಶ್ರೀವಿದ್ಯಾ ಚ ಯಶೋ ಮೇ ಶೀಲಂ ಚಾವ್ಯಾಚ್ಚಿರಂ ಮಹಾರಾಜ್ಞೀ ॥ ೧೦ ॥
ಪವನಮಯಿ ಪಾವಕಮಯಿ ಕ್ಷೋಣೀಮಯಿ ವ್ಯೋಮಮಯಿ ಕೃಪೀಟಮಯಿ ।
ಶ್ರೀಮಯಿ ಶಶಿಮಯಿ ರವಿಮಯಿ ಸಮಯಮಯಿ ಪ್ರಾಣಮಯಿ ಶಿವಮಯೀತ್ಯಾದಿ ॥ ೧೧ ॥
ಕಾಲೀ ಕಪಾಲಿನೀ ಶೂಲಿನೀ ಭೈರವೀ ಮಾಂತಗೀ ಪಂಚಮೀ ತ್ರಿಪುರೇ ।
ವಾಗ್ದೇವೀ ವಿಂಧ್ಯವಾಸಿನೀ ಬಾಲೇ ಭುವನೇಶಿ ಪಾಲಯ ಚಿರಂ ಮಾಮ್ ॥ ೧೨ ॥
ಅಭಿನವಸಿಂದೂರಾಭಾಮಂಬ ತ್ವಾಂ ಚಿಂತಯಂತಿ ಯೇ ಹೃದಯೇ ।
ಉಪರಿ ನಿಪತಂತಿ ತೇಷಾಮುತ್ಪಲನಯನಾ ಕಟಾಕ್ಷಕಲ್ಲೋಲಾಃ ॥ ೧೩ ॥
ವರ್ಗಾಷ್ಟಪಙ್ಕ್ತಿಕಾಭಿರ್ವಶಿನೀ-ಮುಖಾಭಿರಧಿಕೃತಾಂ ಭವತೀಂ ।
ಚಿಂತಯತಾಂ ಪೀತವರ್ಣಾಂ ಪಾಪೋನಿರ್ಯಾತ್ಯ ಯತ್ನತೋ ವದನಾತ್ ॥ ೧೪ ॥
ಕನಕಲತಾವದ್ಗೌರೀಂ ಕರ್ಣ ವ್ಯಾಲೋಲ ಕುಂಡಲ ದ್ವಿತಯಾಂ ।
ಪ್ರಹಸಿತಮುಖೀಂ ಚ ಭವತೀಂ ಧ್ಯಾಯಂ ತೋಯೇ ಭವಂತಿ ಮೂರ್ಧನ್ಯಾಃ ॥ ೧೫ ॥
ಶೀರ್ಷಾಂಭೋರುಹಮಧ್ಯೇ ಶೀತಲಪೀಯೂಷವರ್ಷಿಣೀಂ ಭವತೀಂ ।
ಅನುದಿನಮನುಚಿಂತಯತಾ-ಮಾಯುಷ್ಯಂ ಭವತಿ ಪುಷ್ಕಲಮವನ್ಯಾಮ್ ॥ ೧೬ ॥
ಮಧುರಸ್ಮಿತಾಂ ಮದಾರುಣನಯನಾಂ ಮಾತಂಗ ಕುಂಭವಕ್ಷೋಜಾಮ್ ।
ಚಂದ್ರಾವತಂಸಿನೀಂ ತ್ವಾಂ ಸತತಂ ಪಶ್ಯಂತಿ ಸುಕೃತಿನಃ ಕೇಚಿತ್ ॥ ೧೭ ॥
ಲಲಿತಾಯಾಸ್ಸ್ತವರತ್ನಂ ಲಲಿತಪದಾಭಿಃ ಪ್ರಣೀತಮಾರ್ಯಾಭಿಃ ।
ಅನುದಿನಮನುಚಿಂತಯತಾಂ ಫಲಾನಿವಕ್ತುಂ ಪ್ರಗಲ್ಭತೇ ನ ಶಿವಃ ॥ ೧೮ ॥
ಪೂಜಾ ಹೋಮಸ್ತರ್ಪಣಂ ಸ್ಯಾನ್ಮಂತ್ರಶಕ್ತಿಪ್ರಭಾವತಃ ।
ಪುಷ್ಪಾಜ್ಯ ತೋಯಾಭಾವೇಪಿ ಜಪಮಾತ್ರೇಣ ಸಿದ್ಧ್ಯತಿ ॥ ೧೯ ॥
ಇತಿ ಶ್ರೀಲಲಿತಾರ್ಯಾ ಕವಚಸ್ತೋತ್ರರತ್ನಮ್ ।
– Chant Stotra in Other Languages –
Sri Lalitha Arya Kavacham Lyrics in Sanskrit » English » Telugu » Tamil