॥ Lokanath Prabhupada Ashtakam Kannada Lyrics ॥
ಶ್ರೀಲೋಕನಾಥಪ್ರಭುವರಾಷ್ಟಕಮ್
ಯಃ ಕೃಷ್ಣಚೈತನ್ಯಕೃಪೈಕವಿತ್ತ-
ಸ್ತತ್ಪ್ರೇಮಹೇಮಾಭರಣಾಢ್ಯಚಿತ್ತಃ ।
ನಿಪತ್ಯ ಭೂಮೌ ಸತತಂ ನಮಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 1 ॥
ಯೋ ಲಬ್ಧವೃನ್ದಾವನನಿತ್ಯವಾಸಃ
ಪರಿಸ್ಫುರತ್ಕೃಷ್ಣವಿಲಾಸರಾಸಃ ।
ಸ್ವಾಚಾರಚರ್ಯಸತತಾವಿರಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 2 ॥
ಸದೋಲ್ಲಸದ್ಭಾಗವತಾನುರಕ್ತ್ಯಾ
ಯಃ ಕೃಷ್ಣರಾಧಾಶ್ರವಣಾದಿಭಕ್ತ್ಯಾ ।
ಅಯಾತಯಾಮೀಕೃತಸರ್ವಯಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 3 ॥
ವೃನ್ದಾವನಾಧೀಶಪದಾಬ್ಜಸೇವಾ
ಸ್ವಾದೇಽನುಮಜ್ಜನ್ತಿ ನ ಹನ್ತ ಕೇ ವಾ ।
ಯಸ್ತೇಷ್ವಪಿ ಶ್ಲಾಘಾತಮೋಽಭಿರಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 4 ॥
ಯಃ ಕೃಷ್ಣಲೀಲಾರಸ ಏವ ಲೋಕಾನ್
ಅನುನ್ಮುಖಾನ್ವೀಕ್ಷ್ಯ ಬಿಭರ್ತಿ ಶೋಕಾನ್ ।
ಸ್ವಯಂ ತದಾಸ್ವಾದನಮಾತ್ರಕಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 5 ॥
ಕೃಪಾಬಲಂ ಯಸ್ಯ ವಿವೇದ ಕಶ್ಚಿತ್
ನರೋತ್ತಮೋ ನಾಮ ಮಹಾನ್ವಿಪಶ್ಚಿತ್ ।
ಯಸ್ಯ ಪ್ರಥೀಯಾನ್ವಿಷಯೋಪರಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 6 ॥
ರಾಗಾನುಗಾವರ್ತ್ಮನಿ ಯತ್ಪ್ರಸಾದಾ-
ದ್ವಿಶನ್ತ್ಯಾವಿಜ್ಞಾ ಅಪಿ ನಿರ್ವಿಷಾದಾಃ ।
ಜನೇ ಕೃತಾಗಸ್ಯಪಿ ಯಸ್ತ್ವವಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 7 ॥
ಯದ್ದಾಸದಾಸಾನುದಾಸದಾಸಾಃ
ವಯ್ಹಂ ಭವಾಮಃ ಫಲಿತಾಭಿಲಾಷಾಃ ।
ಯದೀಯತಾಯಾಂ ಸಹಸಾ ವಿಶಾಮ-
ಸ್ತಂ ಲೋಕನಾಥಂ ಪ್ರಭುಮಾಶ್ರಯಾಮಃ ॥ 8 ॥
ಶ್ರೀಲೋಕನಾಥಾಷ್ಟಕಮತ್ಯುದಾರಂ
ಭಕ್ತ್ಯಾ ಪಠೇದ್ಯಃ ಪುರುಷಾರ್ಥಸಾರಮ್ ।
ಸ ಮಂಜುಲಾಲೀಪದವೀಂ ಪ್ರಪದ್ಯ
ಶ್ರೀರಾಧಿಕಾಂ ಸೇವತ ಏವ ಸದ್ಯಃ ॥ 9 ॥
ಸೋಽಯಂ ಶ್ರೀಲೋಕನಾಥಃ ಸ್ಫುರತು ಪುರುಕೃಪಾರಶ್ಮಿಭಿಃ ಸ್ವೈಃ ಸಮುದ್ಯನ್
ಉದ್ಧೃತ್ಯೋದ್ಧೃತ್ಯ ಯೋ ನಃ ಪ್ರಚುರತಮತಮಃ ಕೂಪತೋ ದೀಪಿತಾಭಿಃ ।
ದೃಗ್ಭಿಃ ಸ್ವಪ್ರೇಮವೀಥ್ಯಾ ದಿಶಮದಿಶದಹೋ ಯಾಂ ಶ್ರಿತಾ ದಿವ್ಯಲೀಲಾ
ರತ್ನಾಢ್ಯಂ ವಿನ್ದಮಾನಾ ವಯಮಪಿ ನಿಭೃತಂ ಶ್ರೀಲಗೋವರ್ಧನಂ ಸ್ಮಃ ॥ 10 ॥
ಇತಿ ಶ್ರೀಮದ್ವಿಶ್ವನಾಥಚಕ್ರವರ್ತಿವಿರಚಿತಂ
ಶ್ರೀಶ್ರೀಲೋಕನಾಥಪ್ರಭುವರಾಷ್ಟಕಂ ಸಮ್ಪೂರ್ಣಮ್ ॥
– Chant Stotra in Other Languages –
Sri Krishna Slokam » Sri Lokanath Prabhupada Ashtakam Lyrics in Sanskrit » English » Bengali » Gujarati » Malayalam » Odia » Telugu » Tamil