॥ Lokanath Prabhupada Ashtakam Gujarati Lyrics ॥
શ્રીલોકનાથપ્રભુવરાષ્ટકમ્
યઃ કૃષ્ણચૈતન્યકૃપૈકવિત્ત-
સ્તત્પ્રેમહેમાભરણાઢ્યચિત્તઃ ।
નિપત્ય ભૂમૌ સતતં નમામ-
સ્તં લોકનાથં પ્રભુમાશ્રયામઃ ॥ ૧ ॥
યો લબ્ધવૃન્દાવનનિત્યવાસઃ
પરિસ્ફુરત્કૃષ્ણવિલાસરાસઃ ।
સ્વાચારચર્યસતતાવિરામ-
સ્તં લોકનાથં પ્રભુમાશ્રયામઃ ॥ ૨ ॥
સદોલ્લસદ્ભાગવતાનુરક્ત્યા
યઃ કૃષ્ણરાધાશ્રવણાદિભક્ત્યા ।
અયાતયામીકૃતસર્વયામ-
સ્તં લોકનાથં પ્રભુમાશ્રયામઃ ॥ ૩ ॥
વૃન્દાવનાધીશપદાબ્જસેવા
સ્વાદેઽનુમજ્જન્તિ ન હન્ત કે વા ।
યસ્તેષ્વપિ શ્લાઘાતમોઽભિરામ-
સ્તં લોકનાથં પ્રભુમાશ્રયામઃ ॥ ૪ ॥
યઃ કૃષ્ણલીલારસ એવ લોકાન્
અનુન્મુખાન્વીક્ષ્ય બિભર્તિ શોકાન્ ।
સ્વયં તદાસ્વાદનમાત્રકામ-
સ્તં લોકનાથં પ્રભુમાશ્રયામઃ ॥ ૫ ॥
કૃપાબલં યસ્ય વિવેદ કશ્ચિત્
નરોત્તમો નામ મહાન્વિપશ્ચિત્ ।
યસ્ય પ્રથીયાન્વિષયોપરામ-
સ્તં લોકનાથં પ્રભુમાશ્રયામઃ ॥ ૬ ॥
રાગાનુગાવર્ત્મનિ યત્પ્રસાદા-
દ્વિશન્ત્યાવિજ્ઞા અપિ નિર્વિષાદાઃ ।
જને કૃતાગસ્યપિ યસ્ત્વવામ-
સ્તં લોકનાથં પ્રભુમાશ્રયામઃ ॥ ૭ ॥
યદ્દાસદાસાનુદાસદાસાઃ
વય્હં ભવામઃ ફલિતાભિલાષાઃ ।
યદીયતાયાં સહસા વિશામ-
સ્તં લોકનાથં પ્રભુમાશ્રયામઃ ॥ ૮ ॥
શ્રીલોકનાથાષ્ટકમત્યુદારં
ભક્ત્યા પઠેદ્યઃ પુરુષાર્થસારમ્ ।
સ મઞ્જુલાલીપદવીં પ્રપદ્ય
શ્રીરાધિકાં સેવત એવ સદ્યઃ ॥ ૯ ॥
સોઽયં શ્રીલોકનાથઃ સ્ફુરતુ પુરુકૃપારશ્મિભિઃ સ્વૈઃ સમુદ્યન્
ઉદ્ધૃત્યોદ્ધૃત્ય યો નઃ પ્રચુરતમતમઃ કૂપતો દીપિતાભિઃ ।
દૃગ્ભિઃ સ્વપ્રેમવીથ્યા દિશમદિશદહો યાં શ્રિતા દિવ્યલીલા
રત્નાઢ્યં વિન્દમાના વયમપિ નિભૃતં શ્રીલગોવર્ધનં સ્મઃ ॥ ૧૦ ॥
ઇતિ શ્રીમદ્વિશ્વનાથચક્રવર્તિવિરચિતં
શ્રીશ્રીલોકનાથપ્રભુવરાષ્ટકં સમ્પૂર્ણમ્ ॥
– Chant Stotra in Other Languages –
Sri Krishna Slokam » Sri Lokanath Prabhupada Ashtakam Lyrics in Sanskrit » English » Bengali » Kannada » Malayalam » Odia » Telugu » Tamil